不過話說回來，我不大喜歡名古屋的 JR 駅，太大又唔方便，我們在自動售賣機找不到下呂的名字，左問右問下才找到買票的地方 … 但還未開門 (當時約 5:35am)，外面的人龍大概排了 10 個人左右，我唯有在 Ricky 排隊等候期間，先往附近買早餐，不過駅內大得來想買個早餐也沒有，我想是因為真的太早了，只有麥記，其他 cafe shop 和便利店都未開始營業，但麥記超多人，起碼 30 人，所以冇買 … 等到 5:45am，售票處開了，不過只開 2 個 counter，20 分鐘過去了，才前進了兩個人左右，看看時鐘已經 6:05am了，眼見還餘不夠 20 分鐘的時間便要撘車，我們都不知道應否再等下去，這時可能職員都看見售票的進度緩慢，於是便立即開多 4 個 counter，所以很快便排到我們了，買完票就衝落月台啦 ! 
或許這就是撘早車的不便，才會這麼便宜的吧 ! 
始終是大城市，地方太大、人又多，對於我這種路癡，一定會迷路的，哈哈 !
或許這就是撘早車的不便，才會這麼便宜的吧 ! 始終是大城市，地方太大、人又多，對於我這種路癡，一定會迷路的，哈哈 ! 
今天一早起了身，所以 Ricky 一上車便去找周公聚會了，而我就最喜歡坐火車，在車內做著最喜歡的事 ~ 看風景
隨著火車的前進，窗外一片片金黃色的稻田映入眼簾，之前一直說的渾沌感覺逐漸消失，一幅接一幅山明水秀的風景畫令我不禁在心中暗叫「好美」… 這時我才發覺，原來我想要的，就是這些 …… 
8:50am 到達下呂溫泉，下呂與有馬、草津合稱日本三大名泉，最初 plan 行程的時候並沒有想過來下呂溫泉的，只打算去我期待了很久的草津溫泉，但原定出發的星期六機位沒有了，唯有提前一日出發，多了一日的時間，於是上網搜索一下高山附近有沒有吸引的景點可以去，這才發現原來下呂與高山的距離不遠，於是成就了這次旅程，可以去齊這三大名泉了，算是 bonus 吧 !
根據資料顯示，下呂溫泉的泉質屬於單純的鹼性泉水，無色無味，優良的泉質相當溫和，能包裹著肌膚，使皮膚具有如絲綢般柔滑之感，具有養顏潤膚之效，因此下呂溫泉又有「美人湯」之稱。一場來到，當然要試試啦 !
一出下呂駅右邊就看見觀光協會，快快的買了「湯めぐり手形」，￥1200 可以自選三間加盟的溫泉旅館浸日歸溫泉，因為時間關系我們只夠時間浸兩間，不過沒有所謂吧，湯めぐり手形可以留來做紀念，已覺得值回票價了 
買了手形就到對面的巴士站撘 9:00am 的市內巴士到我們的第一站 ~ いでゆ朝市
最初還擔心只有 10 mins 的轉車時間，夠不夠時間到觀光協會買湯めぐり手形，因不知觀光協會和車站的距離和開放時間，原來就在旁邊，真好呀 !
這塊湯めぐり手形其實也挺厚的
就是撘這架前往「下呂交流館」的巴士，到「いでゆ朝市前」下車
いでゆ朝市 ~ 每年 4-11 月的上午開放
朝市細細，賣的都是當地的新鮮農產品和簡樸的手工藝品
逛完朝市，便前往浸我們的第一個日歸溫泉，我們選了這間水鳳園，除了看過它的網頁覺得不錯之外，最主要的是它的位置就在いでゆ朝市的馬路對面，正切合我們的行程，超方便呢 !
水鳳園 ~
這是水鳳園的泊車場，我們在左邊的正門入口進入
下呂溫泉遍佈足湯，我們沒有特意去找，有興趣的話可以逐一去試勻，應該也不錯的呢 ! 這是水鳳園前的下留磨の足湯
↑↓ 穿過重重的長廊便到達大堂，水鳳園的佈置清雅，和風味甚濃，尤其是那張紫色的櫻花地毯，好漂亮呢 !
