在下呂匆匆的離開,是為了趕撘 2:01pm 往高山的 JR (只需 ¥950),如果按原定計劃撘 2:24pm 的班次便要 ¥1580 的了,幸好趕得及,又慳到 ¥630@ 了
到站後一見到「高山」這個名字,內心已經很雀躍 ! 可能上次留下了美好的回憶,對高山這個小鄉鎮印象不錯,只不過想不到事隔一年半又回來了
最初打算來高山,是為了那盞令我念念不忘的兔兔燈,所以只預了半日在高山便夠了。在我打算訂回上次住的那間 ALPINA 時,見到房價由 ¥7800 變成 ¥12000,還以為真的通漲得這麼厲害呢 ! 後來才知道原來碰巧是高山祭的關係,但知道也是沒辦法,既定好的行程實在不能再改動了,否則便會影響之後上立山的行程 …… 後來又由於機票的突然改動,星期六的機票已 full,唯有提前一天在星期五出發,在這機緣巧合下,高山的行程由最初的半日加到 1 日半,突如其來的我們可以參加這個盛大的祭典,居然令我第一次產生感恩的感覺 ……
我們先到旅館 check in,然後才往上三之町 shopping。由於高山祭期間的住宿既緊張又昂貴,一般都要 ¥12000 或以上,所以我們也改了住宿好幾次,後來終於找到這間離高山駅步程約 10 分鐘的清兵衛旅館 ( 素泊 ¥ 8400 ),旅館有點似民宿,招呼我們的是一位只會說日語的婆婆
Ricky 在大堂處登記後,婆婆帶我們逛旅館一圈,因為洗手間和浴室都是共用的,所以先介紹浴室和食事處的位置,便領我們上房間了
古董按摩椅
我們的房間對正洗手間,超方便呢 !
經過小小的玄關便是我們的房間,雖然房間細細,但是在沒有要求下,感覺良好,哈 !
旅館牆上貼滿高山祭的山車海報
安頓好行李之後,便出發往『うさぎ舎』找兔兔燈了,一入到店鋪,又是眼花瞭亂 … 第一時間找兔兔燈,望望價錢 ~ ¥8400,比想像中便宜,但行了一圈又一圈,居然不知買些什麼好 ! 因為今天才第二天,怕買了後怎樣拿著完成整個旅程呢 ? 而且之後還要上立山 …… 唯有先影下相,明天才決定吧 !
逛完兔子店再到其他店鋪逛一逛先,順便清醒一下頭腦 ……
買了罐 momo 果汁飲
↑↓ 天色開始轉暗,街道旁的燈光徐徐亮起;抬頭一望,發覺天空很美 ……
一出匠館,天色更美了
沿上三之町前前後後的街道閒逛,今天沒有特定要吃些什麼,所以順便找尋晚餐的地點,入夜後,氣溫明顯下降了,我穿了外套仍覺得冷
逛到一番街附近,就在這間有高山手長足長像標誌的食店吃晚餐吧 !
吃飽後,身體暖和了一點點,到小型超市買了黃金桃和柿子作飯後果之後,便回旅館休息了。就在這時,Ricky 又大叫「你睇下果隻咩黎既 !?」循 Ricky 的眼光方向望過去 … 咦 ! 那不是一隻飛驒寶寶嗎 !? 為什麼在晚上會有隻飛驒寶寶的 !? 是不是萬聖節的關係呢 ?? 見有小朋友過去合照,我們便走過去影埋一份啦 !
↑↓ 今天的 … 不過沒有影『うさぎ舎』的戰利品
清兵衛旅館都OK喎, 間房感覺都好舒服吖, 瞓呢D好好瞓呢, 我欣賞呢類平平的日式旅館,
回覆刪除嘩! 有會行會走的真人版寶寶呀, 羨慕死我, 我又要影 )))
[紅米奇回覆12/02/2011 10:20:36]我唔怕屈質架, 感覺勝於一齊, 不過可能好多人介意無獨立廁所唔方便, 但一晚半晚我就無所謂, 上次住白川鄉大田屋都無獨立廁所, 我又ok喎, 所以間中住下呢類住宿都唔錯
[版主回覆12/01/2011 23:12:50]細房有細房既好,伸手就拎到想要既野,唔洗行黎行去,講白o的講係「屈則」慣囉,哈哈 ! 我都唔明點解會有咁大隻寶寶周圍走,而且仲要係夜晚喎,真詭異 ……
嘩, 我都未見過飛驒寶寶真人版喎, 但係點解咁靜佢仲周街走?? 啲兔仔精品好可愛!!!
回覆刪除[版主回覆12/02/2011 13:26:33]唔知呢,但見飛驒寶寶旁邊果位姐姐既裝束,我估係因為 Halloween,或者開完 party o卦 ? 因為平時就算有呢o的人形公仔都係o係下午既時候多的。我對兔仔精品好難忍手,今次算叻,買得唔多,不過當晚冇影到相。
嘿 . . 飛驒寶寶真人版 . . .好搞嘢 . . 比我見到呢. . . 哈哈哈 ^O^ 清兵衛旅館 . . .個婆婆會唔會有D 悶呢? 我地唔識日文. . 我怕佢會擔心做得唔夠好. . . 我成日覺得 佢地太細心, 我會唔 好意思 . . .;P
回覆刪除[版主回覆12/03/2011 15:34:44]飛驒寶寶好可愛,但都幾搞笑 ! 都唔會悶既,雖然雞同鴨講,但指手劃腳溝通都冇問題的,反正我地只係素泊,本上只要話我地知廁所、房間、浴室位置已 ok 。講真,初時婆婆都有少少想講又講唔到既感覺,但後來又指下牆上高山祭的 poster、又指下o的單張咁,就知佢想話我地知明天有高山祭,之後我地影完相都有 show 張相俾佢睇,表示我地去有去睇呀 ! 跟住佢就好開心喇 ~ ^^
無落雨既高山真係好正, 無奈我兩次都是下雨天.
