Day 4 ( Part Ⅰ:宇奈月 → 鐘釣 → 櫸平) 10-10-2011 (Mon ~ 13℃ - 22℃)
6:30am 開出的列車
剛日出不久,哈哈 !
到達JR 滑川後我們擺了個大烏龍,因為轉車時間只有 3 分鐘,一下車就立即問職員電鉄滑川駅的位置 ? 就在隧道對面,但我們一過到對面竟然看不見滑川駅(因駅名背著隧道出口的),好自然地一出隧道口就轉左直行,行了兩三條街,發覺不對路,返轉頭才發現原來滑川駅就在隧道的出口,兩個懵丙差點就趕不及撘車了 ~
↑↓ 你睇下我地行左幾遠 ! 但方圓百里都唔似有車站喎 !? 所以急急叫停前面果位懵丙一號
駛往宇奈月的電鉄來了 !
到達宇奈月溫泉駅(不過沒拍照 ),行前一點往撘黑部峽谷鉄道,正式展開我們的小火車之旅了 ~
黑部峽谷資料:
黑部峽谷是由北阿爾卑斯立山連峰、後立山連峰包夾黑部川形成的峽谷,也是日本最大最深的峽谷,長86公里、標高差3000公尺,深廣的V字形峽直達日本海。
位於富山縣東部的黑部峽谷是夾在立山連峰和後立山連峰之間的日本最深的 V 字形峽谷。乘坐黑部峽谷鐵路的緩慢行駛的電車可以欣賞從宇奈月溫泉車站到櫸平車站之間的峽谷美景。行程約 1 小時 20 分鐘,全長 20.1 公里的路途上有 41 個隧道和 25 座橋梁。其中的後曳橋長 55 米,高高架在高 56 米的峽谷最深處,這裏是整段路程最具代表性的景點。
宇奈月駅 ~
到達宇奈月溫泉駅(不過沒拍照 ),行前一點往撘黑部峽谷鉄道,正式展開我們的小火車之旅了 ~
黑部峽谷資料:
黑部峽谷是由北阿爾卑斯立山連峰、後立山連峰包夾黑部川形成的峽谷,也是日本最大最深的峽谷,長86公里、標高差3000公尺,深廣的V字形峽直達日本海。
位於富山縣東部的黑部峽谷是夾在立山連峰和後立山連峰之間的日本最深的 V 字形峽谷。乘坐黑部峽谷鐵路的緩慢行駛的電車可以欣賞從宇奈月溫泉車站到櫸平車站之間的峽谷美景。行程約 1 小時 20 分鐘,全長 20.1 公里的路途上有 41 個隧道和 25 座橋梁。其中的後曳橋長 55 米,高高架在高 56 米的峽谷最深處,這裏是整段路程最具代表性的景點。
宇奈月駅 ~
小火車四卡不同的列車,價錢不同,我們撘普通車好了,夠原始,可以近距離欣賞景色嘛 !
入閘處 ~ 不過這張相是回程後影的,因早上的人龍龍尾遠得見唔到閘口 !!
小火車 ~ 果然好細小 (當日陽光猛烈,未調節好相機的光暗,所以部份相片都爆光了)
上車不久,會有工作人員替乘客拍攝紀念照,可於回程時在宇奈月站外選擇購買,但可能我們太遲回來,找不到我們的照片,不過沒所謂吧,因之前已請職員順便替我們拍了合照
當小火車要出發時,所有工作人員不論位在月台何方,都會馬上停下手邊的工作,微笑著向坐在小火車內的遊客鞠躬和揮手道別,預祝大家一路平安 !
小火車起程不久,通過第一座橋「新山彥橋」,這是沿線最長、最傾斜的橋,火車的隆隆聲甚至會回響到溫泉街上,因此才有「山彥」(日文意為回聲)之名
山彥橋 ~ 後面較淺色那座
仏石
新柳河原發電所
在山谷間不時會看見這種小吊橋,原來是猴子專用的吊橋
後曳橋 ~ 長 55 米,高高架在高 56 米的峽谷最深處,是整段路程最具代表性的景點。
穿過後曳橋不久,向遠望去會看見翠綠的河流,好漂亮呢 !