好可愛的一對公公婆婆
↑↓ 展望露天風呂的男湯「殿の湯」和女湯「姬の湯」，兩邊都沒有人浸，我們各自包場，正 ! 而且在這裡看見了這個旅程的第一片紅葉 ……
泡完湯熱呼呼的，便行回朝市旁的近道，往下呂溫泉合掌村的方向走 …… 但我們的目的地不是合掌村，而是再往山路上行約 20 分鐘的繩文公園
因為已去過真正的合掌村落白川鄉，不用去這個較商業化的合掌村了，但如果未去過白川鄉的話，倒是可以遊覽一下無妨 
秋季裡，隨處都可以見到佈滿又大又紅柿子的柿樹，這棵應該是「筆柿」
下呂溫泉合掌村入口，入園費 ~ ￥ 800
在外面影的一張紅葉 + 合掌屋照片
在山路往上行時，原來可以從外面望入村內的環境的
**************************************************
↑↓ 行到下呂交流館附近，回頭望向來時路，路旁有不少佛像；而下圖的右手邊是下呂交流館，一會兒便要來這裡撘車回下呂溫泉的；我們再往前行便會看見指示牌，指示繩文公園的方向
地上的坑渠蓋有下呂的代表物 ~ 白鷺，白露是下呂的代表物，與『白鷺傳說』有關。話說千年以前曾有一隻腳受傷的白鷺絲到此地療傷，下呂溫泉的源頭始被發現，自此『白鷺傳說』流傳至今。
沿著腳印向前行便會到達繩文橋
繩文橋的兩邊也有這些出土文物遺跡的介紹
歷史紀念館的左手邊就是繩文公園了
好漂亮的木製指示牌呢 !
繩文公園內展示著從昭和 41 年 (1966年) 以來，挖掘出的繩文時代前期的 6 所住宅、和彌生時代後期的 1 所住宅。
雖然我不知道那即是多久之前的建築物，但覺得這些茅屋模樣的居所很可愛，所以即使我是很怕讀歷史的那種人，當從旅遊書上看到繩文公園的介紹時，已很有興趣來這裡一遊，寧願放棄多浸一個日歸溫泉。只是關於這公園的資訊和交通資料不多，所以最初都很擔心步行能否到達，幸好，路途比想像中沒那麼困難。
繩文公園 ~
公園內還有現時在香港已難得一見的舊式遊樂設施
一家大小在陽光下野餐，樂也融融
綠楓
難得的好陽光，我們都坐了很久才離開，臨走時往旁邊歷史紀念館逛了圈，不過沒什麼好看，行回下呂交流館撘巴士，先撘到終站的下呂駅看看個大 o急是否仍然健在 ( 因早上的 locker full 了，所以只放在 locker 旁算數 … 哈哈 ! )，然後才往溫泉街逛逛。
往撘巴士途中又見大大個柿子的柿樹
****************************************************
橋上也有白鷺
聽聞下呂溫泉溪流旁有個非常開揚的露天風呂，但我們看不到在哪裡，可能不是在這個方向吧 ?
向溫泉街進發，沿途楊柳處處
步往溫泉街途中，Ricky 突然向我說：「你看 ! 前面好鬧呀，應該有祭典呢 !」眼光向前望去，已見祭典常見的，祭壇、燈籠和穿著鮮豔衣飾的舞者 ……
下呂例祭 ~
還有祭典必備的獅子舞，不過我們常常都影不到獅頭
頭戴白鷺帽子，難道這個祭典也是與『白鷺傳說』有關 ?
後來從網上資料得知，這個是每月都會舉行的「例祭」…… 即是，什麼呢 ? 
