坐在巴士裡望著窗外驟晴驟霧的天氣，直至到天狗平附近才穩定下來，窗外天色突然一片光明 …
… 在巴士上看到山坡旁有一層厚厚的雲層 … 那是傳說中的雲海嗎 ? 剛才撘巴士上山穿過的那層濃霧，是不是就是這層雲海呢 ? 算我孤陋寡聞，因為我從未見過雲海，只是從 blog 友提供的官網中看過，知道北海道和立山都有雲海 
無論那是否雲海，看見湛藍晴天的一刻，感激的感覺由然而生，這是繼高山祭之後，第二次感恩 ……
在弥陀ヶ原巴士站下車
弥陀ヶ原只有兩間酒店，這間弥陀ヶ原ホテル位置和景觀都比較好，應該看到雲海的，當然價錢相對較貴，￥19950 @ 起 …… 所以我們不是住這間，但可以照樣到它的大堂搞搞震 ( 蓋印章和逛紀念品店 )，哈哈 !
呀 ~ 還有不可錯過到它的和食堂「大日」吃午餐，新鮮好味，而且以酒店餐廳的價錢真的不算貴呢 ! 
弥陀ヶ原ホテル
能倚著這個大玻璃、看著風景吃午餐，不用吃都飽啦
窗外還可以看到剛才那層雲海的一角
↑↓ 我們早上 6 時多吃過早餐，直至現在 1:45pm 才吃午餐，其實大家都餓得要死，所以 Ricky 說要吃豐富些 ( 講到佢好似冇啖好食咁 ! 哈哈 ~ )，我的雲海丼定食 (海鮮壽司飯) 和 Ricky 的咖哩炸豬扒定食 ~ ￥1600 @
吃完午餐，先到我們的酒店 ~ 天望立山莊 check in，然後便可以進行我們最期待的活動 ~ 散策了 !
房間細小不緊要，最緊要平 ! 和室 ￥10500 @
房間望出去的景觀，比想像中好得多的了
放下行李，Ready ~ GO ! 我們見時間許可，選了最遠的那條散策路線： A → B → C → D → E → F → G ~ 全程 2 小時 ( 地圖上的預算時間，原來已計算大家的拍照時間在內，真體貼
)
散策沿途景色 …… 好舒服 ~ ( 照片用了兩部相機，所以有色差 )
回望來時路 ~ 遊步道
步往天空之路 ?
全景
看到我們的旅館了
到達終點
接近黃昏，溫度開始下降，我們先回旅館拿羽絨外套 ( 晚上溫度只有 2 ℃)，才到室外影日落，直至太陽完全被淹沒，我們才震顫顫地回去吃晚餐
Ricky 先預約明天上室堂的巴士班次
↑↓ 旅館四周都有雷鳥的剪影
食堂 ~ 我們旁邊那桌是外國遊客，旅館主人安排我們坐在附近，是為了懂得英語的女兒方便照顧和講解
310 ~ 一個熟悉的號碼，我工作房間的房號，嘻嘻 !
食物比想像中豐富呢 !
八爪魚好味，爽口彈牙，Ricky 那兩片都給我吃掉了
居然有洋式製法的豚肉，Yummy ~
吃飽休息一會，便是浸溫泉時間了
今晚是農曆十五，所以月亮好光、好圓
居然忘記了 post 戰利品 …… ( 1/2/12 補 )
今天只買了 3 件紀念品
全部都是雷鳥呢 ! 
哈哈. . . 天望都唔錯噃. 重系唔系用fax 訂房?? 我miss 咗個日落 T_T 好在有你. 哈哈哈 THX ^ ^ 立山,同富山我都食到好正嘅海鮮, 好似話系因為近日本海, 所以仲正過築地. . . 嘿 ^O^
回覆刪除[版主回覆01/30/2012 23:38:32]係要睇勻晒咁多個曾經去過立山既 blog 呀，因為各有不同得著的 ^^
[lan lan回覆01/30/2012 14:38:52]多謝CK...haha^^...有機會去立山...一定睇你同小肥
[版主回覆01/29/2012 16:56:23]天望係o係佢既官網搵到個 e-mail，send mail 去 book 的。睇日落就梗係睇 lan lan 既米島咸蛋黃啦，又大又圓，近到好似垂手可得咁 ! 我諗住立山咁高唔會有好野食架，初時仲驚會冇啖好食，打算帶定杯麵添 ! 哈哈 ~
八爪魚刺身係我至愛!! 我上2次都係住呢間, 晚餐都OK啦, 好飽好多野食!! 係呢度健行真係好鬼舒服, 景色又靚!!! 啲木步道換過嚟喎, 我上次去已經啲木好多已經爛爛地, 有啲斷埋, 今次呢啲好靚好新淨!!
回覆刪除[版主回覆01/29/2012 17:08:36]我唔食魚生架，怕淋 pet pet 既感覺，所以只會食八爪魚同螺等呢o的爽口既刺身。呢間真係比想像中好，因為我見旅遊書圖片，以為要訓「碌架床」，有o的擔心，後來見到有和室即 book。o係遊步道行山感覺真係好正，視野一望無際，好廣闊，仲望到對面o的山添，可以感受到天地之大呢 ! 呢度散策舒服過室堂，全部平路嘛 ! 室堂就震撼o的囉 !
