2017年10月30日 星期一

Halloween Disney 2017

 22‧10‧2017 

     難得 Ricky 星期日放假,想帶阿女出去玩下,爸爸見迪迪尼有 $639 可以去兩日的推廣優惠,提議不如去迪迪尼走走 ? 我沒所謂,樂園一向不是我杯茶,但節日佈置,尤其是 Halloween 我就十分有興趣了


出發了,難得阿女肯坐 BB 車

     第ㄧ次帶阿女去迪迪尼,沒期望要影齊卡通人物、看齊多場巡遊,純粹 hea 下,因為帶著小朋友始終需要放慢腳步,自問很多時自己仍未做到,希望自己藉著今次機會 ( 加上大肚都唔方便兼冇力行咁快啦 ! ) 多習慣這種緩慢的遊覽





一入到樂園就見到 Mickey 同 Minnie 喺度影緊相,但唔想排 :P

     望一旁邊原來有 Chip & Dale,其他人物可以唔影,但Chip & Dale 實在太可愛了,所以爸爸去排隊,我帶阿女行商店先 XDDD







女仔即係女仔 (或者係我遺傳),一見到衫就不停試衫,又話買呢件果件咁 ^^" 試完之後自己攞咗 3 件話買埋俾表哥喎 ! 


呢個爆谷桶我ㄧ見鍾情,藉口買俾鍾意食爆谷嘅阿女 XDDD

     影完相已經好攰又熱,見大街餐廳冇咩人排隊,早點入去食 lunch 同 hea 下


當然,一坐定就爆谷放題啦 ! ^^"


阿女對爸爸幾好,千挑萬選揀咗粒最細嘅俾爸爸  XDDD


↑↓ 想不到這裡的食物相當不錯 (香港另一主題公園的食物超級難食的)


     然後等契媽契爺來到 (他們有全年證,純粹入來陪我地玩 3 個鐘就走了),玩過「小小世界的坐船仔和動感影院,我們便氹阿女瞓晏覺了





瞓醒,又爆谷放題 ^^"


     大家吃夠爆谷、坐夠便打算去望望 Donald Duck 多不多人影相,原來已到了 5:30pm 截人龍了,那就回去玩機動遊戲吧 ! 


     最後玩了小飛象、迴旋木馬及 Winnie The Pooh 之後,飲埋支奶,9pm 才施施然離開






10 則留言:

  1. 阿女大個咗好多,無哂BB feel,頭髮長咗個樣都好似唔同咗,都係嘅女大十八變嘛
    雖然香港迪士尼細,但我都幾鍾意去,隔一段時間會去一次,今個月頭都去過一次,相反另外嗰個幾年前去過一次後已經無興趣再去

    回覆刪除
    回覆
    1. 同3J一樣feel, 阿女真係完全唔同左樣, 阿女件kitty 衫好正....
      另外嗰個真係冇興趣去, 食物又貴又難食, 如要揀我都會揀迪士尼....

      刪除
    2. 3J :
      間中睇返阿女細個時、甚至只係幾個月前啲相,都會覺得阿女個樣變咗好多,扯高咗瘦咗仲越來越老積,真係冇晒啲 BB feel,所以成日有人以為佢好大個、影相個樣尤其似 5、6 歲
      認同雖然香港迪士尼細,但始終喺香港方便啲,未等到去旅行時止吓癮都唔錯,所以都打算阿女大多少少佢真係識玩/喜歡樂園嘅時候就 join 全年證,因為而家 2 歲半問佢好唔好玩 ? 仲去唔去 ? 佢都話「唔好玩、唔去」的 ^_____^"

      刪除
    3. Niseko2000 :
      件 Kitty 衫上年我一見鍾情、見到即買 ! 不過上年著就大件咗啲兼且好熱,今年涼少少剛剛好,加上始終著呢啲衫係去樂園先有 feel,平日唔通著去飲茶咩 ? ^^"
      另外果個樂園嘅 Halloween 我都好有興趣,不過只係o岩大人,唔適合小朋友去嘛,如果要影相就梗係迪迪尼靚啦 ! 但迪迪尼對我嚟講就遠啲,我住南區,另外果個近我呀 !

      刪除
  2. 恭喜CK鼠快做媽媽,你手腳仍然偏瘦,好像只肥在個肚到^_^全個迪迪尼最好食可算是大街餐廳,我以前成日入去迪迪尼都是每次都去大街餐廳食飯架

    回覆刪除
    回覆
    1. 多謝 ! 係呀,同上一胎一樣,只肥喺肚,不過最重要係個 B 吸收到足夠營養磅數夠標准就得了,因為我自己過瘦成日怕個 B 唔夠營養呢 !
      原來全個迪迪尼最好食係大街餐廳,唔怪得佢個套票有餐廳優惠 coupon 但就唔包大街餐廳啦 ! 迪迪尼永無蝕底 !!

      刪除
  3. 個肚大左好多!
    呀女對住D卡通人物好似無咩反應表情HAHA

    回覆刪除
    回覆
    1. 去嘅時候個肚已經係 8 個月大了,所以 baba 聲大,呢個月仲明顯 ^^"
      佢無咩表情都好過會喊吖,不過其實佢喺旁邊睇呢啲卡通人物時就好有興趣,到行到埋身邊時就有少少怯唔知點算咁,,但無喊已經好俾面 (最近去幼稚園面試時喊住咁拉我手要行出課室 -__-" )

      刪除
  4. 囡囡真的大個了好多~

    回覆刪除
    回覆
    1. 係呀,所以間中會懷念佢啲 baby fat,但而家懂性咗、駁嘴駁舌都各有各可愛之處嘅

      刪除