↑↓ 表演者圍成一個圓圈，跟隨節奏站著或彎身敲打手上的樂器
祭台上的人會向群眾灑物品 ( 一個裝著米、草餅等物品的小袋子 )，看不清是些什麼，相信是類似香港派平安包的用意一樣，有祝福的意思吧 ? 有一袋剛好掉拋在 Ricky 身上，不過接不住掉在地上，小朋友取去了，沒所謂吧，我們能參與這祭典，又是預計之外的 bonus，已經很幸運了
下呂甚具名氣的藥師像，『白鷺傳說』中的白鷺據說就是藥師的化身
剛才還派發這些清酒給民眾飲，Ricky 飲了一口受不了 但我們也留下了那個木造的清酒盛器作留念
但我們也留下了那個木造的清酒盛器作留念
看夠了，就在附近的這間「大袋」吃午餐，因為看見有下呂名物 ~ 蕃茄
↑↓ 內裡的裝飾
*********************************************
吃完午餐，打算逛一下對面溫泉街的紀念品店，然後發現了這個飛驒寶寶造型的七福神社，好可愛呢 ! 所以忍不住入去逛下
我的下呂蕃茄烏冬配飛驒牛串燒定食，烏冬酸酸甜甜的幾開胃
Ricky 的豚肉燒定食，不錯，好香口
*********************************************
吃完午餐，打算逛一下對面溫泉街的紀念品店，然後發現了這個飛驒寶寶造型的七福神社，好可愛呢 ! 所以忍不住入去逛下
↑↓ 內裡飛驒寶寶的繪馬呀 ! 我買了一塊留念 下圖這塊繪畫畫得很可愛呢 !
下圖這塊繪畫畫得很可愛呢 !
逛完神社，快快的用了 10 分鐘精品店，居然給我發現曾經在高山見到那個新娘造型的飛驒寶寶，想買的時候 (￥2630)，店員又說非賣品、又說只可幫我們拍照 … 言語不通之下，唯有算了，拍張照片便離開，因為我們還要去下呂的最後一站 ~ 浸日歸溫泉。試過兩個溫泉，下呂的「美人湯」果然名不虛傳呢 ! 一浸下水真的即時感覺到皮膚有絲滑的質感。
水明館 ~
( 圖片來自官方網站 )
水明館外的モリの足湯
浸完第二個日歸溫泉，離開下呂居然有點兒不捨，因為可能之前安排去下呂溫泉的時候，完全沒有抱任何期望，但繩文公園的悠閑、滑滑的溫泉水、意料之外的祭典，都豐富了這個臨時加插的半日行程，所以對下呂的感覺還不錯呢 !
哈哈, 剛剛先催完....係咪太嘈閉唔到關呢...繩文公園幾得意喎, 九州佐賀都有個類似既公園!! 點解你係41年前(1970年)post呢篇blog既?? 哈哈!!
回覆刪除[路過蜻蜓回覆11/26/2011 00:01:57]無喎, 我多數喺word打晒成篇野先copy落去blog度, 就算俾yahoo食左篇blog, 都仲有個底.
[版主回覆11/24/2011 22:28:00]Ricky 話今早幫我更正左個日期喎 … 又唔早講 ! 不過，我明明記得冇 set 錯架 ……不過呢，個 blog 都係真正超麻煩的，我打完o的野 save 左落草稿之後，第二日開返，o的字體既大小同顏色都唔同晒，又要再執過，激到我「啤啤聲」!!! 唔知你地有冇呢個問題既呢 ?
[路過蜻蜓回覆11/24/2011 21:59:18]應該係你啲病毒細箘太勁, 傳染埋俾個blog!! 60歲....咁你咪"童顏"ck鼠囉, 哈哈哈!!!
[版主回覆11/24/2011 20:06:32]唉 ~ 你問 Yahoo 啦，今早睇到你既留言時，以為自己真係病得咁嚴重，寫返 41 年前仍然是 18 歲 (haha) 既舊 blog 出黎，被你發現左歲月催人老既我現在已年近 60 添 … wa kaka …… 正想放工改返時，又見一切正常 …… 還是，現在的正常是我眼花 ? 其實原來真係病入膏肓 !!??
