2017年12月14日 星期四

妹妹出世了

  8‧122017  

     妹妹的預產期是 14/12 (私家) 17/12 (政府),由於私家醫生特意寫遲少少我的預產期在 21/12,所以我的產假由 7/12 開始,變相就是前一後九了

     初時都沒想太多、亦沒有刻意去計這些產假應何時放,反正遞產假信時細 B 只是 5 個月大,但當細 B 接近 8個月大時,就明顯覺得比起陀家姐仔時疲倦和吃力 ( Ricky 說我年紀大了嘛 ! 簡直想找死 !! ),而周圍的朋友同事都說我個肚陀得好低 (11 月初),係咪就生得 ? 亦眼見有兩個朋友陀第二胎時會早產 (一兩個月),所以我都開始擔心細 B 會早出世,加上我個產假又推遲了呢 ! 唯有不斷叮囑細 B 唔好咁快出來住,起碼等我同家姐仔去埋個迪迪尼先啦 ! (我不是怕蝕了門票,而是想放假陪到家姐仔去周圍玩吓先)

     結果在產假的第一去完迪迪尼後,第二日就出世,而且由陣痛開始,前後只用了 2 個半小時就出世了,細 B 好乖好聽話呀 ! XDD



8/12 ~ 出世當天已經狂食手指 ^^"


9/12


10/12 ~ 出院回家後,家姐仔抱妹妹,不過家姐仔其實好緊張,成個人硬晒唔敢郁 XDD


家姐(左)和妹妹(右)細個時同個餅印,哈哈 ! 


12/12 ~ 近照

     這次陀 B 沒上次感受這麼深,可能是要 (間中兼顧埋照顧家姐仔,所以沒什麼時間去多想,不過一樣在頭 3 個月超級辛苦,同樣是又暈又嘔又食唔到嘢,一樣向公司請了 3 個多月的 no pay leave 休息,只是在飲食放肆了很多 :P 

     唯一不同的是,陀 B 期間總覺得少了時間陪家姐仔、虧欠了她,但有時又不自覺地向她發了脾氣,罵了她後又極度內疚,如是者情緒變得比較反複。到現在妹妹出世即使回到家,家姐仔因為繼續在嫲嫲家照顧和不打擾我和妹妹休息,所以都不是每天過來變相我又特別掛住家姐仔和容易哭,希望快點坐完月,可以過嫲嫲家多點陪家姐仔啦 ! 



26 則留言:

  1. 恭喜! 恭喜! 第二個一定會分薄第一個,好難做到兩全其美,希望家姐仔大D會明白

    回覆刪除
    回覆
    1. 家姐仔都冇咩大扭計,係有少少爭寵,日日過嚟我呢邊屋企要喺呢邊沖涼、玩、瞓覺 (以前叫都唔過,要喺嫲嫲果邊瞓的),瞓醒都要攬實我唔俾我望阿妹(阿妹開始喊)
      其實係我自己心理上覺得虧欠了家姐啫,尤其是不自覺地鬧咗佢之後又好內疚 >.<

      刪除
  2. 恭喜,恭喜!!!!
    兩姊妹真係好似樣。

    回覆刪除
    回覆
    1. 多謝 ~
      兩個直情一個餅印咁,好搞笑 !

      刪除
  3. 恭喜恭喜!你大肚都唔知添...haha

    回覆刪除
    回覆
    1. 多謝 ~
      今次大肚都冇刻意公佈同記錄,因為忙又冇之前咁深感受,唔覺唔覺已經到出世了,所以一次過記錄番就算了 :P

      刪除
  4. 恭喜!我第一胎是2個半鐘生,如果生下一件都唔知點算了,真是驚的士度生呀。
    有無請陪月同工人幫手?要老人家一帶二都幾辛苦(口講唔辛苦)

    回覆刪除
    回覆
    1. 多謝 ~
      你又真係生得好快呀,第二個應該仲快 !! 不過幾時呢 ? 唔好等喇,快快搞掂佢收工,哈哈 ~
      無請陪月同工人呀,朝早同夜晚嫲嫲煮飯俾我,有時就爸爸幫手睇住家姐咁囉。唔會要嫲嫲一帶二嘅,妹妹喺我屋企由我湊、家姐喺嫲嫲果邊,不過呢排家姐爭寵,日日過嚟要黏住我,所以其實間中係我一帶二就真

      刪除
    2. 放完產假點安排? 家姐番full day幼稚園等嫲嫲全力湊細?
      好佩服產假後要番工,唔請工人但放工要湊兩個! 工作量唔係雙倍而係sqaure咁上呀
      我有位認識很久的blog友,佢第一個係請本地姨姨湊日頭,
      佢已經話辛苦,因放工後湊仔又做家務,不過都頂得住,
      到生第二個,頂唔順,請工人幫拖

      刪除
    3. 我返工時,妹妹打算係返育嬰園的,爸爸始終都係唔想請工人

      刪除
    4. 育嬰園聽聞未出世已經要排?! 排到嗎?

      刪除
    5. 我喺育嬰園度做的,已經同校長講過吓,但始終帶仔女返工作地點,總係會有啲唔方便的 …… 而家唔諗咁多住了,因為如果真係返育嬰園都係 3 月頭嘅事

      刪除
    6. 喺育嬰園度做! 近水樓台 wo! 其實即係等於小學如果係職員仔女都會去番果度讀咋嘛,唔會唔方便丫

      刪除
    7. 正常嚟講,自己唔可以教返自己小朋友果班㗎,俾啲難「哽」嘅班別你教的機會亦大咗,而且背後總會有閒言閒語的,唯有聽唔到當唔知囉 !

      刪除
  5. 恭喜恭喜!

    新年快樂!

    回覆刪除
    回覆
    1. 多謝 !
      我都有睇你個韓國遊記的,最吸引嘅係啲食物,可惜係要自駕先去到

      刪除
  6. 恭喜晒!話咁快又一個, good job XD

    回覆刪除
    回覆
    1. 多謝呀 ~
      年紀唔細,快快脆脆搞掂佢收工啦 ! XDDD

      刪除
  7. 恭喜晒啊!!! 咁耐無嚟家姐原來大個左咁多!!

    回覆刪除
    回覆
    1. 多謝 ! 係呀,小朋友大得太快 ~
      你個 blog 都好耐冇更新了,愉懶呀 ? :P

      刪除