2017年7月16日 星期日

2017 韓國.阿女獨自出遊

     事源是這樣的,阿女的兩個姑姐趁年輕 ? 任性一番,齊齊在 6 月尾辭去工作,先到日本探望姑媽一家和攀富士山、然後到濟洲旅遊、回港(因住在日本的姑媽一家會回來玩)後約 2、3 星期後,再出發到歐洲 ? 

     不記得她們的詳細行程了,總之就是整個 7、8月張家的女兒周圍飛啦 ! (是呀,只是女兒,身為家中獨子的 Ricky 冇份),姑姐們都表示將會有差不多兩個月時間見唔到阿女,會好掛住佢,說不如帶埋阿女和嫲嫲去韓國 ? (之前姑姐們已說過想帶阿女冬天去滑雪和 3 月去看櫻花的了,只是當時阿女只是一歲多些,我們和嫲嫲都不放心,所以沒了件事)

     這次我和爸爸都沒所謂,反正阿女已兩歲多,識行識走又可以進食大人的食物了,而且夏天帶備的物品也輕便得多,加上有嫲嫲同行我們也很放心

      結果姑姐們迅速訂好兩老(爺爺嫲嫲)和阿女的機票,但因為怕兩老帶住一個 BB 唔識在韓國過關,所以細姑姐會中途回港接他們過韓國   

  行程 ~ 唔知 XDDD    

日期 : 20-25/7 (早機去早機返)

地點 : 濟州、釜山


21 則留言:

  1. 哈哈,我個女都係三年級暑假至同嫲嫲姑姐去歐洲探親咋,嗰時我都唔係太放心。

    回覆刪除
    回覆
    1. 你果時又係冇跟埋去歐洲 ?
      如果歐洲咁長途機加上日子太長我都未必捨得同會唔放心,但今次近近地韓國又只係 5、6 日我都 ok 嘅

      刪除
    2. 冇去呀,因為嗰時係暑假機票超貴同埋佢地去成大半個月我又冇咁多假喎.

      刪除
    3. 係囉,通常小朋友細時大人要揾食冇咁多時間,到大人有時間時啲仔女都大了,未必肯跟你去,真係好矛盾又無奈

      刪除
  2. 勇呀, 你又勇, 囡囡又勇, 你地可以2人世界一陣, 唔知到果刻你會好掛住定出奇地無野呢 XD

    回覆刪除
    回覆
    1. 兩個姑姐喺香港都各自試過帶阿女出街玩足ㄧ日,見佢地搞得掂就放心好多俾姑姐湊,況且個衰女其實喺姑姐面前好乖好聽話、成個模範生咁㗎!佢又成日喺嫲嫲度過夜,所以完全放心啦!
      我諗都會掛住,但唔會好掛果隻囉 😝

      刪除
  3. 難得可以二人世界幾日,諗定節目未呀?

    回覆刪除
    回覆
    1. 冇二人世界㗎,爸爸日日都要返工呢!或者出街食吓晚飯咁算唔算?😌

      刪除
  4. 呀女肯跟人係好事!不過嗰幾日可能輪到你晚睌瞓唔著!嘻嘻

    回覆刪除
    回覆
    1. 未必嘅,因為而家阿女ㄧ星期有成五、六日都喺嫲嫲度過夜,所以已經習慣佢夜晚唔喺我身邊瞓

      刪除
  5. 你好勇呀,咁放心比囡去旅行,我就吾得啦﹗

    回覆刪除
    回覆
    1. 細啲果時就唔敢又唔捨得,而家見佢肯跟姑姐又聽話,所以都好放心
      自己冇得去都想阿女可以出去玩吓,好過日日困喺屋企

      刪除
  6. 如果我呀女就應該唔得了~因為呀女勁痴我~爸爸都唔多搞得掂
    佢肯跟公公同姨姨玩~不過應該只限於玩...

    回覆刪除
    回覆
    1. 你又唔同,自己湊開,阿女好難肯跟其他人,況且你日對夜對開,都唔捨得佢跟人去啦 !
      但我阿女跟慣嫲嫲湊,近排仲成日喺果邊瞓唔肯過嚟,我都開始習慣了,而且佢好聽姑姐話的,所以好放心

      刪除
    2. 睇黎你同嫲嫲關系幾好~唔會吃醋~haha
      我同我奶奶關系唔好( 好彩大家住好遠兩星期先見一次)~
      佢好想幫手湊~我同老公講明絕不俾呀女去果邊過夜

      刪除
    3. 阿女由我坐完月返工就俾嫲嫲湊,講真兩代人湊法總會有分歧,唯有隻眼開隻眼閉 …… 初初阿女喺果邊瞓唔願過嚟,我心底𥚃其實都會吃醋同唔捨得,好惡咁同阿女講要佢喺媽咪屋企瞓,但咁樣反而令阿女驚咗我,所以我唔敢了,加上之前我唔舒服都湊唔到佢啦 ! 所以而家習慣咗了
      你有工人就更加唔洗留個女去奶奶果邊啦,我冇工人先要靠老人家啫,如果我請工人都唔會俾阿女去果邊過夜 😝😝😝

      刪除
    4. 以過來人說說,與奶奶關係會由細路仔漸漸大個改善,越細越多分歧,隨住個女大佢同嫲嫲姑姐關係好好,好多事佢唔會同我地兩公婆講,所以我亦樂意喺佢地度收風而知道個女既想法.

      刪除
    5. 哈哈,我情況壞到係十幾年前拍拖時關係唔好直到現在,基本上係死結 ,試過有幾日過黎幫手幾個下午(工人急事回菲),
      已經炒大鑊,如果同住分分鐘搞到離婚XD

      刪除
    6. Nerissa : 咁又係呀,細個多分歧啲,始於未放心又怕啲古老方法對阿B唔好,大大吓自己都冇咁執著了
      對嫲嫲姑姐對得多自然關係好,但調返轉如果自己湊,咁理論上阿女黐爸爸媽媽多啲,有事ㄧ樣會同父母講的 ? 當然,有人幫點都輕鬆啲,而且見有咁多人錫阿女都好開心的

      刪除
    7. Hitomi : 你拍拖時已經關係唔好關唔關你同老公係網上認識、加埋接受唔到你喜歡 Lolita 事 ? 你地而家仲會吵大鑊,咁又真係好嚴重,都係少見啲好 :P
      我初時都好唔慣同 Ricky 啲家人相處,我又絶對唔係識做,甚至會俾臉色人睇嘅人,其實同同事朋友都係,因為我超級慢熱的 :P

      刪除
    8. 唔關網上識時或興趣問題~係我奶奶屋企窮~咁我屋企環境比較好(我地第一層樓都係我媽半賣半送超賤價賣俾我地)~咁我有時講野串~又成日話深水埗居住環境差(周圍多垃圾佢屋企樓下又有呀差聚賭~樓下隔離條冷巷成日有人all尿臭到死~ 咁咪成日投訴話我睇佢唔起囉~:p

      刪除