2018 東京．夏の家族旅行 (Day 7) ~ 回程日

Day 7 (28-8-2018 ~ Tue ~ 約 35℃) 

行程 ~ 東京 → 香港

     所謂的第 7 日，其實係撘清晨機，所以要半夜起身去機場嘅回程日 (由橫浜撘的士到機場，好似大約 ￥10000)，這次扶老擕幼之旅終於完結了 ! 

2018 東京．夏の家族旅行 (Day 6) ~ 木更津 outlet

Day 6 (27-8-2018 ~ Mon ~ 約 35℃) 

行程 ~ 東京

     今日算係最輕鬆的一日了 ~ 大人去 outlet 血拼 ! 辛苦晒姑媽幫忙湊住家姐仔，家姐仔期間爆喊咗ㄧ陣之後，ㄧ睇電視「花師奶」就冇事了 😅 等到中午兩個表哥放學回來後便又玩又食，完全忘記我地啦 ! 😁

2018 東京．夏の家族旅行 (Day 5) ~ 岸根公園 + 屋企玩水

Day 5 (26-8-2018 ~ Sun ~ 約 36℃) 

行程 ~ 東京 (岸根公園、橫浜)

     昨日因太熱冇去岸根公園玩，今日去返，不過喺 36 度高温又熱又曬爆之下行一大段路先行到去，都幾辛苦，但見小朋友玩水槍、波波、滑梯玩到嘻嘻哈哈唔覺攰，都好開心嘅 ! 而且在炎陽下🌞影相都靚啲

2018 東京．夏の家族旅行 (Day 4) ~ Shopping day

Day 4 (25-8-2018 ~ Sat ~ 約 35℃) 

行程 ~ 東京 (八景島、橫浜)

(繼續完成埋個東京 trip 先)

     由於天氣太曬太熱的關係，將原本去公園玩的行程改為去川崎 shopping，正 !

2018 東京．夏の家族旅行 (Day 3) ~ 八景島

Day 3 (24-8-2018 ~ Fri ~ 陰天，約 33℃) 

行程 ~ 東京 (八景島、橫浜)

     第 3 日，小朋友瞓到自然醒，今日有颱風將到所以超大風，但好涼爽。雖然有擔心過今天的天氣，怕打風及遇上落雨的話去戶外玩就麻煩了，不過陰天大風總好過勁曬咁去玩戶外活動吧 ! 所以考慮了一個早上，然後才決定一於去八景島啦 ! 

     八景島比想象中好玩，有得釣魚又可以餵小動物，好適合小朋友呢 ! 👍 不過辛苦晒姑兩位姑姐做苦力又抬 BB 車、又抱又孭咁幫忙照顧兩隻女 🙇🙇

2018 東京．夏の家族旅行 (Day 2) ~ 橫浜忙碌的一天

Day 2 (23-8-2018 ~ Thu ~ 約 34℃) 

行程 ~ 東京 (橫浜)

     第二天早上瞓到自然醒 (阿媽我除外，因為兩隻女晨早 7 點幾醒咗就嘈，開完奶俾佢地飲、氹佢地再瞓過)，check out 後撘車去到姑媽位於橫浜的家已經 1 :30pm 了

2018 東京．夏の家族旅行 (Day 1) ~ 有驚無險出發了

Day 1 (22-8-2018 ~ Wed ~ 約 32℃) 

行程 ~ 香港→東京

     臨出發前 3、4 日，妹妹開始發燒，一停了食退燒藥就又燒返，今日撘黄昏機，早上一起身妹妹又燒到 38.8 ℃，所以早上立即帶妹妹去睇醫生，很擔心下午仍然有燒不能上機呢 ! 

    出發到機場前計好時間食定高燒藥，再敷退熱貼，爸爸已想定應變方法，如果妹妹去到機場仍然有燒就由爸爸帶回家照顧，幸好最後終於有驚無險順利上機和入境 🎊 

2018 東京．夏の家族旅行 ~ 戰利品

     這次去東京，行程看似多 shopping 時間，但實際只有 2 小時行 sogo、半日時間行 outlet，所以匆忙間只行了些重點的童裝之後就已經沒有時間了 (仲要係帶住小朋友，實際行的時間扣一半 ^^")

     所以戰利品 99.9% 都是兩個女的物品，自己只買了一樽沐浴露、兩對襪及 Un Un 和三個月曆，連水果都是阿女姑姐問我需唔需要幫我買先撘單買 4 包，其他食品、手信，就真係乜都冇預備了 :P

     每間店的退稅計法不同，價錢就盡量記/大概記下算啦，部份物品更是忘記價錢了 ^^" 

2018 東京．夏の家族旅行 ~ 花絮與感言

      為期 7 日(實際得 5 日) 的扶老擕幼之旅終於完結了 ~ 

     旅程中日夜都好像在追追趕趕過得非常充實，始終帶住兩個豆丁去旅行預咗會辛苦，但仍然開心滿足 ! 更加感激姑媽自煮ㄧ日三餐美食及幫忙照顧大細的款待 😚、兩位姑姐孭出孭入，充當苦力、奴婢、餵食、教導等等咩都做晒的支緩工作以及嫲嫲不辭勞苦照顧大細及日夜替兩隻女擔心的勞力同精力 

2018 東京．夏の家族旅行 ~ 出發篇

     今天下午便要出發往機場了，不過由於妹妹仍有發燒，都不知能否順利出發，唉 ~ 

  2018 東京．夏の家族旅行行程 (22-8-2018 版)~      

Day 1 ~ 22/8(Wed)：     
~ HK → 晚機到東京     
宿： 機場附近酒店       

Day 2 ~ 23/8(Thu)：     
~ 東京 (Lala port 及繩索公園)     
宿： 姑媽家樓下 guest room      

Day 3 ~ 24/8(Fri)：     
~ 東京 (八景島 + Outlet)    
宿：姑媽家樓下 guest room    

Day 4 ~ 25/8(Sat)：     
~ 東京 (商場Shopping + Outlet)    
宿：姑媽屋企       

Day 5 ~ 26/8(Sun)：     
~ 東京 (三浦半島/江之島/小田原)    
宿：姑媽家樓下 guest room    

Day 6 ~ 27/8(Mon)：     
~ 東京 (屋企附近行街)    
宿：機場附近酒店      

Day 7 ~ 28/8(Tue)：     
~ 撘早機回港

     驟眼看，有很多行街 shopping 時間喎，正 ~ XDDD

2018 東京．夏の家族旅行

     5 月的時候，姑姐提起我們的家族旅行去哪裡好 ? 有想過去日本其他縣如九州沖繩，亦想過其他馬來西亞地方如新加玻，但其實正值暑假周圍都很熱，我沒有所謂，只是想帶兩個女行開吓玩吓，所以提議不如近近地在姑媽東京的家附近玩好了

     經過個多月遷就大人細路的日期和格價，姑姐最終在前日訂了 HK Express 東京羽田的機票，22/8 晚機去28/8 早機返，實際玩 5 天，大人 $2489@，兩個女加埋共 $3349

  2018 東京．夏の家族旅行行程 ~      

     行程由姑媽及姑姐諗，所以唔知，哈哈 ! 大致好像會去八景島，睇動物，以及去姑媽附近的一些公園玩，而住宿則住姑媽家樓下的 guest room

     順帶ㄧ提，這次旅行 Ricky 不會同行，將會是我的ㄧ大挑戰