飛騨的七褔神好可愛！個個頭大大咁，好趣緻呀！
回覆刪除[版主回覆11/24/2011 20:11:38]係呀 ! 唔知點解我好鍾意呢隻無臉怪物架喎，可能因為佢個樣同姿勢似我的最愛 ck 鼠 ? 我在其他 blog 友見過下呢個神社，但冇上心，又冇問過位置o係邊，點知一過對面馬路就發現左佢地，所以真係好開心呀 ! 好似又有 bonus 咁 ! ^^
呵呵. . 排隊先打咭. . .得閒再留多幾句 ^o^
回覆刪除[小肥回覆11/28/2011 22:35:48]咳咳咳 . . . 又老又殘嗰隻肥嘢又嚟打咭 . . . 〈（＿ ＿）〉 . . 叻叻 . . . 收到
[版主回覆11/24/2011 20:18:03]好乖呀，唔得閒留言住都打左咭先，獎你睇多幾次呢篇 blog 啦，順便校對埋嘛，嘻嘻……我早兩日都有睇你果兩篇最 update 既個 blog，但病到有氣睇、冇氣力打字喇，遲o的補返，因為有感想 ^^ 日期問題，現在係咪正常返喇 ?
[小肥回覆11/24/2011 11:12:19]喂- - 你個post 個日期有問題 (01/01/1970 08:00 am) . 只有關注你嘅先睇到更新 . . .其他人會當系舊post . . . .
唔怪得有notice, 但正常途徑找不到, 原來是日子問題, 名古屋站真係太大, 明明上次都係住同一酒店, 但今次都搵唔番個出口, 要去問人.
回覆刪除[版主回覆11/24/2011 20:21:41]Yahoo short 左，應該唔係我 short 左 o卦，我應該仲有得醫的 … 哈哈 ! 我始終都係對大城市既一切冇咩好感，可能日日生活在其中，麻木左，旅行時唔希望再見到佢 !
張紫色櫻花地毯好靚呀! 我對眼發晒光了! 係下呂的朝早好似好悠閒, 好舒服的感覺!
回覆刪除[小zoo回覆11/26/2011 11:21:00]真係好靚, 唔好講少, 真係想抬返黎. HAHA
[版主回覆11/24/2011 23:05:28]紫色櫻花地毯看到我直情流緊口水…委派你下次抬佢返黎，哈哈 !
[版主回覆11/24/2011 23:03:15]可能相片所見有朝市、紅葉、青草地、溫泉，所以令人覺得悠閑，但一個早上浸兩個日歸，去埋「山卡拉」既繩文公園，加多兩個額外的 bonus ~ 祭典和七福神社，其實都有o的趕，不過趕得好開心兼滿足，學小肥話齋：賺左 ! ^^
你睇唔到超open的露天溫泉, 我就睇唔到七福神社, 七福神社都幾OK喎, 我有去的話都實會買翻個繪馬紀念, 可惜睇唔到有七福神社啦, 殘念~
回覆刪除又白又滑當然想念下呂啦^^
[版主回覆11/25/2011 14:23:50]七福神社對喜歡飛驒寶寶既我黎講好 ok 架 ^^ 佢既位置就o係紀念品店隔離。下呂既溫泉真係幾滑滑，都未試過浸完溫泉既效果係咁明顯的 !
繩文公園........都比你去到......勁.......
回覆刪除我連有呢個公園都唔知呀........
[版主回覆11/28/2011 01:00:51]「叻叻」~ 我鍾意呢句呀 ! 好有親切感 … 哈哈 …
[Bondy回覆11/27/2011 23:34:55]叻叻~~
[版主回覆11/27/2011 18:52:02]我都係在旅遊書上見到一幅比郵票大多少少既圖片，先發現繩文公園呢個地方，反正合掌村已去過，不如發掘下o的新景點，但資料唔多，只靠地圖「估」係應該可以由朝市行到過去既，去到合掌村附近再問人先肯定到方向及路程時間，所以我都覺得勁呀 ! 哈哈 ! 因為最怕 miss 左回程既巴士 … ^^"
我都試過為咗平而榙早一班JR，半日行程去咗咁多地方⋯浸咗2次日歸⋯勁!
