2018 北海道．冬の親子遊 ~ 戰利品篇 Part 2 ~ 衣物雜物篇

         昨晚影完食品，第二日放工再影埋其他戰利品，餘下的就主要是衣物類，驟眼看應該有 8、9 成都是兩姐妹的物品 ~ 

打著「偏心」嫲嫲所說「家姐果啲就全部都係新衫，妹妹冇咩新衫喎，妹妹都要靚㗎嘛 !」的旗號，愛買衫的阿媽我就當然名正言順咁買衫俾妹妹啦，所以呢堆童裝中有 7、8 成都是妹妹的，哈哈 ~ 又有藉口買靚衫，阿媽最開心 ! XDDD

屋企啲口水肩已經多到用唔晒，但都忍唔到手，今次買咗 5 件

     除了黃色件 Pooh Pooh 針織衫係送俾人之外，下面兩圖的衫褲都是妹妹的，購自 Akachan 及 Outlet 內的一些不知名品牌，重點係便宜，大約 ￥7xx -￥1xxx @，好抵呀 ! 

     喺 Outlet 見到 Miki House，理應好開心，但逛了一圈又一圈只睇中一件妹妹的，其他的都睇唔o岩，o岩心水的又好貴，結果繞了5、6 個圈先免強執到兩件俾家姐仔，但回港後才發現米色那件原來已經有了，咁唯有送俾人啦 ~ 

呢件喺早幾個月的 11 月份見過想買，但代購價要 $590，太貴沒有買，今次居然喺 outlet 見到，平成半有多，好似 ￥2xxx，仲有妹妹嘅 size 80，即買 !! 

買咗俾妹妹，家姐冇又好似衰嘅，所以繞了幾圈都求其執兩件當粗著啦，因為平時我係唔會買藍色衫俾家姐的 ( 純粹阿媽個人喜好 XDD )

     另一喜愛的牌子 ~ Rag Mart，每次有機會去札幌的話都必買，不過今次啲冬季衫都沒有特價呀 >.< 但因為超喜歡，忍唔住都照買，這裡少少地 6 件已經要 ￥24xxx ~ 

詳細價錢唔記得了，衫、裙類大約 ￥5xxx@、口水肩 ￥2xxx@

我甚少買同一個款式給兩姐妹的，最多都是同款不同色，但這條拼布裙真的好喜歡，就破例買一次啦 ! 

這條裙褲之前在香港買了條綠色的給自己及家姐仔，在日本專門店發現原來還有紫色的 !!! 唔理咩 size 都要買 XDD ，結果好似買了妹妹的 size

     在商場見到不同牌子的童裝，現在很少看自己的衫，有時間都只會逛童裝，逛下逛下又買了一些 ~ 

petit main ~ ￥3888、￥1296

apres les cours ~ 這間不知道是什麼牌子，只是折扣很多，粗著或者送禮都抵啦 ! 沒有不買的理由吧 ! 

(上：左至右) 桃紅連身夾衣 ~ 3 折後 ￥1134、粉紅皇冠線衫，仲要有埋條可拆的毛毛領 ~ 4折後 ￥1555、

(下：左至右)質料好滑的毛毛背心 (其實這是初生 size，見 7 佰幾円咁平，諗住送俾人都好，但回港後妹妹試上身後又o岩喎 ^^") ~ 大約 25 折後 ￥756、珠冷質地短褲仔 ~ 3 折後 ￥842

↑↓ BREEZE ~ 難得見到有可以自製姐妹裝的衫，手肘位還有心心圖案的呢 ! 而且有7 折 ~￥2192@，紫色日本製長褲 ~ 7 折後￥1285，軟熟牛仔瀨屎褲，型 ~ ￥1836

     全個旅程原來就只買了這麼多衣服給家姐仔，現在睇番先覺得真的很少，就是一條裙、一件冷衫、一條 legging 及一件底衫底褲仔，以及上面的兩件 Miki House :P ~ 

家姐仔喜歡熊貓，所以見到這個掛繩立即買，還可以刻名的，不過忘記價錢了，但由於是皮革，所以我記得都不便宜，好像二三仟円 ?

     我的 ~ 

因我對鞋著去第二日就爛多咗 (本身少少爛，因出發時忙亂間著錯鞋去)，所以臨時買了一對，要求是便宜，結果真的找到這對 ￥1080 的毛毛 boot …… 幸好得到姑媽幫忙看住家姐仔兩小時，所以我先買到呢兩件戰利品咁大把  ! 

     爸爸的，在 outlet 執的便宜貨 ~ 

     雜物 ~ 

頭飾

貼紙簿、摺紙、顏色筆等家姐仔的用品

買定少許聖誕裝飾給家姐仔聖誕時佈置玩吓

喜歡上了蘋果蟲，所以買了小朋友被、郵票、膠錢箱仔、手挽袋

嬰兒枕頭和防水墊

抹手巾，要成日買，因為好快用到殘

Afternoon tea 的飲水杯

家姐仔話要的扭蛋

家姐仔話要獎抽抽到的禮物

每年必買的利是封，每年都撘契媽買，今年可以自己來揀了

浣熊精品

↑↓ 靚靚郵票，後面附送的 postcard

藥物

↑↓ 好靚的尼龍袋，每次去旅行見到靚的都必買，不過而家俾咗家姐仔裝被返學，想買多個自己儲 (前後)

     幫同事買/送給同事朋友的手信 ~ 

有香味的仿 cookies 聖誕掛飾

好靚的橡筋

↑↓ 茶葉，連個袋都靚過人 (紙袋前後)