2018 北海道．冬の親子遊 ~ 戰利品篇 Part 1 ~ 食品篇

     由北海道回來已接近 3 個月了，我們撘晚機回來，回到家中已經是深夜時份，但想早少許清咗啲食物手信返公司及朋友 (你知日本好多食物的食用限期都是很短的呢 ! )，所以一搞掂家姐仔瞓覺，就掃晒啲食物出來影相然後分袋裝俾人先 ! 

     今次的食物算買得多，因為好多都是自己喜歡吃的食物，一見到有便會 encore 再買、或是重遇番一些以往喜歡的食物，咁當然又要買啦 ! 

蘋果食品不知不覺原來買了這麼多 XDD

家姐仔超級喜歡食的水果乾 (只買蘋果和士多啤梨，好似有香蕉片的，但比較硬，所以冇買開)，每次去 Akachan 見到必買，初初去那間 Akachan 只得 2 包，之後在另一間 Akachan 見到有大量，立即掃了 8 包 ! 

中間這款蘋果薄脆片自從在長野買過覺得好好味，之後在東北八戶見到，這次適逢會去八戶，所以要大量入貨做手信及自己吃，給了一盒工人姐姐放假時帶出去和朋友吃，姐姐都話好好味

在不同的地方見到有不同款的蘋果零食，忍唔住又買來試試，結果係……款款都咁好味 ! 

款(最中間果款有紅色、青色和橙色包裝，以前有一段時間超喜歡食青色包裝那款的，今次都買了 2 包青色 2 包紅色，不過在旅途中俾家姐仔食得七七八八，只食剩圖中那包了 XDD)

最後那盒蘋果菓子是家姐仔特意揀的學校手信，前面那兩盒蘋果批又是以前買過覺得好好味，所以見到即再買

超愛的芝士味魷魚絲，每次都慳住唔捨得食，因為超快食晒，尤其是金色這款

前面的六花亭士多啤梨朱古力是必買品，後面的兩款即管買了試試，左上角那款餅餅o岩晒家姐仔同妹妹口味，兩姐妹爭食 XDD

Lateo 這 3 樣產品又是必買品，後面的 double cheese cake 出了士多啤梨味，又買來試試吧 ! 

這款好似新出的，是什麼牌子沒有深究，只是 Ricky 試食後話好好味，買了兩盒，其實味道就似雪冰了的淡 cheese cake (下層) 加雜莓雪芭

買了一堆 Royce 朱古力送禮自用

雪人造型朱古力，送禮做手信之選

買了一盒 set 裝及兩盒獨立包裝的茶送給 Ricky 的朋友，因為這款白桃烏龍我和 Ricky 都覺得好好飲，好香白桃味 ( 我地每年新年煎糕都會沖來飲的 )，所以買來送禮

前面那兩盒餅仔買來俾女食，兩隻又爭食爭到嘈之巴閉 XDD

唔記得咩餅，純粹買來試吓，後來好似用了來做手信，哈哈 ~

買來給家姐仔途中吃的乾糧，不過家姐仔並不喜歡，結果帶了回來俾嫲嫲食

家姐仔話買俾妹妹的手信喎