回覆刪除你D字冇黏埋一舊嘅?
[lan lan回覆11/30/2011 00:22:37]對Yahoo⋯我都唔知可以講咩⋯死心⋯只希望唔好有一日會冇晒就好⋯!
[版主回覆11/29/2011 22:27:25]對 Yahoo … 我冇野好講，早兩日打左少少 blog 後儲存左落草稿，第二日開返總是覺得有o的唔妥，諗諗o下先發覺好似有兩段字冇左 …… 唉，算吧啦 ! 彈黎彈去係咪想開始打字時果個位呀 ? 我之前都係咁……
[lan lan回覆11/29/2011 21:43:40]其實如果唔係太趕⋯慳返D錢嚟買嘢重好啦⋯你咁鍾意買嘢!用iPad睇⋯你D字冇黏埋⋯OK喎⋯好過我，但我好似知點唔會彈嚟彈去⋯不過唔知㸃講你知!小肥周圍去打咭⋯
[版主回覆11/29/2011 21:20:29]係 !? 咁我求其打o的英文字母應該都過到骨，唔洗諗得咁辛苦喎 …… 嘻 ~ 你周圍落完廣告，又潛返上水面o拿 !?
[小肥回覆11/29/2011 16:55:00]嘿嘿, 你咁受歡迎, 就算D字黏埋一舊睇唔到. . .都大把人嚟搭咀啦. . . 我又嚟咗喇. . .哈哈哈 ^O^
[版主回覆11/29/2011 13:59:03]以前我地會就自己行程的時間而決定撘邊班車，但今次好明顯感覺到￥貴，先識得慳錢撘平車…：P …我地呢o的慣左「追、趕、跑」既旅行方式，一時間未改得晒o者，逐漸會調節返架喇……我自己睇o的字都有黏埋架，一行字貼住一行字咁囉，我唔知你地睇既又係點 ? 但我又唔鍾意隔行喎，所以由佢囉 !
wa~ 要咁早起! HK時間3點幾囉...點解又唔早一日買定車票, 咁就唔駛咁趕~
回覆刪除下呂溫泉有機會我都要去一趟, 俾妳講完幾大名泉, 有馬我就剛去完, 其他都想試試^^, 妳就好啦~ 又有得包場! 七福神社好正呀! 有無MARK底地點? 教定我點去呀~
[版主回覆11/29/2011 21:49:30]係喎 ! 點解唔早一日買定車票呢 ? 唔知喎，交通方面唔係我負責 ! 哈哈 !! 等我問問 Ricky 先，不過可能佢都冇諗過咁難買，以為o係自動售票機就買到o卦 ? 有馬去完感覺如何 ? 等妳既報告呀 ! 七福神社好易搵的，下次話妳知 ^0^
請問下呂站內的locker最大有幾大？入到一個大行李箱嗎？有冇有管理人的托管處？Locker有要幾多錢？你就咁放後尾冇事啊嘛？
回覆刪除[版主回覆02/24/2012 22:18:13]我印象中，下呂最大的 locker 是可以放得下我的28 寸行李喼的，不過數量不多，大 size locker 只有兩、三個，價錢 ￥600，一般的細 size 則有十多廿個吧 ! 所以我去當日已經 full 了，惟有放 locker 後面，我個喼冇事呀，不過只有在日本才敢搏一搏的，當然，如果有 locker 放還是會放心一點啦 !
其實奧飛驒上的水明館靚好多，而且日式得很，露天溫泉勁大勁靚！D嘢又好食。
回覆刪除[版主回覆02/24/2012 22:37:01]在奧飛驒有幾間溫泉旅館都唔錯的，我地當初都三心兩意左好耐，當中水明館佳留萱山莊都是我好想試架( 係咪你講果間 ? )，我知佢既露天風呂更加正。但我地後來最終揀左穂高荘山のホテル，除了因為她也有露天風呂之外，亦因為喜歡她館內具有北歐風味的環境，以及她獨有的大型火爐 ! 所以真係各有特色，好想試多幾間呢 !