2023-24 九州關西東京．聖誕跨年親子遊

     疫情通關已超過一年，我們當然也恨了很久想去旅行，尤其是妹妹在出世後不久便遇上疫情，都沒有真正跟我們去過旅行 (8 個月大未懂事時去過一次)，所以對旅行的認識就是看我們的旅行相片、和聽我們回憶及提起的旅遊片段

     我和爸爸始終覺得欠了妹妹一次旅行(2018年因為妹妹太細沒有帶她去冬天那次旅行)。很記得今年年初的幼稚園高班旅行，妹妹在旅遊巴士上問我：「我地撘完旅遊巴係咪就撘飛機㗎喇 ?」…… 原來妹妹對旅行的概念不太明白，更令我們的虧欠感更重。

回鄉探親 ~ Part 2

 30‧6-3‧7-2023 

     第三日食完早餐，表妹過咗嚟一齊玩，中午去舅婆屋企食午餐，因為表弟 BB 要走了，之後大家狂食水果，再去另一姨婆新屋參觀，兩個女又狂食零食，果凍朱古力餅乾花生糖果大放題  -_-"   

     黃昏返太婆屋企食晚飯，期間發生懷疑唔見咗家姐事件，嚇到我喊 !!!      

     事源我坐喺二樓食水果，家姐同我講上三樓，轉頭妹妹揾家姐，我話佢喺上面 (咁啱姨婆食完晚餐走，成班人落咗樓下)，妹妹話家姐唔喺上面，我帶佢上三樓揾，唔見咪落返二樓問公公，公公話家姐落咗去，我帶住妹妹落地下問婆婆，跟住大家都話唔見，冇落過嚟，然後我逐層揾同嗌家姐個名，但冇人應 …… 全部人再逐層揾又上天台、都係冇人應，我嚇到個頭暈同手都震埋 …… 我以為佢跟住成班人落街，俾人趁黑/亂拖走咗 ...... 後來發覺細舅公唔喺度，兩個舅婆打俾佢又冇人聽，後來啲親戚喺地下見到佢地返嚟了，原來家姐拖咗細舅公去買嘢 ...... 

     第四日落大雨，早上帶兩女參觀大舅公的瓷磚舖，去埋家姐仔很去咗 3 日嘅大零食店買嘢食，再返太婆屋企食埋午餐就撘車回港了 …… 呢幾日每人應該食咗超過 50 粒荔枝，妹妹更加一晚食咗一樽花生 ! 

     兩女離開時一上車就喊了，話好想住耐啲唔捨得走，阿媽我又何嘗唔係？

回鄉探親 ~ Part 1

 30‧6-3‧7-2023 

     以前中學之前，每年都會回鄉一至兩次，自出來社會工作後便甚少回去了      

     家姐仔一歲半時回鄉探過親一次，到妹妹出世後便疫情了，所以從未回過鄉下      

     上年太公離開了，今年適逢表弟的仔仔百日宴在鄉下舉行，順便帶兩個女回鄉探望太婆，縱使太婆間中不太認得各人 …… 

     兩女最期待的是參觀舅公四五層要行樓梯的屋企，妹妹靜靜雞同家姐講話今晚無論幾攰都唔好瞓住要參觀咗間屋先，但其實呢啲屋在鄉下通街都係XDDD

妹妹的第一個畢業禮

      轉眼間，到妹妹畢業了 ! 新學年就做小學雞，這幾個月陸陸續續舉行的畢業活動，我工作忙得只能出席一半，部份活動靠爸爸和其他家長影相

 20‧5‧2023 

小學聯校畢業典禮 ~ 

     我沒有出席，聽爸爸說原來是和小學畢業生一同舉行的畢業禮，所以好悶 ^^"

戶外畢業相

又來清家姐仔的畢業相 ~ (完)

********************************************************

 19‧6‧2021 

     與同學仔一起相約攝影師影了一輯畢業相，未收到專業相片之前，先來一些拍攝花絮

家姐仔與家人畢業相@數碼港

     繼續清返家姐仔啲畢業相先 ^^"

****************************************************

 31‧5‧2021 

     去完迪士尼畢業慶典後，趁未還畢業袍，想同公公婆婆影張畢業相 (不過沒有 post，因為家姐仔影得極不耐煩  -__-" )，所以去了個方圓百里都冇人嘅地方影兩張冇口罩相先 :P     

     快快影完玩一陣去食 lunch，洒樓佈置好靚，不過論味道都係赤柱果間好食啲

迪士尼畢業慶典 2021 ~ Part 2

     妹妹都剛影完畢業相，但兩年前家姐仔的迪士尼畢業旅行都未打完 ^^"

***********************************************************

 26‧5‧2021 

     影完大合照之後就正式入園玩了 ~ 妹妹在一歲2個月大時去過一次，但當時妹妹年紀小，她完全没有印象，所以趁今次再入園影多少少相留念 ^^

家姐仔 8 歲生日

   11‧5‧2023 

     今年家姐仔的生日是平日，所以提前了在星期六日去了澳門玩，可惜天氣不似預期，哭 ~ 

     正日未齊人，所以改為生日第二天才在家開小 party 慶祝 (唔想食咁多次蛋糕 XDD)

     家姐仔表示今日最開心係有奧特曼氣球佈置，近排已經因為成績好及生日而買咗好多好多奧特曼卡片的了 (奧特曼即是我們那年代的咸蛋超人 XDD)

馬灣兩日一夜 hea 遊 ~ Day 2

 14-15/4•2023  

     本來打算俾兩個女瞓夠先直接 check out 兼食早餐，但兩個晨早 7:30am 就醒了，咁仲好，早啲食完早餐再返嚟 hea (爸爸又補眠)，反正兩個都話好鍾意呢間度假屋，唔捨得走。      11am check out 後，先用埋兩張高卡車/家庭單車的票，再去公園放電，但妹妹發脾氣、大家又熱，索性早少少食 lunch，然後玩埋佢地好期待的沙攤 XDD，就早點返出嚟市區好了

馬灣兩日一夜 hea 遊 ~ Day 1 ~ Part 2

    14-15/4•2023 

     休息夠就去方舟玩套票包埋的工作坊，包括製作 bear bear、乾花蠟燭、踩高卡車，然後去埋公園放電，就早少少回度假屋 hea，hea 夠先出去食晚餐，晚餐後一邊睇 Minions 一邊玩埋大富翁先瞓，超級充實 !

馬灣兩日一夜 hea 遊 ~ Day 1 ~ Part 1

 14-15/4•2023 

     復活節沒有旅行去，想哭 …… 嗚嗚嗚 ~  XDD 所以趁假期尾聲來個兩日一夜本港遊，這個度假屋早在上年已想試，只是上年很 full，今次終於 book 到了

     而最慶幸的是，早兩天家姐仔又痾又嘔，沒精打采的，幸好這天開始好轉      

     兩個女成日以為住酒店，我話唔係呀，試吓其他嘢啦，結果兩個一見到間房開心到紮紮跳，因為有平時唔俾爬的碌架床 !!! 兩個爬上又爬落的馬騮 !   

     安頓好，食個 lunch 再返房 hea，等爸爸補眠先再出去玩

妹妹 5 歲生日

 8•12•2022 

      妹妹正日生日，在家開個小 party，和嫲嫲及婆婆一家熱鬧地歡度了一個開心的晚上，最開心當然是妹妹啦，早幾日已經不停同同學仔講佢生日了 XDD