2018 北海道．冬の親子遊 ( Day 2 ) ~ Shopping day

Day 2 (10-12-2018 ~ Mon ~ 約 4-13 ℃) 

行程 ~ 東京 (錦系町、池袋)

     由於今日的行程首站只是過馬路對面的 Akachan shopping，感覺好幸福，哈哈 ! 所以可以瞓晏少少，9am 起身、10am 到對面 cafe 吃早餐，然後便在旁邊的商場 shopping 了

爸爸的血橙橙汁、芝士多士，我的熱朱古力、蛋沙律麭，多士是新鮮烘的，唔錯 ! 

     然後 shopping 去，今次主要是為了去 Akachan 買小朋友物品才會索性住在錦系町，買完後便到樓上吃 lunch ~ 不二家，這間不二家上次夏天來旅行時已經想吃的了，因為近近地又見幾靚咁，可惜上次太趕就去了機場才吃，今次一於試試啦 ! 

牛奶妹的佈置都幾靚，特別喜歡佢啲掛畫，但免得騷擾其他，所以只影了最喜歡的一幅畫

大路的海鮮意粉和咖哩牛肉蛋包飯，味道正常地好味，其實我們最期待就是試這個有兩種栗子的粟子蛋糕，只不過我真的沒胃口

     Lunch 之後就往池袋，因為池袋有浣熊專門店呀 ! 浣熊專門店由東京駅搬了過來池袋應該都有 4、5  年了吧 ? 今年才有機會第一次去

     我們在地面的商店逛了幾間店鋪之後，我和爸爸分頭買東西，因為爸爸要去配眼鏡，我就和家姐仔去 shopping，大家約定大概 5pm 在某商店前等

影呢張笑容咁燦爛嘅相其實係要「唧」家姐仔笑的  ^^"

家姐仔被呢啲遊戲機吸引住，拉住我要玩唔肯走

↑↓ 經過 Disney Store 時阿女雙眼發光、把聲好誠懇咁話好喜歡隻 bear bear 熊喎，仲答應我會好好照顧佢 …… 見佢好似真係好喜歡咁，而且佢都好少話要買毛公仔嘅，所以就破例買一隻啦 ! 而事實之後的旅程，阿女去到邊都有抱住佢同照顧佢，仲幫佢改咗個名叫「成功熊」，直至現在瞓覺都要攬住隻「成功熊」呢 ! 

     到達浣熊專門店喇，不過比想像中買得少，今次居然沒有合適的浣公仔買到 ~ 

在店內逛了幾個圈都冇咩好買，見到有整姓名貼紙的機器，玩吓先 ~ 整咗兩姐妹一人一張

     買完浣熊仍有很多時間，於是同阿女在商場內的椅子坐下、俾少少零食阿女食，就在無聊影下阿女啲日常照片時，見到下一層有間童裝的衫仔好似唔錯喎，於是等阿女食完零食就去逛童裝店 XD

就是背後右邊那間

童裝店內的玩具角落，阿女仲安頓好「成功熊」之後先自己坐定定玩

     在店內買完衫，經過一些聖誕佈置看見這些大聖誕老人覺得好可愛呀 ! 好喜歡這類傳統的聖誕佈置，看過單張發現原來有 3 個這樣的大型佈置，於是就選擇了兩個較近的過去影相

↑↓ 佈置的前後，好搞笑 ! 聖誕老人的 pat pat 卡在火爐外 XDD

↑↓ 另一款的佈置，好大袋聖誕禮物啊 ! 

     買完物品又影完相，對腳其實已經行到有啲痛，雖然未到時間與爸爸會合，但都返去約定的商店附近閒逛或坐坐，這時阿女話肚餓 (因正餐永遠唔正經食同埋食得唔多) 想食 crepe，於是等埋爸爸來之後就食甜品啦 ! 

叫了慣常喜歡食的香蕉朱古力味和士多啤梨朱古力味

阿女好「孝順」咁話：「媽咪，你係咪鍾意食呀 ? 我留俾你食吖 !」我話「好吖，但點解冇士多啤梨嘅 ?」佢就偷笑唔答 …… 我話「下次你直接講話你食飽唔想食啦 !」…… 個女古惑到呢 ……

     食完甜品又冇嘢想買，而且行了整日已經很倦 (年紀大了，精力真的不復當年)，所以打消了留在池袋吃晚餐的念頭，打算回到錦系町再作打算

↑↓ 入夜後晚間天氣得幾度，都幾凍吓，於是在池袋月台等車期間買熱粟米湯飲，自此整個旅程阿女就愛上了飲熱粟米湯了

     回到錦系町，可能吃了甜品還沒肚餓，所以直接回酒店算了，在酒店休息過後我已懶得落街，由爸爸落街食、順便買個飯給我好了，懶到咁 …… 哈哈 ~ 

在酒店樓下小店買的士多啤梨

松屋牛肉飯