Day 5 (29-7-2013 ~ Mon ~ 晴 ~ 21℃-27℃)
行程 ~ 北海道(美瑛、富良野)
離開美瑛後，撘 JR 到美馬牛，目的地是四季彩の丘。其實四季彩の丘已於 09 年的冬天來過，本來是不打算再來的，但上年開始飼養了草泥馬給遊客參觀，我只是在雜誌上看過、未真正的接觸過草泥馬的呢 ! 雖然已知道牠們並不算靚仔，甚至有點醜 … :P … 所以即使只有兩個小時逗留，也想去會一會牠們呢 ! 8->
↑↓ 夏天和冬天的指示牌
途經一個民居的太陽花田，好靚呀 ! 忍不住停下來拍了一會兒照片 :x
好喜歡這張，一個個花芯好像不同大小的「O」嘴 :))
路邊野花
↑↓ 路邊的小羊欄，住了 Co Co 及 Ra Ra
經過一個農田時，看見田地後有一卷草轆 (不知為何我覺得草轆好可愛的 :P)，我們超開心，因為對上一次夏天來時，由於落雨的關系，所以都沒有好好的替草轆拍過照呢 ! 於是向田裡工作的婆婆打過招呼後便急步行過去影相了
離開時也向休息中的婆婆說再見 :D
經過美馬牛小學，循例又影兩張 ~
好美的金黃色梯田 8->
Ricky 說這兩架車仔好像玩具車，好可愛喎
不知行了多久，熱死了，才終於看見四季彩の丘 ……
↑↓ 好可愛的草泥馬海報 :x
來到四季彩の丘已經 2pm 了，本來打算先上 2/F 的食事處吃午餐，可惜餐廳因為招待本地團、做不及外來遊客的生意，所以我們沒有飯吃了 :(( 唯有回到地面的小食檔，買兩份牛油薯仔和薯餅到外面找張椅子坐下來吃吧 ! 好想吃肉類呢 :(
↑↓ 從 2/F 餐廳望出去的景致
到處也有介紹草泥馬的海報
吃過「午餐」便先到賣店看看 >:) 不過沒什麼收獲，因為其實只有最大的這兩隻浣熊和草泥馬公仔較吸引 8->
雖然來四季彩の丘的目的不是為花田，但也影幾張花花相吧 ! 不過我對這裡的花興趣不大，總覺得像是街邊的野花，可能沒心機影，越影越沒趣 (亦可能是遊客太多，不停聽到國語人在大呼小叫、又踏進花田內拍照，讓人側目)，還是快快過去找草泥馬好了 ~
我反而喜歡這張拼布田野景色，可能是上次未能影到，今次特別覺得珍貴吧 :x
↑↓ 小小的草泥馬牧場，入場費 ￥500@，可加 ￥100 買菜餵草泥馬 :D
總覺得草泥馬的樣子好趣怪 :))
o的牙參差不齊、好醜樣呀 ~ :))
話說在餵草泥馬的時候，因為滿場都是小朋友，無意間聽到一段國語的對話 ~ 小朋友：「媽媽，為什麼這隻是黑色的 ?」，媽媽想也不用想便認真地飛快答了句「非洲來的 !」:))
我們都忍不住笑了起來，自此之後，我和 Ricky 一見到黑色的物體，無論是貓還是麵包，都會異口同聲的用國語說「非洲來的 !」
好想影這隻黑色的，眼睛都被頭髮遮蓋著，好潮呢 ! 可惜全黑色很難影得好 :P
在草泥馬牧場看著可愛的草泥馬和小朋友、聽著大人小孩的歡笑聲，很愉快地度過了 45 分鐘之後，我們要離開了，因為今天晚上有個重要的祭典 !
↑↓ 回程選擇行另一路，可看看不同的風景，順便探一探上次冬天來時看見的狗狗
回到美馬牛駅，撘「富良野‧美瑛 薰衣草Norokko 號」小火車到富良野，我們這麼快離開四季彩の丘的其中一個原因，就是要遷就埋這輛觀光火車的班次呢 :D 雖然當年夏天已撘過，但時間遷就到的話，也想要撘多一次呢 !
最後當然也要影多次火車頭留念，因為我實在很喜歡這輛火車的顏色 :x
今次唔租單車？歩いて行上去四季彩好遠呢？
回覆刪除一路睇都有同一個問題, 唔知行咗幾耐先去到四季彩, 真係好遠喎!
