Day 6 (14-12-2018 ~ Fri ~ -4 至 3℃)
行程 ~ 東北 (八戶) → 北海道 (函館)
始終由東京上北海道札幌,撘 JR 的話要 7 小時,不想浪費日間大部份用來撘車,也不想坐車坐到腰骨痛,所以昨晚安排在八戶住宿一晚、今天會在函館稍微逛一下才再撘車上札幌,反正這兩個地方都有想要去的景點
以前夏天去過八戶附近一個叫「蕪嶋」的地方餵海鷗,那裡是海邊,覺得景色不錯而且頗好玩,所以本來今早打算一早起身帶阿女去玩的
但我整晚都咳到睡不到、見爸爸和阿女熟睡中、超級疲倦,望著外面的積雪又怕去海邊會大風又凍,所以考慮了一會還是取消了這個行程 …… 讓他們睡到自然醒就吃早餐,然後離開東北、繼續往上去北海道了
從房間望出去的景色
↑↓ 上面是阿女的,下面是我的,不過大家都只吃了數口
↑↓ 行上八戶駅,經過售賣八甲田芝士蛋糕的小攤檔,阿女昨晚已經說要買的了,今早見到又說要買,給她試了一啖確定她真的喜歡吃,就買一盒小的給她吧 !
好喜歡這個扭蛋內的鬼鬼款式,不過怕抽到其他不想要的款,所以影張相留念好了
↑↓ 八戶駅內的燈籠佈置裝飾
↑↓ 叫有大雪人和車廂聖誕佈置,因為候車時間充裕,所以又影一輪
撘 12:02-2:06pm 的 JR 由八戶到新青森、再轉乘新函館北斗到函館
上車前在小賣店買了兩支季節限定的蘋果汁,飲不出有什麼分別,總之就是好飲 !
藍天白雲加上雪景,靚 !
沒有位坐,阿女坐上行李箱啦 XD
到達函館,我們先往吃午餐,又是懶得想,去一間以前吃過覺得好吃的麵店好了,不過今次我覺得一點也不好吃,可能又是我的味覺問題 ? :P
函館的代表物 ~ 魷魚
這間小屋好像是食店,只見外型和顏色都很可愛
有個小朋友說凍、要爸爸抱,仲錫啖爸爸為爸爸「充電」…… ^____^"
↑↓ 上:我的雲吞麵,諗住比較適合阿女食,但我覺得不好吃,再次證明去日本不適宜嘗試中華料理 ( 前後試過 3 次都覺得不好吃 )
下:爸爸的雜菜拉麵加炒飯,上次我覺得這個雜菜拉麵好鮮好好吃的,但今次卻很咸,所以真的不知是我的問題還是拉麵的問題了
這個雜菜「春卷」也是,上次覺好味、今次覺得淡而冇味 ^^"
阿女在麵店內不知是疲倦還是什麼,全程都有點扭計,我和爸爸好聲好氣地講過道理、氹過、又勞氣過,結果我都忍不住鬧了她一大餐,當然她就喊啦 ! 喊了一輪然後喊/累到在麵店內已經瞓著了 …… 唉 ~ 這個女 ……
於是爸爸唯有抱著阿女繼續行程,下一站去金森倉庫群,目的是可以 hea 住閒逛及看夜晚的聖誕活動
撘電車過去
原來這裡有 Gram 的分店,不過沒時間試
見爸爸這麼疲倦,阿女又仍然在睡夢中,於是在金森洋物館內找了個地方給他倆坐著繼續瞓,我就在附近買下東西和影影相啦 !
↑↓ 他們兩個瞓到 …… ^^" …… 背後這幅海報好靚
在郵局買了北海道著名景點的郵票
購物滿 ¥2000 有得抽獎,我買完嘢影完相冇嘢好做,就等阿女瞓醒然後俾佢去抽獎啦,所以佢個樣好明顯係一副未瞓醒咁嘅樣,哈哈 ! 抽了 2 次,中了一張 ¥300 coupon,之後又買嘢用了
然後帶了阿女去這個「BRICK LABO 樂高館」玩,地方不大,但這是一個完全免費的空間,裡面有許多大大小小的 Lego 可以玩,還有一幅可以任意發揮創意的 Lego 牆,最欣賞這裡地方細細但提供了足夠的位置擺放小朋友的作品 ……
Reception 的聖誕老人和聖誕婆婆 ? 裝飾
↑↓ 可擺放製成品的展示區,部份作品相信是店員/成人製作的吧 ? 這座大樓好精緻 !
↑↓ 我最喜歡這幅 Lego 牆,美觀又有意思、影相都好靚
↑↓ 阿女砌咗兩三款之後,好用心咁揀選可以放上去的地方,仲可以寫埋姓名和國家喺張紙仔度夾上去的呢 !
這裡有很多細小的 Lego 可讓大人小朋友任意發揮
↑↓ 旁邊有一份份的跑車 Lego 提供給小朋友砌,好整齊,阿女好有心機耐性去完成一架跑車
坐在 Lego 梳化上看說明書
↑↓ 另一角落用比較大塊的 Lego 砌的場景,適合年紀較小的幼兒玩,阿女當然不會放過啦 !
阿女玩了一個半鐘仍然未玩夠,但我們打算出去倉庫群外影幾張相就走了,所以氹了很久阿女才哭著離開 ^^"
這裡有我和 Ricky 都喜歡吃的 Snaffle's 分店,但超多人,原來正在做慈善優惠, ¥200 可選購一件人氣 cheese cake + 細細杯的 coffee,當中 10% 會用作捐款用途
下次如果東京上北海道,推薦你住星野青森屋休息下,酒店本身好大,酒店室內探險都消你幾個鐘,又可以浸溫泉輕輕鬆鬆。
回覆刪除你呢次都幾大挑戰,帶小朋友坐火車上到札幌…仲要無BB車(?)..
青森屋我都恨咗住好耐,最想試佢嘅浮湯同三味線表演的晚餐,但次次都未能 plan 入行程之中,其實我一直都好想再次遊玩東北,淨係青森都有好幾間想試嘅酒店了,好似奧入瀨溪流酒店咁,又係一直得個恨字
刪除帶小朋友坐火車上到札幌 …… 冇辦法呀,因為換唔到北海道直航,唯有經東京上啦 …… 爸爸話已經要兼顧 2 個o急 + 抱阿女,實在冇手再帶 BB 車喇,況且阿女當時都 3 歲半,唔應該再坐 BB 車啦
唔洗搬兩個行李咁慘,用宅急便寄黎寄去,可以輕鬆番D,特別係臨走前三幾日,
刪除通常一個行李已塞爆晒野,咁就一野寄去機場,可以瀟灑少少出機場XD
btw,舊年最後一次非自駕日本,BB車真係得個推字同放戰利品,條友完全唔肯BB車上小睡XD
所以自駕都不帶車了(車上小睡)
宅急便以前都試過,但因為今次去係冬天,淨係帶阿女啲衫褲物品已經要一個O急,另外一個O急就係我同爸爸啲衣物 + 電線叉電洗臉用品等,所以全都要用㗎喎,我又冇咁多時間心機去執定每日所需衣物嘅O急,咁咪全部拎走算數囉 ……
刪除我果個都係唔坐 BB 車㗎喇 (有阿妹喺度就例外,要掙住坐 -_- ),況且諗住喺雪地推 BB 車都唔方便,所以唔帶,否則平時架 BB 車用嚟放奶粉袋、放戰利品都好正㗎 !