9:50am 上巴士,10:00am 便到了鬼押出し園,看看 ! 其實車程確實不遠的,只是等轉車的時間長罷了
鬼押出 し園資料:
在天明三年 ( 西元 1783 年 ) 的時候,日本史上發生了一件驚天動地的大事,那就是「淺間火山大爆發」。由淺間火山噴出來的熔岩冷卻而成的各式各樣奇形怪石,感覺像是鬼從噴火口推出岩石一樣,所以名為鬼押出 し園。
在天明三年 ( 西元 1783 年 ) 的時候,日本史上發生了一件驚天動地的大事,那就是「淺間火山大爆發」。由淺間火山噴出來的熔岩冷卻而成的各式各樣奇形怪石,感覺像是鬼從噴火口推出岩石一樣,所以名為鬼押出 し園。
我們會在這裡逗留 2 個半小時的,所以即使沒有興趣到淺間火山博物館,考慮了一會還是買了兩館的通用卷,反正只是多 ¥200 誰知,只是一堆堆黑炭般的熔岩石,都足以令我們逛了 1 小時 45 分,剩下的大半個小時便是午餐和 shopping time 了
很多人都說鬼押出し園沒什麼值得行,我想是各花入各眼吧,始終每個人喜好不同 但對於我來說,鬼聲鬼氣地方特別吸引我,令我想起第一次去日本,最吸引我的,除了富良野的薰衣草之外,就是登別的鬼像和地獄谷 所以,喜歡鬼押出し園,可能是另一種的情意結 ……
很多人都說鬼押出し園沒什麼值得行,我想是各花入各眼吧,始終每個人喜好不同 但對於我來說,鬼聲鬼氣地方特別吸引我,令我想起第一次去日本,最吸引我的,除了富良野的薰衣草之外,就是登別的鬼像和地獄谷 所以,喜歡鬼押出し園,可能是另一種的情意結 ……
地上的鬼像,但那些豆的用途和意義是什麼呢 ?
從入口處向內望
和其他景點一樣,園內有幾條需時不同的遊步道供選擇 可是遊步道入口的附近已佈滿很多大大少少的鬼像,好興奮呀 ! 忍不住要影相,影到不願意離開
終於影了 10 分鐘才正式起行 我們選擇了路程約 40 分鐘的散策路線:入園口 → 高山植物観察コース → 觀音堂 → 表參道 ~
Go !
好曬 ~ 行了幾分鐘開始出汗
雖然望落是亂石一堆,但從熔岩石中生長的高山植物,一樣如楓葉般又紅又黃又綠,猶如地上的紅葉,同樣美麗
石割の松 ( 樹齡約 100 年 )
在石割の松附近,我們看見有一條小路旁邊的植物生長得更茂盛、顏色更鮮豔,好想落行一行 猶疑了一會,還是跳了下去 ( 3 級樓梯左右的高度 ) ……
再行前一點,其實有點似水渠 ……
…… 不過這不是一條正式的遊步道,切勿模仿 行了 5 分鐘便上回「地面」繼續前進
↑↓ 光苔 ~ 在黑暗的洞中會發出螢光綠色的青苔
在我們又行小路又影相的情況下,50 分鐘後 ( 11:09am ) 才來到淺間山觀音堂附近,要行快一點了,否則連午餐也沒有時間吃呢 !
↑↓ 有「攝銀仔」許願的熔岩石,忍不住又玩了一下
↑↓ 上圖是我的,不過 Ricky 說這樣 ( 掠在石上 ) 不算的喎,他的 ( 下圖 ) 才算標準
鐘樓堂
浅間山観音堂
循例看看有沒有特色的護身符賣 … 嘩 ! 這個鬼像造型的木製御守超可愛呢 ! 立即買了兩個便「碌」落山了 !
11:45am 終於「碌」到入口處附近的食堂吃飯,又熱又餓的我們只想找個有冷氣的地方、舒舒服服地吃個飯和休息一下,不過原來食堂是沒有冷氣的,這個問題都不大,最慘的是由於「有人」叫錯食物而令我胃口大減
↑↓ 我想要的是 No.10 的三元カツ丼 ( 豬扒飯 ),可是 Ricky 應該是叫錯了旁邊的 No.12,類似薯餅的東西,我吃不到一半呢 !
Ricky 的大 size 薯餅飯定食
唯有快快的吃過午餐 shopping 去 ! 以舒解心中的不快
↑↓ 我在這間專賣鬼像的陶瓷店買了兩鬼個鬼像面具擺設,便心滿意足地離開了 這裡還有替陶器上色的體驗活動,有興趣的話可以試試呢 !
↑↓ 知道這些是什麼嗎 ? 是模仿熔岩石的曲奇餅呢 ! 大家分別得到哪些是真品、哪些是曲奇嗎 ?