刪除Google map話半小時。
刪除哈哈, 正常都要行20分鐘以上. 小肥趕車滾落山就會快好多. . . ^0^
刪除沿路有咁靚既太陽花田, 草轆同美馬牛小學, CK鼠應該行左1個鐘喇!! >:)
刪除哈哈 ! 蜻蜓就講得o岩喇，我地邊行邊影，原本 30 分鐘o既路程，去程應該用o左 45 分鐘左右，回程就快好多，學小肥咁講，半行半跑咁碌落山，用o左 20 分鐘左右啦 ! :))
刪除點解唔租單車 ? 因為唔夠時間慢慢踏單車呀，我「手車」好差的 :P
刪除其實當初都有想過租單車的，但時間上我地只能「擠出」2 小時去四季彩の丘，因為美瑛以前已去過，今次純粹想去四季彩の丘睇草泥馬。美馬牛駅是沒有單車租的，如果由美瑛租單車，來回應該需要 3 個小時以上，時間不夠，所以還是選擇步行好了 …… 這些就是不能自駕的煩惱，只能靠雙腿的自由「行」了 :(
我以為有添，隠約見到你第二幅，有寫「レンタサイクル」。
刪除年青人，行多D都好呀！:))
「レンタサイクル」係咩意思呀 ? 我以前冬天行過去四季彩の丘一次，都唔覺有租單車店，所以一心諗住行過去，冇再詳細 search 了
刪除行多D呢樣野唔關年唔年青事，係迫於無奈的 :((
「レンタサイクル」咪 "Rental Cycle" 有單車出租囉 :D
刪除上四季彩の丘 夏天有單車出租. 第一個喺美馬牛駅出面, 大大個路牌,(上面第2幅相) 右行出路口, (轉左去美馬牛小學方向) 轉右有一家. 電動嘅都有!! ^0^
刪除個牌有英文，BIKE FOR RENT。600円1小時，好似貴咗D？
刪除唔該晒咁多位o既翻譯呀，不過原來個牌有英文寫埋我都冇留意添 :P 但如果有雙人單車我就會考慮，始終試過兩次自己踏單車都冇好結果，一次夏天去美瑛因石仔路跣而炒車、另一次就係對上一次去田澤湖在馬路踏怕到喊 …… 睇o黎我都係唔適宜自己踏單車的了 :P
刪除我第一次見草泥馬係响紐西蘭，反而依兩次去四季彩の丘無衝動想去睇，其實宜家日本都多咗好多地方有草泥馬，舊年响Mother Farm都有見過
回覆刪除其實睇咩動物都好，通常都係睇過就算，你已經o係紐西蘭過，興趣就會冇咁大，有時間都留番o黎睇其他未睇過的動物啦。我之前都係見其他 blog 友去 Mother Farm 度睇草泥馬的，但 Mother Farm 我有排都未 plan 到去呀，所以見四季彩の丘有、又順路，所以就攝o的時間過去睇了 :D
刪除用稻草堆砌嘅姜餅人好可愛呀 :x 另外啲草泥馬都幾好吖，様衰衰咁，幾得意呀 ;))
回覆刪除美瑛一帶的花田各有特色，而四季彩の丘的標誌就係呢兩個大稻草人，當年冬天我地就係專誠為o左呢兩隻稻草人，而o係雪地(又行)成 40 分鐘過去影相的 :D
刪除http://blog.yahoo.com/_RJ665CNS5YWK42SJ6JUIFSG7GY/articles/129306/category/%E6%97%A5%E6%9C%AC%E9%81%8A%E8%B8%AA
就係貪o的草泥馬樣衰衰、夠趣怪 ! 我喜歡 ~ :))
露左成鵬牙嗰張草泥馬好攪笑!!! 我都好鍾意一卷卷既草轆, 成日都好想秋天去美瑛影, 不過唔知幾時lu....
回覆刪除係呀 ! 就係露晒o的牙先夠醜樣、夠傻氣 :)) 呢隻已經算齊整的了，有o的仲黃仲參差不齊呢 !
刪除可能上次去美瑛，有好多想睇、想影o既野都因為落雨而完成唔到，變o左今次見到就特別開心，要填補多年前(05年的事了)的遺憾咁 8-> 一卷卷既草轆在夏天都有好多的，所以你可以考慮夏天或秋天去都得 :D
嘻嘻, 我自己最鍾意去四季彩の丘. 遇到遊客太多，不停聽到國語人在大呼小叫、又踏進花田內拍照 。。。 唔緊要- 唔 好比人影響 ^0^
回覆刪除其實我真係幾容易比人影響，所以都係趁未發脾四就行過去睇草泥馬開心下 :D
刪除我都喜歡四季彩の丘，但係因為喜歡佢果兩個稻草人，如果講花田，我喜歡北星町營農場，因為有吊椅坐，人唔算多，比較寧靜，而且總覺得果度o的薰衣草容易影相影得靚o的 8->
草泥馬 --> 我老公初初唔知道呢個世界上有草泥馬呢種動物
回覆刪除以為係d"高登"術語XD
最近呢幾年草泥馬 product大熱佢先知道草泥馬不是"粗口"而是動物XDD
草泥馬係粗口啦。佢真名叫「羊駝」。
刪除其實我唔喜歡草泥馬呢個名的，呢種動物本身就係羊駝的其中一個品種，草泥馬呢個名係強國人叫開而被大眾認識，所以好多人都只係識「草泥馬」而唔識「羊駝」
刪除原來我家中的小黑係來自非洲::_1554
回覆刪除應該係啦，如果唔係點會黑成咁 :))
刪除四季彩の丘都好值得去, 夏天開花好靚!!!
回覆刪除依家有埋草泥馬, 相信天吸引遊客~
p.s 太陽花嗰幾張相好鬼靚，花開得夠燦爛，背景的藍天白雲又夠sharp，襯到絕（大拇指）
Hello ~ 好耐冇見了 ! 搞掂個新 blog 未呢 ?
刪除我都幾喜歡四季彩の丘，因為有我鍾意的稻草人，雖然睇草泥馬要俾 ￥500 入場費，但未睇過的話都值得去睇睇的 ::oo2103
謝謝 ~ 果個只係民居的太陽花田，但已經好靚了，難得能配上藍天，所以好開心 ::vv4040