2:35pm 到達信濃大町，一出車站望向右邊，已經見到取回由富山托運過來行李的店鋪，不過一會先取，趁有 40 分鐘的時間，想吃個 lunch 先，我們由今早 6 時多吃過早餐後至到現在，正餓得慌 !
這個車站外觀都幾靚喎 ! 不愧為「日本の駅舎100 選」
過對面馬路就看見這間豚肉料理專門店，好像頗吸引，但望來望去都好像沒營業 …
旁邊的樓上鋪有一間 cafe，但我們很肚餓呢，不是想吃 cake 呀 ! 
黑豬仔都換上 Halloween 造型
之前在北海道買過類似右手邊的清酒，都是為了個雪人酒樽罷，今次又見到，依然可愛 !
如果有左邊那個滑雪造型都很想要呢，可惜店鋪沒有開門，唯有影張相望下好了 
找不到午餐地點，唯有在信濃大町的街道上隨便逛逛吧 ~
街道上冷清清的，店鋪沒開門，人影都沒有一個
入了一間郵局，發現這個秋冬限定的郵筒形磁石貼好靚呀 ! ￥500 only，抵喎 ! give me one，please ~
有收獲，心情都靚o的
又經過一間小小麵包店，款式不算多，約十款左右，但全部都好像幾有特色、好好味咁喎 
買兩個一會上車吃吧 !
有關西的名氣「麵」包呀 !!
不過我們沒有買 … 買了下面兩款 
Ricky 要左邊的人氣商品 ~ 包，而我一看見右邊薯仔沙律包就想也不想便夾了
說起對薯仔沙律包的喜愛，是源於 07 年和家人一起到關西旅行時，在香港機場的一間麵包店買過的，還記得當時一吃便愛上了 
但之後的幾次旅行，和在其他麵包店都找不回這種味道的薯仔沙律包 …… 
現在看見都好想再吃呢 ! 
大町市的雷鳥坑渠蓋
回到車站旁的小店買多兩個熱騰騰的豚肉包，便在旁邊的店鋪取回行李繼續上路了
買了上下的豚肉各一個，不過味道一般，似菜肉包
買完包便取回行李往撘 JR 了
車站前的供人拍照的紙牌公仔，以前我到這些紙牌幾乎是必影的，但這個 …… 給我的感覺真的幾恐怖下
如果在夜晚的話，我相信連紙板我都不夠膽影呢 ! 
撘 3:20pm 的 JR 到松本，松本對我們來說只是一個中轉站，原本打算中午到達松本可以到繩手通及松本城逛一逛，但相對立山，我們寧願放松本了
很有田園風味的月台
我第一次撘這種要自己按開關門制的列車呢 !
4:30pm 到達松本，我們 6:39pm 才再撘 JR 到軽井沢，現在可以在松本先提早吃個晚餐，我們還未吃飯呀 !!!
但經過商店，還是忍不住 shopping 了一下 
在這裡我們猶疑了很久，拿起又放下、放下又捨不得，終於還是買了一包很大粒的巨峰提子呢 ! 小 shop 了大半小時，便回松本駅附近吃晚餐了，奔走了一整天，5:35pm 終於有飯食 … 淒涼 
…… 
↑↓ 松本名物 ~ 手鞠
松本駅
手鞠坑渠蓋
因為想吃串燒，入了這間又是吃豚肉料理的，坐定定叫了食物後，我出店外拍照，看見那隻萬聖節黑豬的樣子很熟悉喎 …
才想起是與剛才在信濃大町那間店鋪一樣的呢 ! 真好，想吃的始終都能吃到，真開心 ~ 
連手繪的圖文都很可愛呢 !
我們坐角落位的 bar 檯，方便擺放行李嘛 !
好想飲的 cola，另一杯冰水
↑↓ 亂叫了 10 串串燒，都是以豚肉為主，有豬腩肉、豬軟骨、豬肉車里茄 …… 亦有一串似是豬心 ( 我們不吃的 )，其他的都好香口、好好味呢 !
當然不少得 Ricky 的最愛 ~ 豚肉燒飯啦 ! 只售 ￥690，抵 !
撘上 6:39pm 的 JR，7:35pm 到篠ノ 井駅，還有半小時才再轉車，等候期間 Ricky 好像有點發燒 
，所以在休息室小睡一下，而我就在駅外影影相，然後便到月台的候車室繼續坐
在月台買的
再撘 8:17pm 的 JR 到軽井沢，9:32pm 終於到達，完成由富山縣至長野縣的大移動了
在軽井沢駅見到的襟章扭蛋機，以往每次見到總會 (每款) 扭幾粒的，現在￥貴，加上連扭蛋都加了價，由以往的 ￥100@ 加到現在的 ￥200@，實在扭不落手呢 !
到酒店アパホテル＜軽井沢駅前＞軽井沢荘 check in
單看包裝不覺得有麼特別，但放上手的話 ……
嘩 ~ 有我 3 隻手指咁大粒，我稱之為「巨巨峰」 肥美多汁，好爽甜呢 ! Ricky 吃了兩三粒之後，因仍然有燒，便早些吃過藥後去睡覺了，而我就攬著這提子，邊上網邊吃，不知不覺 KO 了整盒，好飽，但超滿足呀 !
