Day 3 (11-12-2018 ~ Tue ~ -3 至 6 ℃)
行程 ~ 東京 (輕井沢)
阿女喺 Kid Snow Park 玩到唔捨得走,我地話黃昏會關門的了,俾佢玩個滑雪車軚玩到最後一秒,佢先依依不捨咁跟我地走
玩完雪就去 outlet 逛個圈,預先 search 過呢個 outlet 唔多心水店鋪,所以都係預咗 2 小時左右去行店鋪,首先搵地方安置阿女同爸爸,但個「遊戲室」小得可憐,仲要係冇設施的,算吧,反正有個地方俾阿女趴吓都好過冇啦 !
阿女居然主動話要影相,所以「敷衍」佢影返張 XDDD
↑↓ 一眼睇晒,長方框一個,但阿女都好喜歡,因為有得喪跑喪跳
阿媽我就爭取時間去 shopping,行了 3、4 間店左右,都沒有什麼合心水,主要在 Afternoon Tea 買咗幾件嬰兒用品就沒有了
快快逛完個 outlet 就去吃晚餐,近近地都是在 outlet 外的食店街吃,本來想去另一間吃牛扒的,但超多人在等位,於是就選了這間有國產牛吃的食店
叫了杯橙汁俾阿女,未食嘢已經飲咗大半杯
我叫俾爸爸的牛肉鍋 (諗住o岩阿女食)
我的板鐵國產牛 set 點,睇圖靚過實物,可能煮得有過熟,所以比較乾及硬
結賬後一出餐廳有驚喜,就是看見落雪呀 !! 雖然過兩天去北海道應該都會有雪落,但這裡仍是 12 月初的關東地區,上午去的那個 Snow Park 只是人造雪,現在是真真正正的由天空上飄下來的雪,是阿女看見的第一場雪呢 ! (我對上一次冬天去旅行看見雪也都十年了吧 ! ) 所以一開餐廳門的那一剎那真的很興奮 ! 連阿女都笑著不斷地在雪地上行來行去
阿女話要捉住啲雪
↑↓ 無聊地玩寫字 …… 好彩有玩,去了北海道後反而沒時間這樣玩了
阿女打電話返香港話俾姑姐知落雪
旁邊有一家四口的香港人遊客,大家都好開心,互相幫忙影合照
玩到 9pm 便要離開輕井澤撘車去宇都宮,沒有在輕井澤住宿實在很可惜,但沒辦法,為了遷就明天在宇都宮附近撘巴士往果園摘士多啤梨的行程,今晚唯有住宇都宮 ……
但最可惜的是,這個為阿女而設的另一重點行程要取消了,因為昨晚才收到通知說早前的天氣不夠凍,所以士多啤梨未有長出來,所以沒有得摘了 !! >.< 昨晚已拜托住在日本的姑媽幫忙找找這附近有沒有其他果園可摘士多啤梨,不過大家找了兩晚都沒有,但酒店房已訂好,唯有照住宇都宮住,明天才想去什麼地方啦 !
11:30pm 去到宇都宮,預先訂的那間酒店原來見我們咁夜都未到來 check in,所以將我們的房間租了給別人了,職員連忙 say sorry 及幫忙找酒店,很快找到了一間馬路對面的酒店 (只剩下一間房了) 並幫我們推行李過去,不過又擾攘了一輪,我們要打電話給姑媽讓職員和她溝通,才知原來是說這間酒店有房但冷暖氣壞了,我們說沒問題啦,反正暖氣房好焗的
第二天早上補影的酒店外觀
↑↓ 一進房間,好寬敞,雖然房間感覺是舊了點,但好過冇啦,反而這麼多空間,行李可以隨便掉了 XDD
阿女繼續周圍搞,爸爸和姑媽傾電話,商量明天的行程
洗手間都好寬敞,廁所和梳洗間分別兩邊
因為剛才早吃晚餐,現在有點餓,爸爸去了便利店買宵夜,這件炸雞皮脆肉嫩又多汁,好味 ! 所以阿女食咗半塊 ( 我未食夠㗎喎 …… )
啲相太細睇唔清楚!
回覆刪除好明顯係我打緊 blog 個稿時㩒錯掣、㩒咗「發佈」啦 …… XDDD
刪除原來由輕井澤有車去宇都宮, 下次可以諗吓咁樣行.
刪除係,撘新幹線返去宇都宮好似大約 1 小時 15 分鐘左右 …… 不過有揀,我會選擇住輕井澤,嘻嘻 ~
刪除呀 …… 睇返原來由輕井澤撘去宇都宮係要 2 小時 15 分鐘的呢 !
刪除阿女居然主動話要影相,所以「敷衍」佢影返張 ,你好攪笑^_<
回覆刪除啲相太細睇唔清楚X2,冬天帶小朋友去冰天雪地旅行好辛苦﹗
係吖嘛,次次叫佢影張相都要叫幾十佰次,行到埋嚟又冇時停,好鬼勞氣㗎 !
刪除啲相細係因為其實係我打緊 blog 個稿時㩒錯掣、㩒咗「發佈」:P
冬天帶小朋友去雪地旅行的確好辛苦,但睇返啲相就覺得好有紀念價值,所以辛苦都係值得的,不過會檢討行程下次唔去咁遠
果D無野玩遊戲室(即係你照片果D)我女都好鍾意衝入去爬同跳上跳落,可能因為屋企無呢D野玩啦
回覆刪除我女又係成日話"幫我影相"影呢度果度,HAHA
我成日覺得佢地只要有個安全的地方,例如有軟墊嘅四面牆 (好似精神病院果啲 ? haha) 俾佢地亂衝亂撞、喪跑喪跳就好開心的了
刪除啲小朋友咩都要試、扮大人吖嘛,不過話時話,睇佢地影相都好好笑㗎,佢地相唔知隻手要定啲、有時又唔夠力㩒掣,所以當佢地影相時好明顯對手係勁郁㗎 ! XDD
唔怪之得下面無字XD
回覆刪除btw,你地check in時間遲過book房個預定check in時間??
嘻嘻,間中就會出現㩒錯掣呢啲錯誤 ^^"
刪除我地 book 一般商務酒店好多時都冇理/冇留意有冇 check in 時間的,因為喺市區我地成日都早出晚歸、好多時 10pm 甚至 11、12pm 先去到酒店 check in 的,所以未試過咁,可能咁o岩呢間酒店果日多旅客 book 房啩 ? (我冇再睇返佢嘅 book 房細則了)