在黑部平買了兩罐不知拿過什麼獎的啤酒給爸爸之後,便又撘車繼續落山了
黑部平 → 黑部湖 ( 黑部纜車 ~ Cable Car,5 mins )
黑部纜車是全日本唯一的室內纜車
↑↓ 嘩 ! 又是這種黑猛猛的隧道
…… 大家千萬不要笑我,其實是因為見到地圖上說遊覽船處有印仔吸,便即管行過去吸一吸印仔罷了 想不到隧道的另一面風光如畫,令人眼前一亮
出了隧道後又一番新景象
想不到這裡的紅葉這樣漂亮,幸好過了來行這一趟
又被人偷影
就是在這個遊覽船售票處入面吸印仔啦 !
遊覽船 ~ 似乎今天都有很多人乘船遊覽黑部湖呢 ! ( 欲知詳情,請移玉步到小肥 blog 啦 ~ )
就在我很努力地埋首吸印仔的時候 ( 因很少墨水,很難印得到呀 ! ) Ricky 說前面有一條橋很靚的 ! 隨他行過去,這條 カンパ谷吊橋確實很漂亮呀 ! 算是一個意外驚喜呢 ! 我們在這裡又停留了好一段時間,不捨得離開
不過,吸印仔目標已達成,是時候要行出去了 … 否則便趕不及今晚要到達的軽井沢的了
中途可遠望水庫的
行到黑部水庫 (黒部ダム) 的附近時,天色轉暗,還有陣陣的雨粉,強風吹在身上和臉上,冷得我們有點顫抖,快快影了幾張相,我便到賣店內坐在暖爐旁休息,Ricky 便出去替我找印章,兩天後 Ricky 病了,應該都是因為今次冷親吧 !
賣店 ~ 凍到傻,Ricky 還去買雪糕吃,難怪冷病了啦 !
黒部ダム ~
黑部川上游的黑部水庫,蓄水量 2 億噸,高度爲 186 米,是日本第一座、也是全日本最大和高的拱形水壩,從水庫展望台看水庫放水,氣勢澎湃宏壯。
黑部の湧水
當年興建水庫時耗用大量人力 (1000 萬)、財力(513 億日元)、歷時七年才完成,故建立紀念碑紀念 ~
殉職者慰靈碑
休息夠,便落新展望廣場 (水庫下面) 看看 ……
從廣場可以近距離觀看放水時的磅薄氣勢
遠處山景
落完新展望廣場,原本都想過上展望台看看的,但行完由新展望廣場上回賣店附近的那數十級 ? 樓梯之後,我已差點斷氣,行一會便要扶著欄杆喘氣 …… 休息了一輪,我們打算其中一個人上去那 280 級樓梯的展望台影張相,另一個就留這裡看著隨身物品好了 (大背囊、側背袋、兔兔燈各一件),最終決定 Ricky 上去,我留在下面等 … 不要以為我懶,而實情是 Ricky 不想留在下面吹風,所以選擇做上去那位 ! 其實當時蠢了,不懂得相約在小賣店入面坐著等,我呆站在樓梯前,狂風加雨粉,凍到我震
在水庫影完到此一遊相,便又往撘車了 ……
黑部ダム → 扇沢 ( 關電無軌電車 ~ Trolley Bus,16 mins )
扇沢是一個小站,沒什麼好行,可以直接買票撘在立山的最後一種交通公具離開了,由於我們買的不是¥ 9390 套票,所以在扇沢到信濃大町要再買巴士票
扇沢 → 信濃大町 ( 巴士 ~ Local Bus,40 mins )(¥1330)
原來湖哩邊都好靚呀! 條長命梯真係幾攞命架,所以我放棄咗改行室內嗰條,又ok喎
回覆刪除[版主回覆03/30/2012 23:06:32]嘩 ~ 你反應咁快既 !? 其實我對水壩既感覺一般,好似水塘一個咁,反而乘船處果邊真係好驚喜,打算吸個印仔o者,點知見到靚紅葉及靚橋,賺左 !
