Day 7 (15-12-2018 ~ Sat ~ -3 至 1℃)
行程 ~ 北海道 (旭川)
出發前搜集資料的時候,爸爸從網上看見這個位於旭川的神威の杜公園(カムイの杜公園),我和爸爸都雙眼發光,因為我們都超級喜歡這種木製公園,雖然聽姑媽說,這種木製公園在日本「通街都係」,但香港少見嘛,況且帶得阿女去旅行,這種放電行程是少不了的
( 摘自網上其他網友夏季的圖片 )
不過,今次我們冬天來,戶外的公園都鋪滿了雪,只有公園旁的室內遊戲室部份可以玩,雖然如此,但已足夠阿女消磨一整天 …… 撘的士來到公園才 ¥1580,以日本的價位來說不算貴的了
↑↓ 第二次到我 …… 說實話,我已經有點怕 (高) XD
之後阿女仲話要爬呢個,我腳都軟埋,叫阿女自己玩 …… haha ……
↑↓ 跟住就要爬入這些咁窄的洞內,我爬了一次之後已經好攰了 (體力差了) ^_^"
另一面的小型攀石牆和滑梯
忘記了這個是怎樣玩的
滑梯好「跣」,阿女滑到卡卡笑
↑↓ 細膽的阿女又要話爬,但爬到一級已經話驚 ^^"
扮晒好嘆咁 XDD
玩到中午,是時候吃午餐了,原來這裡沒有熟食賣的,看見其他日本人有預先買定 M 記或是自備食物到來,所以下次有機會再來玩的話就要好好準備了。幸好我們有少許乾糧,反正我病到冇胃口、阿女玩到唔洗食的,而且佢食零食都夠啦 !
↑↓ 場內只有這個小小的「小食部」,阿女一見部汽水機,又想買粟米湯了
↑↓ 旁邊的告示板好漂亮,尤其是有我喜歡的鬼鬼
↑↓ 這個聖誕老人吹氣公仔會從煙囪內上上落落的,所以阿女選了坐在旁邊那張椅子一邊玩一邊食 donut
早上買的 donut,味道比想像中好,因為沒有很甜的餡料
隨便吃點東西之後,我實在頂不住了,吃了阿女的咳藥水和感冒藥之後,便坐在一角小睡一下,爸爸就阿女繼續玩和影下相
爸爸影低了我的睡相,而旁邊有另一個被媽媽放低在地墊睡覺的小朋友,畫面有點好笑
原來阿女怕「成功熊」唔見咗,將佢放了在「Locker」內,好搞笑 !
↑↓ 爸爸影阿女和其他小朋友的相片
好喜歡這個小女孩,好可愛 !
我小睡過後,望見大窗外白雪飄下的景色很漂亮,忍不住影兩張 …… 影完相就打起精神出去陪阿女玩
爸爸又偷影我 ……
↑↓ 窗外下著大雪的景色更覺漂亮
↑↓ 這個木粒沙池在香港也有玩過類似的,兩個印象都十分好,因為很喜歡那種木香味,而日本這個還有其他的玩法,例如可將木粒放入旁邊的這些小洞內,不同的傾斜面會讓木粒向外或是向內滾的;又或是放入小屋仔內看看木粒的滾動情況
佢似咬我多過錫我喎 !
↑↓ 一些家長和小朋友後來用軟墊砌出來的「障礙賽路線」? XD
玩到 3pm 左右我們就要走了,因為預約了剛才的那輛的士在 3:30pm 回來接我們,我們我們想趁的士來之前去出面的雪地玩一會 …… 阿女例牌玩到不願離開
前排做關西資料搜集(本來去聖誕跨年嘛)+再前排關東資料搜集,呢類公園日本真係好多,香港小朋友真係只有羨慕,康文署大部份都係D無咩挑戰性的爛膠遊戲設施,區區都係咁上下樣
回覆刪除康文署大部份都係D無咩挑戰性的爛膠遊戲設施 ←←← 講得好到肉,但呢啲設施勝在0危險性,可以好似放羊咁俾佢地亂衝亂撞,其實係一啲都唔好玩㗎,不過小朋友見識少,對佢地嚟講有得跑、跳、碌,佢地就覺得好好玩 (但我就覺得好悶)
刪除我女比齡小朋友大膽,康文署果d爛膠設施我女已經免疫-_-"
刪除就算帶佢去"新"公園,玩兩野佢已經唔想玩-_-"
所以一有時間我地會去圓方個公園,圓方個遊樂場D設施會比較特別同有挑戰性,推薦你去XD 玩完即刻可以落樓下圓方食飯勁方便XD
多謝推介 ~ 相反我個女比較細膽 (但粗野),唔知佢夠唔夠膽玩,haha
刪除