13·3·2021
下星期兩個女就全個星期都要返學了,所以趁假期又帶佢地出去放電,地點去返之前去過的農莊,因為夠多遊戲設施玩,又可以燒烤,今次仲好難得可以約埋嫲嫲及姑姐一齊去添 !
年初九(20/2) ~
我上午要返工,爸爸帶兩個女接我放工後,然後同契媽契爺食完午餐,就上契媽屋企團拜兼打機了 XDD
家姐仔一見契爺即黐到實,因為有專用手機可以打機嘛 -__- 呢兩個人仲夾埋整蠱契媽添 !
年初八(19/2) ~
趁公公婆婆放假,一起去了沙田行大運 先去車公廟拜神,然後去新城市廣場影新年佈置,近近地去埋 Snoopy Land 影相,原來呢度個滑梯設施有開,仲有得坐船仔,好正 ! 之後去食咗一餐好滿意的午餐,再返去 Snoopy Land 度繼續放電,小鬼們玩得超開心又瘋狂,大人細路都好盡興 !