Ricky 說這個天狗像很可愛,叫我買,難得他有東西想買,我當然義不容辭立即幫他買啦 !
撘上 12:35pm 的巴士,向群馬縣進發 ! 軽井沢,後天再見 ~
呢個地方雖然唔多野睇,但我又係好鬼like呢度d鬼鬼
回覆刪除[版主回覆04/14/2012 11:32:37]你去果時應該都有好多鬼鬼既,不過可能細細隻你冇留意到啦,因為除左同我影合照果張隻鬼鬼稍為大o的之外,呢o的差唔多全部都係售票處附近或商店前的擺設o黎架咋
哈哈. . 好[鬼] 多色彩 . . .
回覆刪除[版主回覆04/14/2012 11:25:29]我就係喜歡咁鬼 colourful 囉
鬼押出し園我係冬天去過, 所以有好多路徑因積雪安全問題都closed, 睇得好少野咋, 沒有好似你咁可以睇到咁多鬼, D鬼又真係幾鬼靈精, 你話好似水渠果張相睇落好似行係山邊2旁, 無野圍住, 我行就會有點驚驚
回覆刪除[版主回覆04/14/2012 12:00:04]佢有正確答案架,不過冇影,所以不太記得 印象中你應該答對了,左邊是熔岩石。曲奇是有得試食的,味道都幾鬆化香口,所以試過之後就買左o的返屋企及公司做手信喇
[版主回覆04/14/2012 11:43:09]都係架,日本做事好認真,天色轉暗o的、大風大霧大雨、有積雪等都會封路,所以去得既都係絕對安全的 !
[紅米奇回覆04/14/2012 11:36:20]我估左邊是熔岩石, 右邊是曲奇, 有無正確答案架, 咁你有無買黎食
嗰"鬼玲" 好正呀!
回覆刪除[版主回覆04/14/2012 13:55:18]鬼鈴的設計是木頭中間有個洞,內藏一粒鎯鎯的
幸好沒有入去, 原來裡面咁大, 要行咁耐, 我仲以為半粒鐘可以行完
回覆刪除[Nerissa回覆04/15/2012 12:00:15]並實我鍾意係睇石, 其餘都係其次, 仲有我(其實係我老公)又鍾意買野, 所以一定唔夠時間.
[版主回覆04/15/2012 11:31:56]其實係我地喜歡呢度,所以行得耐左,佢有幾條需時不同的遊步道供選擇的,最耐係外圍橙色果條 ( 1 hr ),其次係我地行一小圈呢條 ( 40 mins ),最快係中間直達中間點 ~ 觀音堂果條路線 ( 30 mins )。我覺得如果到此一遊的話,行最短果條路線,影過主要既景點觀音堂都夠架喇,因為其他位置其實只係見到o的石囉 !
地上的鬼像,但那些豆的用途和意義是什麼呢 ?--->我睇小丸子得知......撒豆係可以驅鬼同保平安的......
回覆刪除[Bondy回覆04/15/2012 22:03:57]哈哈.....VERY GOOD IDEA~~
[版主回覆04/15/2012 21:52:40]如果園內有豆賣,做埋撒豆體驗,應該又係一項賺錢的生意
[Bondy回覆04/15/2012 21:39:49]有趣....有趣..........
[版主回覆04/15/2012 21:29:35]我想也是的,所以日本有撒豆節的活動,只是不明白為何整個鬼押出し園,就只有這個不起眼的地磚上才有幾粒豆
我上次去都無你影到咁多鬼像!! 最尾隻天狗好鬼正!!
回覆刪除[版主回覆04/17/2012 12:50:23]唔通之前真係冇咁多鬼像既 ?
好想去啊﹗
回覆刪除[版主回覆04/19/2012 20:06:42]計劃下丫,凡事可成真的
200Yen好抵⋯行咁耐⋯哈哈,色彩好豐富,攝銀仔好得意!
回覆刪除[版主回覆04/21/2012 07:07:24]唔係呀,其實鬼押出 し園人場費是 ¥600,加多 ¥200 就可以參觀埋淺間火山博物館,所以買了 ¥800 的兩館通用卷,但都唔夠時間行,所以其實是蝕了 ¥200 呢 ! 攝銀仔之前唔知o係邊到見過,不過玩就係第一次呢 !
個曲奇餅好過癮,有無買同好唔好食?
回覆刪除[版主回覆05/01/2012 08:27:06]曲奇是有得試食的,味道都幾鬆化香口架,又唔算貴,¥350@,所以試過之後就買左o的返屋企及公司做手信喇
呢到好多鬼鬼 呀 , 模仿熔岩石左手面是真嗎?
回覆刪除[版主回覆05/10/2012 21:19:59]唔知點解,一直都好喜歡呢o的鬼像,所以o係呢度逛得好開心呢 ! 我冇影低個正確答案,但印象左邊是真的熔岩石