19•5•2019
5 月之星生日活動之ㄧ ~ 熱屎辣辣遊海洋公園，只有ㄧ個感受 ~ 熱到溶咗 !! 😪 但同行有嫲嫲、公公婆婆、舅父以及我地ㄧ家五口(計埋姐姐呀 !)，好多人好熱鬧呀 ! 👵👴👦👩👨👧👶
阿妹離遠見到吹泡泡已經大叫「啊～！」，然後兩個立即衝過去玩
家姐有大桶爆谷食，妹不停做手勢又講「俾」都冇人俾 …… 唯有自己落地攞 …… 自己的事自己爭取，得咗 ! 😂😂 (阿妹ㄧ入場就熱到塊面紅卜卜)
隔住ㄧ個䌫車，聽到阿妹大叫「媽咪呀 ~~~！」…… 呢個大聲妹，成個山頭都聽到佢把聲 😅
妹妹呢個表情係「笑」😂😂😂
家姐仔好開心咁玩遊戲中咗隻公仔，話仲想玩要紅色衫果隻 Peppa，我地話「你咪有囉，ㄧ隻夠喇」，但家姐仔話「呢隻係 George 嚟㗎！」…… 哦…哦…係咩？！😅😅😅
晚餐再加埋大舅母、表姨、細舅公，ㄧ行十人去食好味喇沙
扮嗲，實情係咬緊舅父件衫 😅
阿妹個樣同表情都越來越似家姐！
回覆刪除好多人都係咁講，唔知再大啲會唔會分番開兩個樣呢 ? XDDD
刪除好奇一問，星期日個兒童王國多唔多人? 想入又唔敢入! 驚多人，舊年落雨排隊纜車都好多人
回覆刪除今次我地去果日成 4pm 先入到去 ($70 @ 人的優惠日，限 3pm 入場，但可以玩得夜啲至到 10:30pm，但我地打算 7:30pm 出返去香港仔吃晚餐了)，一早諗住兜個圈就算，所以只撘咗纜車上山睇咗幾個館同海豚表演就落返山了，冇行過去兒童王國果邊呀 …… 但我估都勁多人，因為好多內地人
刪除