2018 北海道．冬の親子遊 ( Day 7 ) ~ Part Ⅰ ~ 再訪旭川

Day 7 (15-12-2018 ~ Sat ~  -3 至 1℃) 

行程 ~ 北海道 (旭川)

     昨晚才由函館上札幌，差不多成 12 點先到達札幌，所以快快到酒店 check in 然後瞓覺 …… 今早就再繼續北上到旭川，旭川也算是今次來北海道的重點行程之一吧，所以少有地會在旭川住一晚，來一個 2 日 1 夜的行程

昨晚到達酒店 check in 時，阿女一見到汽水機又話要飲粟米湯 (或者紅荳沙)，我笑佢「你跟本就係想入錢同聽啲罐碌落嚟嘅 "東東" 聲、想玩部機之嘛 !」阿女俾我拆穿咗，反而古惑地笑到 "o格o格" 聲 …… ( 滴汗 …… ^_____^ ' )

↑↓ 行去札幌駅時，我見路邊鋪上白雪的樹仔幾靚，諗住快快影一張，隻女又話要影，就求其幫佢影張啦 ! (都話叫佢唔肯影、唔影佢時就要影㗎啦 ! 專唱反調 !! )

     在札幌駅買早餐，懶得諗，就回味吓 Mister Donut 算吧 ! 剛巧見到有 Pokemon 和冬季限定的雪人款式，一於每款買少少啦 ! 如果下次有時間的話，應該要試試 blog 友推薦的熱騰騰又 Juicy 的熱狗，今次我病到 wing wing 地，什麼都沒有精神想了

平日冇得食朱古力的阿女，在有揀的情況下專揀朱古力口味來食

我就食返昨晚買的栗子蛋糕

↑↓ JR 窗外的樹木全鋪上了白雪，好美，我一直望著這美麗的景色直至疲倦了才捨得閉目休息一下

     10:30am 到達旭川，旭川是個大駅，旭山動物園又是北海道數一數二的動物園，所以有很多影相紙牌供人拍照留念

阿女見我蓋印又話要玩，但佢一臉認真㗎 ! XD

↑↓ 難得的合照；其餘的就叫阿女過去影兩張留念好了

阿女話想帶呢隻企鵝 BB 返屋企

     今晚的住宿就在旭川駅旁的 JR INN，所以超級近、超方便 ! 如有機會都想再住。我們先到酒店 check inn 及放低行李，然後就撘的士去玩了

↑↓ Reception 使用了大量木製傢俱和佈置，很喜歡

櫃台前可愛的小裝飾

↑↓ Check in 後行去撘的士，阿女特登走入了路旁的雪堆，雪的高度去到她的大腿 …… 馬上叫她出返來，但已經成腳都是雪了

上的士時急忙替阿女拍走雙腳的雪，以免弄污車廂呢 !