今天的收獲回復了以往戰績的一半啦，大滿足
不知不覺已經到了第 7 天，今次的行程都分配得很平均：3 天岐埠縣、3 天富山縣、3 天長野 + 群馬縣 …… 現在已過了 2/3 的行程了，明天便是長野遊的開始，真的要好好享受餘下來的幾天，但是 … 天氣報告顯示，明天和後天都天陰有雨，而且 Ricky 又病了 … 行程能否順利完成呢 ? ，所以在休息室小睡一下，而我就在駅外影影相，然後便到月台的候車室繼續坐在月台買的
再撘 8:17pm 的 JR 到軽井沢，9:32pm 終於到達，完成由富山縣至長野縣的大移動了
在軽井沢駅見到的襟章扭蛋機，以往每次見到總會 (每款) 扭幾粒的，現在￥貴，加上連扭蛋都加了價，由以往的 ￥100@ 加到現在的 ￥200@，實在扭不落手呢 !
到酒店アパホテル＜軽井沢駅前＞軽井沢荘 check in
單看包裝不覺得有麼特別，但放上手的話 ……
嘩 ~ 有我 3 隻手指咁大粒，我稱之為「巨巨峰」
肥美多汁，好爽甜呢 ! Ricky 吃了兩三粒之後，因仍然有燒，便早些吃過藥後去睡覺了，而我就攬著這提子，邊上網邊吃，不知不覺 KO 了整盒，好飽，但超滿足呀 ! 今天的收獲回復了以往戰績的一半啦，大滿足
嘩，咁快手又一篇！叻喎
回覆刪除[版主回覆04/03/2012 21:46:49]哈哈 ! 其實呢篇係打得九九十十，差少少列車時間待覆查，所以放左o係草稿架 ! 係 Ricky 睇完唔覺意出版左
哈哈. . 登登登櫈 . . .又系我
回覆刪除[版主回覆04/05/2012 11:19:48]我都唔知邊個媽媽喎 …
[和豚媽媽回覆04/05/2012 00:50:14]邊個媽媽???
[版主回覆04/03/2012 21:57:15]係喎，你地同樣 5:25，你影輸左個鼻
[小肥回覆04/03/2012 17:27:36]唉哋 . . 比媽媽霸咗頭位添. . . .
去旅行病倒很辛苦
回覆刪除我都記得d 地域限定pins係100円之麻
[版主回覆04/03/2012 22:08:36]我在諗購物清單既時候，諗過叫你買個麵包返黎架 !
我見到那個日式炒麵麵包就馬上吞口水, 因勁鍾意食呢, 很懷念, 係日本見到時必食, 實太好味, 信濃大野駅確靚靚喎, 果隻哈佬喂黑豬好搞笑, 構圖爆笑, 食串燒飲杯可樂特別醒神, 可樂的特質
回覆刪除[版主回覆04/03/2012 23:48:14]哦 ~ 原來你講果張
[紅米奇回覆04/03/2012 23:18:50]你所形容的"黑豬仔都換上 Halloween 造型", 構圖是讚你影黑豬望住碗麵的感覺, 好正好好笑, 不過串燒店的豬豬一樣可愛
[版主回覆04/03/2012 22:31:32]炒麵麵包我未食過呀 ! 只係睇旅遊書時見過，你講到咁好味，下次有機會要試試先得，但真係唔係咁容易見到有得賣喎 !
你地每日早出晚歸，都好趕，我而家年紀大，去旅行唔夠瞓好易病，唔辛苦得!
回覆刪除[版主回覆04/04/2012 08:50:04]早出晚歸係要就o的列車班次嘛，你都知日本部份既 JR 班次都幾梳下，我都唔辛苦得，除左去玩
嗰間豚のさんぽ本來預咗去松本時會去食, 點知去到松本嗰晚夜咗唔記得咗, 結果只係喺站附近間松屋草草食完就算.
回覆刪除[版主回覆04/04/2012 17:03:15]原來呢間豚肉料理店都有咁多人認識又想去架
happy easter～
回覆刪除[Ada & Man San回覆04/07/2012 22:01:01]假期前出咗武漢及凤凰9日睇櫻花 ～
[版主回覆04/07/2012 21:43:28]Happy Easter 呀 ~
嘩~好大粒提子呀!
回覆刪除[版主回覆04/09/2012 19:34:32]所以以我細食既食量，KO 晒一盒真係飽到上心口
[小zoo回覆04/08/2012 21:37:52]我都未見過咁大粒的巨峰提子架! 大開眼介囉..吃1粒等於吃2.5粒!
[版主回覆04/08/2012 18:17:14]繼上次o係白川鄉買過半隻手掌咁大既士多啤梨之後，今次又買到 3 隻手指咁肥既巨峰提子，日本o的水果真係特別大又甜既
其實日本好多街道都係冷清清嘅，D店鋪又唔開門，真不知道他們如何經營~~~
回覆刪除通常行程去到一半之後就過得好快；日本藥局啲藥唔錯嫁~~~
[寶媽同寶爸回覆04/21/2012 22:05:29]去旅行嘅時間真係過得好快，可能唔洗煩香港嘅嘢。
我哋依家開始買日本藥返嚟用，主要都係啲大路藥，例如感冒、消化、頭疼等；效果好好，可能香港啲藥已經食慣咗喇，呢次旅程中寶爸有次食濟咗，去便利店買咗包特效腸胃藥，果然一劑搞掂
[版主回覆04/21/2012 17:53:34]就係冷清清，所以更加表現出佢地既生活係好悠閑的呢 ! 正所謂「快活不知時日過」，開心時刻真係過得特別快的