這次秘密進行的旅行,籌備時間短而過程艱辛,由 9 月開學收到校曆表、至到 9 月尾才突然決定的旅行,因為想給兩個女驚喜,而每天晨早或晚晚半夜才可以搜集資料的我們,真的 plan 到頭昏腦漲 ! 而且聖誕加上跨年的住宿真的很難 book,很多房間都 full 了,又或是不招待小朋友,book 到的都很貴,所以有得選擇的話,都不希望再在聖誕檔期去旅行 …… 當然,要就學校假期就沒辦法了。
CK Family
想做的事情太多,時間太少…… 在平淡的生活中尋找驚喜
2024年1月21日 星期日
2023年12月3日 星期日
2023-24 九州關西東京.聖誕跨年親子遊
疫情通關已超過一年,我們當然也恨了很久想去旅行,尤其是妹妹在出世後不久便遇上疫情,都沒有真正跟我們去過旅行 (8 個月大未懂事時去過一次),所以對旅行的認識就是看我們的旅行相片、和聽我們回憶及提起的旅遊片段
我和爸爸始終覺得欠了妹妹一次旅行(2018年因為妹妹太細沒有帶她去冬天那次旅行)。很記得今年年初的幼稚園高班旅行,妹妹在旅遊巴士上問我:「我地撘完旅遊巴係咪就撘飛機㗎喇 ?」…… 原來妹妹對旅行的概念不太明白,更令我們的虧欠感更重。
2023年11月1日 星期三
回鄉探親 ~ Part 2
30‧6-3‧7-2023
第三日食完早餐,表妹過咗嚟一齊玩,中午去舅婆屋企食午餐,因為表弟 BB 要走了,之後大家狂食水果,再去另一姨婆新屋參觀,兩個女又狂食零食,果凍朱古力餅乾花生糖果大放題 -_-"
黃昏返太婆屋企食晚飯,期間發生懷疑唔見咗家姐事件,嚇到我喊 !!!
事源我坐喺二樓食水果,家姐同我講上三樓,轉頭妹妹揾家姐,我話佢喺上面 (咁啱姨婆食完晚餐走,成班人落咗樓下),妹妹話家姐唔喺上面,我帶佢上三樓揾,唔見咪落返二樓問公公,公公話家姐落咗去,我帶住妹妹落地下問婆婆,跟住大家都話唔見,冇落過嚟,然後我逐層揾同嗌家姐個名,但冇人應 …… 全部人再逐層揾又上天台、都係冇人應,我嚇到個頭暈同手都震埋 …… 我以為佢跟住成班人落街,俾人趁黑/亂拖走咗 ...... 後來發覺細舅公唔喺度,兩個舅婆打俾佢又冇人聽,後來啲親戚喺地下見到佢地返嚟了,原來家姐拖咗細舅公去買嘢 ......
第四日落大雨,早上帶兩女參觀大舅公的瓷磚舖,去埋家姐仔很去咗 3 日嘅大零食店買嘢食,再返太婆屋企食埋午餐就撘車回港了 …… 呢幾日每人應該食咗超過 50 粒荔枝,妹妹更加一晚食咗一樽花生 !
兩女離開時一上車就喊了,話好想住耐啲唔捨得走,阿媽我又何嘗唔係?
2023年10月28日 星期六
回鄉探親 ~ Part 1
30‧6-3‧7-2023
以前中學之前,每年都會回鄉一至兩次,自出來社會工作後便甚少回去了
家姐仔一歲半時回鄉探過親一次,到妹妹出世後便疫情了,所以從未回過鄉下
上年太公離開了,今年適逢表弟的仔仔百日宴在鄉下舉行,順便帶兩個女回鄉探望太婆,縱使太婆間中不太認得各人 ……
兩女最期待的是參觀舅公四五層要行樓梯的屋企,妹妹靜靜雞同家姐講話今晚無論幾攰都唔好瞓住要參觀咗間屋先,但其實呢啲屋在鄉下通街都係XDDD
2023年8月27日 星期日
妹妹的第一個畢業禮
轉眼間,到妹妹畢業了 ! 新學年就做小學雞,這幾個月陸陸續續舉行的畢業活動,我工作忙得只能出席一半,部份活動靠爸爸和其他家長影相
20‧5‧2023
小學聯校畢業典禮 ~
我沒有出席,聽爸爸說原來是和小學畢業生一同舉行的畢業禮,所以好悶 ^^"