鐘釣駅 ~
↑↓ 一落車,忍不住要一影再影這碧綠的河水
橫過對面,先看看兩間迷你的紀念品店
好喜歡這些木牌呀 !! 買了個鐘釣大的木牌溫度計 ( 不過後來在立山又買了一個,結果鐘釣這個就送了給弟弟 )
萬年雪展望台 ~
這裡原本是有一塊長年不會溶解的積雪的,但隨著氣候變得越來越暖而終於溶化了 ……
河原露天風呂 ~
今天的重點行程,沿著這條又長又斜、迂迴曲折的樓梯走下去,就到達我期盼已久的露天風呂。當然,這個風呂超級露天,我的目的只是泡腳,基本上是沒有人會在這裡泡湯(脫光那種) 的 ……
到了到了 ! 就是這個露天風呂,就是太過露天,已沒有人泡湯,所以近年連簡陋的更衣處 ( 帳蓬 ) 也省掉 ! 哈哈 !
↑↓ 溫泉倚著黑部川河灘而建,附近的任何一個地方都可以挖出溫泉,就地便可挖造一個自己專用的臨時溫泉,哈哈 !
不防礙背後的兩父子泡湯,我泡泡腳好了
…… 偏偏有個傻佬突然興致大發,說山長水遠一場來到,要來一個終極一脫 !
Oh ~ no ! 嚇得那兩父子走左 ……
但「傻」呢回事原來真係會傳染的 ! 剛才隨我們之後來的一班 5、6 個遊人大叔,竟學 Ricky 般脫光泡湯 …… 當然,我們泡夠了,也不阻礙大叔們泡湯,便離開往下一站
從鍾釣溫泉旅館望入去的食事處,環境不錯,有興趣的話不防入去吃個午餐,相信又是另一種享受
鍾釣三尊像
撘火車往下一站 ~ 櫸平
櫸平駅 ~
黑部鉄道的終點站,適逢今天宇奈月駅有 40 周年紀念活動,亦是日本的三連休假期,所以駅的內內外外都超多人呢 ! 我們先到各景點逛逛,稍後才回來吃午餐
奧鐘橋 ~
從奧橋望下去的景色
人喰岩 ~
穿過人喰岩一直再行約 15 mins,沿途穿過一個又一個的山洞,到名劍溫泉逛逛 …… 對的 ! 是「逛」不是「浸」,因為今次的旅程會浸很多的溫泉,所以不浸了,但名劍溫泉是日本秘湯協會會員,所以順道看看吧 !
↑↓ 落石注意,還提供頭盔
↑↓ 落石注意,還提供頭盔
穿越時光隧道 feel
名劍溫泉 ~
一個活潑孩子不停的向我們揮手
我們沒浸,但影了門外溫泉的圖片 ( 秋天景色 )
本來有想過在這裡吃午餐的,但價錢頗貴,還是回櫸平才吃吧 !
河原展望台 ~
我們沒時間往猿飛峽了,拍張貓頭鷹的照片留念吧 !
河原展望台向上望可看到奧鐘橋,還有個足湯,但超多人
沿著河流行前一點點,景色好漂亮,好舒服呢 ~
看夠了,肚子開始抗議遲遲未有照顧它,於是回到櫸平駅找吃的,石碑下的座位已坐滿了人,我們找了張駅旁的長椅坐下,看著山景吃午餐
天婦羅蝦 Soba & Udon
吃飽便要撘小火車回程了,快速的逛了一轉紀念品店,便要上車,下一站 ~ 黑薙駅
這些木製的煲底墊都好想買,可是又覺得太細塊了
沿途景色也美不勝收
這麼趕,是要到另一個秘湯 …… 這次我會和 Ricky 一起「顛」,嘿嘿嘿 ……
待續 ……
這天行程不錯呀, 又有小火車, 又終極一浸, 又有觀光, 又有秘湯(浸埋嘛), 不過我知時間可能有限, Ricky那終極一脫是否全脫先:P, 大露天之下有勇氣全脫就要比個like佢喇....haha....
回覆刪除[版主回覆01/02/2012 19:30:10]今日又係朝 5 晚 9 咁,好充實的一天,哈哈 ~ 佢 … 係全脫果隻 … 影相先拎條面巾遮一遮咋 ! 我先唔制 !! 呢度開揚成咁,拍得住下呂果個露天風呂呀,連更衣處都冇個,我起碼都要披番件毛巾先啦 ! 所以都係下一個溫泉先浸啦 !
哈哈哈~ Ricky今次冇心理準備下終極一脫,應該嚇你一跳吧!勁...