今日大年初七 , 人日.....眾人生日 , 值得開心日子 ^^
回覆刪除我地祝你 , 龍年事事順利, 揾多 d , 賺多 d ....最緊要身體健康 , 與屋企人甜甜密密 *^ο^* 哦～
[電占 豆豆 幸の旅日 World ^^回覆01/29/2012 18:53:48]係呀! 呢 d 係最重要嘅事,成日會忽略....就算冇咩目標,一家人出下街都好,睇完紅花坂上的海都會 feel到
[版主回覆01/29/2012 17:15:08]係喎 ~ 咁祝你地一家四口都生日快樂呀 ! 好認同「最緊要身體健康」，有健康就凡事可成真^^ 忽然覺得，o係農曆新年先o係一家人最親密、有最多時間相處的日子，平日各有各忙，大時大節先有時間一齊玩呢。
我都鍾意散策..舒服，係香港好日都唔會行山
回覆刪除[版主回覆01/30/2012 23:44:40]呢度散策舒服過室堂，因為係平原，好行好多 ! 係香港真係冇乜幾可行山……其實我為左今次行雄山 ( 書話來回 4 hrs )，o係炎夏既9 月中特登去行過一次水塘，由香港仔行到灣仔的 ( 2hrs )。
餓鬼の田嗰個倒影好靚仔呀!
回覆刪除[版主回覆02/01/2012 16:46:03]果o的影慣靚相既專業人仕，總會發掘到一o的平時我地唔會留意既角度及細微之處去影的，尤其是一堆人 set 晒腳架既時候，行埋去睇睇可能會有得著，香港公園都唔少架 ! 我只係覺得o的水氹好得意，蹲o係步道上欣賞左好耐 …… 所以就影左一堆枯草相片o勒，哈 ~
[和豚媽媽回覆02/01/2012 15:05:30]我就超鐘意個倒影！好恨影到！無奈天氣太惡劣囉＞＜＂
[路過蜻蜓回覆02/01/2012 12:23:41]講開呢幾個水氹, 上次去既時候, 好多日本人放晒腳架係度影, 有啲仲要烏低晒身(差唔多瞓係條木道上)影水氹, 好奇走理去睇佢地影咩野, 原來只係為左影水氹內山既倒影...
[版主回覆01/31/2012 21:33:56]倒影 ? 你講黑蚊蚊果張 ? 唔知點解，之前見蜻蜓o的相時已經好鍾意呢o的一撻撻既餓鬼の田，Ricky 就話「水」之嘛，有幾靚 ?
日本人真係好鬼體貼! 成個散策地圖都好清楚! 連A,B,C位都MARK等咁清楚俾我地呢D路痴! 一定唔會走失呀~
回覆刪除[版主回覆01/31/2012 21:50:20]雖然日本o的地圖好清楚，仲好靚添 ! 但一日未去到，都擔心會唔會行錯路、來回的時間控唔控制得到咁。但行過之後，先發覺佢預果o的時間真係超準確，好似今次又坐又玩咁影埋相散策先係 2 hrs，時間預計得到就玩得更放心啦 !
弥陀ヶ原好好天, 我就遇到大霧, 喺巴士上連酒店都睇唔到, 好鍾意散策d步道.
回覆刪除[版主回覆02/01/2012 17:26:23]o係美女平撘巴士上弥陀ヶ原途中都好大霧的，所以一到天狗平見到晴天時，好有「撥開雲霧見青天」的感覺 …… 我都好鍾意果條遊步道呀，可能係木製既關係，能夠o係融合大自然之中
恭喜你終鼓起勇氣往立山黑部了，還遇上好天氣！當年我就與你們相反；午餐在天望立山莊，住彌陀之原酒店。
回覆刪除[版主回覆02/02/2012 23:54:07]你話終於 … 哈哈，你都睇到我係掙紮左好多年、無限次先敢挑戰自己的彩數吧 ? 我第一次睇立山既 blog 係 2008 年 …… 如果o的￥唔係對 10.16 咁貴，我都想住弥陀ヶ原ホテル架，但貴成咁，我直情諗過不如紮營添呀 ! 哈哈哈……
真係幾好天氣喎.....景色靚過我去時好多~~
回覆刪除[版主回覆02/03/2012 18:49:46]解決到一部份問題啦，始終對部相機唔熟，何況而家去完旅行更加少影相添 :p …… 另外，你返左黎，輪到我地等睇你o的靚相呢 !
[Bondy回覆02/03/2012 14:15:05]咁都算好彩.....起碼都解決到個問題~~^^
[版主回覆02/03/2012 00:00:11]除左天氣，原來相機既影響都好大，因為眼見o的景色好靚，但 G10 總係影唔到所見既色彩，係 Ricky 去到弥陀ヶ原先識得調較返個相機，所以之前o係称名滝真係影到好氣餒 ……
超讚呀，好詳細嘅立山之行，我哋上次去就趕頭趕命，大半日搞掂，希望有機會再去過~~~
回覆刪除[版主回覆02/04/2012 12:21:45]我係睇完旅遊書，覺得其實立山有唔少地方值得行下，加上交通費咁貴，上到去更係玩盡先走啦，因為都唔打算再去架喇，所以先 plan 三日兩夜o係立山。