這次秘密進行的旅行，籌備時間短而過程艱辛，由 9 月開學收到校曆表、至到 9 月尾才突然決定的旅行，因為想給兩個女驚喜，而每天晨早或晚晚半夜才可以搜集資料的我們，真的 plan 到頭昏腦漲 ! 而且聖誕加上跨年的住宿真的很難 book，很多房間都 full 了，又或是不招待小朋友，book 到的都很貴，所以有得選擇的話，都不希望再在聖誕檔期去旅行 …… 當然，要就學校假期就沒辦法了。
雖然爸爸和妹妹帶病出發，家姐在中途開始發燒，又遇上不同的天災(地震)人禍(遺失銀包)，但總算順利完成回來，感恩 ! 搞笑的是，我們居然在由布院遇見家姐仔的班主任，還一起拍了合照呢 !最記得當爸爸在機場告訴兩個女，我們不是去澳門而是去日本的時候，兩個女依然一臉迷惘，妹妹還多次問：「是不是真的?」
雖然妹妹去到日本依然一日喊幾次，又咩都唔多食，但總算完成了我和爸爸帶妹妹去旅行的心願 ! 既然心願已達成，我和爸爸一致認同 ~ 下次唔帶兩個女去旅行了 ! XDDD
(以下9成99的相片都是用手機影的，不知是部大機太久沒使用而對焦不到、還是那個本身技術不佳的人，多年沒練習而變得更差，還好我已不存寄望)
家姐仔回程時影的，她說不知道是不是富士山 ?
玩得開心就係無敵👏👏👏
回覆刪除係嘅，好與壞都係滿滿的回憶
刪除因為兩部相機款式都舊了，我宜家去旅行漸漸都係用手機影相，由於手機太方便質素又好，又可以隨時同人分享，再無衝動買新相機了。
回覆刪除我信大機有佢優勝之處，但帶住兩個小朋友，手機方便又輕巧，最主要係另一半冇心鑽研，咁就算了吧 !
刪除呀妹唔慣去旅行所以哭? 大女三年級會唔會都照顧到自己? (在大人視線下)
回覆刪除我女由以前Staycation已經自己執行李，舊年旅行佢已經自己執齊野，
一起身自己換衫(有時自己札埋頭髮)，照計應該都係take care細女?
不過聖誕酒店如果唔係5-6個月前book定都真係貴，
我自己book晒後都會繼續睇酒店(有d酒店未咁早放booking)，
一早放左果d真係睇住佢愈後愈貴
性格問題，喺香港都每日喊 10 次 8 次㗎 ! 好似叫家姐幫手拎件褸，佢又突然爆喊，問佢咩事？佢先話：「我都想幫手拎褸」……
刪除大女都算識照顧自己的，不過性格係求其、濶佬懶理型，加上如果有工人姐姐喺屋企時，家姐個倚賴性再強啲
但今次去旅行，家姐算好識幫手的了，唔舒服嘅情況下，排隊攞嘢推喼趕車，都冇乜發過脾氣
知道貴，未經歷過貴成咁，所以話下次自己兩公婆淡季去 ( 講係咁講啦 ! )
哈哈，細女似乎相當任性。我屋企姐姐就從小訓練佢自己的事自己做...我姐姐夠惡治到佢咁...LOL....我隻眼開隻眼閉。
刪除我宜家BOOK緊暑假酒店，可能YEN長期低水問題，東京酒店比起舊年貴左非常多，同一間酒店YEN價可以有一倍之差....
其實細女反而肯做嘢同有手尾多啲，但性格上較為膽怯，敏感，怕被人(我)鬧，成日講對唔住
刪除同一個 trip 又會去咗咁多地方嘅？都分開三大個區域
回覆刪除十三日，去程大阪，落九州，返大阪京都，上東京草津輕井澤，落川越，東京走 …… 每個地方留兩至三日，爸爸話趁有 JR Pass，帶兩個女去咗最想去嘅地方先喎
刪除有 JR Pass 就無所謂
刪除Grateful for your commitment to quality content. Your post was excellent.
回覆刪除Thanks ~
刪除