回覆刪除[版主回覆01/02/2012 22:26:19]Bingo ! ^0^
[和豚媽媽回覆01/02/2012 22:10:25]下一個係唔係即係黑薙温泉呀 ^ ^
[版主回覆01/02/2012 19:31:36]我就唔驚呀,係怕佢嚇親人o者 …… wa kaka ……
Σ(☉▽☉"a . . . RICKY SAN . . . *^.^* 勁!!! LIKE !!! ≧◇≦ *\(^_^)/* . . . 真系好天到爆 ^O^
回覆刪除[版主回覆01/02/2012 21:38:14]我話佢唔知醜就真 …… 哈哈 ~ 係呀 ! 好天到「爆光」: P
嘩.....好勁喎........
回覆刪除玩晒成個宇奈月喎.........
[版主回覆01/02/2012 22:22:58]所以咪日日都天未光就要起身囉 ! 都話去旅行一向辛苦過返工的,不過開心好多囉 ! ^^
哈哈, 終極一脫, 大解放喎!! 高山蘋果汁的確好好味!! 呢轉小火車玩得好盡興!!
回覆刪除[版主回覆01/03/2012 22:32:35]哈哈 ! 一去旅行就 higt 晒,咩都夠膽做架喇 ! 高山蘋果汁上次買過一罐仔覺得好飲,今次索性買一大支囉 !! 仲可以斟定一小樽出街飲添 !
宇奈月呢邊原來咁多地方玩,其待Part II~~~
回覆刪除[版主回覆01/03/2012 22:36:48]宇奈月雖然都覺得商業化左少少,但有山有水,景色都唔錯,而且景點都算多呢 !
河水靚...溫泉正...最鍾意野湯..Ricky 好嘢!
回覆刪除[版主回覆01/03/2012 22:38:13]河水靚...溫泉正...哈哈,好押韻喎 ~ Ricky … 唉,失禮晒 :p
我都係一向覺得去旅行仲辛苦過返工,一日行嘅路响香港一個星期行嘅都未必有咁多,又試過一次因為要搭6點幾班火車,天未光5點就要起身,連酒店供應嘅早餐都食唔到。雖然係有D辛苦,但辛苦得嚟好開心、好enjoy囉...
回覆刪除[版主回覆01/03/2012 22:49:53]「為撘早車要早起」呢o的事去日本旅行真係日日都會發生,加上秋冬季早天黑,梗係想早o的出發玩多o的啦,而且日本好多景點都係收 4pm 架 ! 所以一去日本就能夠發揮小宇宙,有時玩足十幾廿個鐘架 ! 哈哈 ! 記得我有一次好開心咁同 Ricky 講「聽日可以訓晏o的呀 !」佢都好期待咁:問幾點呀 ? 我話 6:45am 囉 …… 哈哈哈 ……
RICKY 正呀 XDDDD, 花先生一定唔得..HAHA~
回覆刪除你地呢日是否搭第一班小火車, 回程又幾點走? 我PLAN緊呢度唔知駛唔駛要一天時間
[版主回覆01/04/2012 23:34:06]佢有時好細膽,有時突然又好勇架 ! 果日我地係搭第一班小火車架,約 8:10am 、回程撘尾二果班,約 3:50pm 回宇奈月,站站去就玩左 8 個鐘左右啦 !
這裡真的超級美啊!好掛住日本呀!今年我都會去一次,不過未諗到去邊度好,你這裡也很值得考慮呢!
回覆刪除[小恩子回覆01/05/2012 11:18:44]係啦, 個新界面好差, 朋友出post都不會通知, 害我找不回朋友或追不到post, 不過總算找回你了, 今年暫定去日本, 未訂月份同地點, 返新工唔知請假如何, 不過十一月去歐洲的還在寫緊, 我會先完成先, 到時再post日本^^ 我們和你們一樣都喜歡郊外, 不過如果時間許可真想到北海道呢!
[版主回覆01/04/2012 23:17:15]好耐冇見喇 ~ 自從 yahoo upgrade 之後,因為冇左分類及頁數,我都搵唔返o的 blog 友呀,要佢地留言先見到 >.< 妳今年會去 ? 咩月份呀 ? 呢度都唔錯的,喜歡郊外既應該都會有興趣,其實日本中部都有幾多地方值得去的 …… 你去旅行,我都好期待 ( 睇靚相 ) 架 ! ^^
景色勁靚呀! D河水既顏色靚到好似寶石咁, 係咪假架? 黎到呢度, 好似吸收緊好多D正能量咁!
回覆刪除[版主回覆01/06/2012 21:35:15]我都係最喜歡宇奈月 d 河水呀 ! 在小火車上見到已經覺得好靚,不停咁影,點知原來就o係鐘釣駅 (河川上面) 落車喎 ! ^^ 所以一落車就倚住欄杆再影 ! ^0^