8‧12‧2017
妹妹的預產期是 14/12 (私家) 17/12 (政府)，由於私家醫生特意寫遲少少我的預產期在 21/12，所以我的產假由 7/12 開始，變相就是前一後九了
初時都沒想太多、亦沒有刻意去計這些產假應何時放的，反正遞產假信時細 B 只是 5 個月大，但當細 B 接近 8、9 個月大時，就明顯覺得比起陀家姐仔時疲倦和吃力 ( Ricky 說我年紀大了嘛 ! 簡直想找死 !! )，而周圍的朋友同事都說我個肚陀得好低 (11 月初)，係咪就生得 ? 亦眼見有兩個朋友陀第二胎時會早產 (一兩個月)，所以我都開始擔心細 B 會早出世，加上我個產假又推遲了呢 ! 唯有不斷叮囑細 B 唔好咁快出來住，起碼等我同家姐仔去埋個迪迪尼先啦 ! (我不是怕蝕了門票，而是想放假陪到家姐仔去周圍玩吓先)
結果在產假的第一日去完迪迪尼後，第二日就出世，而且由陣痛開始，前後只用了 2 個半小時就出世了，細 B 好乖好聽話呀 ! XDD