回覆刪除[版主回覆12/03/2011 16:00:25]希望在明年丫嘛 ! 而家就努力 plan 定下一個 trip 啦,下年去睇白色的白川鄉,仲正呀 ~ ^0^ ~ 況且,離「下年」只剩一個月咋 !
Ricky 的燒豚肉定食,睇落都好似好美味播! 兔兔店賣嘅嘢同我今年年頭去嗰陣完全唔同哂,証明佢"好好生意"啦! 我仲估盞燈要過萬添,8400算抵買呀! ^^
回覆刪除[版主回覆12/04/2011 10:04:40]講野味,其實係燒豚肉香口o的既,但我係牛魔王,所以餐餐牛都得 ! 更何況黎到高山,就梗係要食飛驒牛啦 !! 兔兔店o的擺設類的精品都轉得幾快,但餐具同罐裝果子就差唔多都係果o的,我地都以為兔兔燈起碼過萬,初時仲諗緊 budget 係 2 萬 …… 咁平既原因係因為佢唔係陶瓷,只係用再造紙製成的 …… 但我考慮左一陣,都係照買,因為最初 plan 黎高山都係為左佢,免得回來後又後悔多一次呀 !
燒豚肉我都好鍾意食,不過有得㨂就梗係食飛驒牛啦haha。你每日都買咁多嘢⋯你個喼咪要好大個?你其實可以開精品店⋯
回覆刪除[lan lan回覆12/04/2011 13:13:52]如果有日⋯有D唔留⋯開倉⋯記得諗下D朋友⋯重有BLog⋯哈哈
[版主回覆12/04/2011 11:18:50]小肥你 …… 係,我認 ……嘿嘿嘿 …… btw,你o的老人咳又番發喇,take care ~ kaka ……
[小肥回覆12/04/2011 10:48:06]咳咳咳. . 我做證人. . .呢隻CK鼠唔系購物狂. . . 系超級購物狂. . . 哈哈哈 ㄟ( ̄▽ ̄ㄟ)
[版主回覆12/04/2011 10:13:49]嘩 ~ 一個二個都係夜鬼 …… 我都係咁話,其實仲有好多野想食的,但有得揀都係以飛驒牛行先 !! 多野 !? 呢度相比起以往果o的,真係唔算多喇,你有時間的話可以睇返我之前日遊果o的戰利品,多到嚇死你同我自己……哈哈 ! 所以咪話買到有o的驚、驚拎唔到返香港,但我咁細粒,確實又係拎唔到 …… 結果咪辛晒 Ricky 囉 ~ XP 我都覺得其實係可以開精品店的,但樣樣都唔捨得賣返出去……所以都係開唔成的,哈哈哈
我地都好鍾意高山, 尤其上三之町老街, 好多食同精品手信買! 我地都買左個飛驒寶寶清酒杯!
回覆刪除[版主回覆12/04/2011 16:04:00]我都係咁話,上三之町老街好多野食同精品手信買,唔知點解,就算多人都只會覺得係熱鬧,而唔係商業化架喎,所以去左兩次都唔覺得悶……而家睇返都覺得第二張相既清酒杯好靚,唔知點解當時冇買既呢 !
間旅館雖然舊, 但感覺好正, 好舒適~ 咁多兔兔精品居然忍得住手, 勁!
回覆刪除我都好LIKE豚肉飯, 係大愛個隻添, 完全了解RICKY..食多多都唔嫌呀~
隻真人版飛驒寶寶真係好搞笑 XDDDDD
[版主回覆12/05/2011 13:54:01]其實兔兔精品都買左十件八件野,有餐具、燈、果子、布簾、月曆咁,但相比以往都係算少架喇,遲o的搵返出黎影張合照先…… o係冇期望之下,呢間旅館真係唔錯,尤其是遇上祭典期間,最緊要平 !!!
我同你一樣,去過高山一次,就戀戀不忘,所以今年又會再去。因為預多了一日在高山,所以會用D時間去下呂。然後返高山住。我上次也是遇上高山祭,在櫻花間看那些台車行進,令人很懷念呢。
回覆刪除[版主回覆02/24/2012 23:28:53]最近先寫都沒有問題的,反正寫 blog 都是為自己留下生活記錄和美麗回憶,留待他日回味……你慢慢寫啦,我等得架 !
[BB的媽咪回覆02/24/2012 23:20:18]哈哈!我好失敗架,最近先開始寫blog咋,而且由最後的寫返轉頭,所以唔知那一天才會寫到2009的旅程了!但我在櫻花下看到八川鄉的那畫面,讓我覺得貴都抵啊!
[版主回覆02/24/2012 22:58:03]我喜歡高山的古樸街道和小店,雖然現在已有很多遊客到高山玩,但出奇地並不感覺到商業化,好舒服呢 ! 而且紀念品仍然很有特色,適合我這些喜歡 shopping 的人呀 ! 哦 ? 原來你在春祭時到高山的 ? 遲些到你的 blog 看看先 !! 因為春祭的屋台巡遊路線又不同,會經過中橋,可以影到櫻花和紅色橋的美景呢 !