幸好有印仔的吸引力吸咗你過去, 風景很美呢, 哈哈! Ricky San又勇於向上, 有上進心, 要揹住大背囊、側背袋、兔兔等行2佰幾級樓梯會幾tired下的, 除非是常做運動的人啦, 呢轉景點行程都唔錯喎
回覆刪除[版主回覆03/30/2012 23:14:00]我見有時間,咪貪心o的吸多個印仔囉,多得個印仔先發現呢個水壩外桃園呀 !
果然別有洞天喎, 乘船處嗰邊都好靚啊!!
回覆刪除[版主回覆04/08/2012 23:15:22]咁我都唔係要去齊咁多個地方的,最主要都係視乎自己的興趣及喜好吧,所以我都冇遊船河呢 !
[Bondy回覆04/08/2012 21:51:59]我都係每次去完旅行都發現好多地方自己冇去到........
[版主回覆03/31/2012 15:38:38]Nerissa:因為想睇既野太多,但時間有限,所以行程排到密質質,令到有o的地方不能細看、錯過左,我都成日係咁
[版主回覆03/31/2012 15:33:32]真真正正的別有「洞」天呢 ! 原本冇打算過去的,睇下睇下不如過去吸個印仔,所以算意外收獲
[Nerissa回覆03/31/2012 12:36:18]咦, 你都無去過嗰邊咩, 我發覺自己去旅行成日都甩甩漏漏, 返到嚟睇人地d相至發覺漏咗
妳唔講都唔知原來遊覽船呢邊有印仔吸呀! 好彩妳係我出發前趕到POST晒立山行程
回覆刪除[版主回覆04/02/2012 21:05:18]係呀,我都吸左一疊紙,再多一個印都冇位吸呀 !
[KITTY回覆04/01/2012 23:54:10]60個印仔?!
[版主回覆04/01/2012 08:42:56]黑部湖既位置處於立山山腰,應該都仲有得行既
[版主回覆04/01/2012 08:41:08]遊覽船既印仔係黑湖既駅長室附近,有一份「紀念章路線圖」 ,顯示左大壩附近的十個印仔位置 ( 詳見和豚媽媽 blog ),而立山既其他印仔,就要到各站自己行、自己搵先見到喇,睇返自己o的印仔,原來整個立山,我吸左 60 個印呀 !
唔 . . . 雖然話扇沢是一個小站,沒什麼好行 . . 但你嗰幅巴士相後面嘅紅葉都好靚 . . . .
回覆刪除[版主回覆04/03/2012 21:33:52]其實o的紅葉都真係幾多,只係好大煙霞,睇得唔夠清,影出黎就更加係濛查查 ! 留返俾你去「撥開雲霧見紅葉」啦 !
天氣雖然唔好,但成個山頭都變晒色⋯好靚
回覆刪除[版主回覆04/04/2012 08:46:00]世事無十全十美,見到迷霧下既紅葉已經好滿足喇
有一份「紀念章路線圖」 ,顯示左大壩附近的十個印仔位置 ( 詳見和豚媽媽 blog )--->又唔知tim........
回覆刪除如果你圯先咪好law.....等我可以跟丫ma.........
[Bondy回覆04/09/2012 10:25:47]總知一個字--->勁~
[版主回覆04/08/2012 23:22:07]之前好擔心立山既天氣丫嘛,又見到有兩個 blog 友去立山,咁果一排咪日睇夜睇、追遊記,睇下自己去既時候會唔會落雪囉 !
黑部水庫望落去真係腳仔軟~~~
回覆刪除你哋呢次真係玩畫立山黑部喇~~~
[版主回覆04/21/2012 17:45:25]對我呢o的畏高既更加腳軟啦,所以我沒有上舊的那個展望台呢 !
"休息了一輪,我們打算其中一個人上去那 280 級樓梯的展望台影張相,另一個就留這裡看著隨身物品好了"
回覆刪除哈哈,我未睇晒成段都估到上去嗰個一定唔會係你啦,我知你唔係懶,不過如果有得揀你一定唔會想做行二百幾級嗰個囉
[版主回覆05/01/2012 08:20:49]當然啦 ! 我呢o的手短腳短又冇氣既,等得我行完上去再落返黎,睇怕下面等我果個都訓醒幾覺啦 !