2017年8月10日 星期四

2016 北海道.夏の親子遊 ( Day 13 ) ~ 回程日

Day 13  (3-8-2016 ~ Mon ~ 晴 ~ 23-30 ℃) 

行程 ~ 北海道 → 東京 → 香港 


     5:30am 起身,我先梳洗及往吃早餐,環境不錯,早餐種類也比想像中多

     這間新千歲空港溫泉《万葉の湯》我和 Ricky 都很滿意,房間環境、溫泉和位置都很不錯,以約 ¥10000 的價位真的頗抵住,只是我沒有太多時間慢慢享受多次它的溫泉和靚浴衣,Ricky 說如果有機會的話都會住多次









     吃飽回房間,待 Ricky 吃過早餐,我們便施施然行落候機室,等待上機期間,在旁邊商店逛逛,買了些 Royce 的花形朱古力做手信,好靚呢 ! 











     約 1 小時 45 mins 的機程便回到東京,我們下午才撘 4 時多的飛機回港,所以剩餘的時間便去了離成田機場才 20 分鐘車程的 Shisui (酒酒井 ) Premium Outlets 




     第一站,先往睇童裝,而家睇阿女啲衫真係仲興奮過睇自己啲衫,因為色彩繽紛啲款又 cute,唔似大人果啲一般都好平實


Polo Ralph Lauren 入面童裝部啲裝潢都特別靚過人


自然不少得要去 Miki House 


逛完童裝,坐在長椅上休息和吃埋那個在機場 LeTAO 買的 Melon Double cheese cake,個蓋 …… 好明顯是用來打發阿女的 XDDD

     然後逛多幾間鋪便去吃 lunch





這間 Birkenstock 的鞋的顏色好繽紛鮮豔呀 ! 好喜歡呢 ~ 不過好難襯,而且是密頭鞋,我通常買涼鞋多






     Lunch ~ 


¥680


Ricky 的咖哩蛋包飯 ~ ¥1280


我的國產和牛 ~ 忘記了是 ¥5xxx ? 牛扒端上來時的賣相有點樣衰,味道還不錯的,只是略咸,上次在東京機場吃的牛扒也是偏咸,其實肉質吃得出新鮮又軟諗,但就每次落鹽都落得咁重手



     吃完 lunch 輪到吃甜品,這間 Garrett 聽 Ricky 說它在東京都內的分店排隊排得很誇張 ? 機場店人不多,所以買了些自己吃和做手信 (當時我還不認識它,現在香港也有分店了,之前也常常在香港買來吃)




     這間 Pierre Marcolini 又是聽 Ricky 說是銀座店長期人龍店,這裡沒什麼人




買了它的招牌特濃朱古力軟雪糕試試,果然朱古力味濃郁

     買夠又飽,乘 2:30pm 的巴士回機場了,代表著 13 天的北海道遊完結了  >.<




     回程時,得知契契爺撘的直航機和我們差不多時間到達香港機場,所以又約埋在機場吃少少晚餐才各自回家


和契媽契爺加埋的行李

     不過我們落機後領取完行李時,發生了一段小插曲,就是在行李帶上取回寄倉的 BB 車 (出發前問 Ricky 的親戚借的) 時,發現前面扶手位及半邊車身都散開了,好明顯是掟散了啦 ! Ricky 嘗試砌返好但不成功,我和契媽爺都主張去機場櫃位 claim 損失,但 Ricky 就不願意,常說再試吓整、返到屋企再試吓 …… 我和契媽契爺都力勸,經我堅持下他才肯拿去機場櫃位,最後經職員檢查後,問了幾句新舊情況便即時給了 $2000 賠償,這 $2000 當然是還給借 BB 車給我們的 Ricky 親戚及說聲不好意思啦 ! 


     不過最令我氣憤的是,真不明白 Ricky 為什麼這樣堅持唔想拿去櫃台嘗試問吓有冇得賠償損失維修,嫌麻煩 ??? 我不是貪心想呃人錢,但明明架 BB 車散晒整唔返、仲要係剛從運輸帶拿下來的,就算 claim 到的都係俾返親戚㗎啦 ! 整爛親戚架 BB 車唔賠自己都唔好意思、賠的話有得 claim 又唔去 claim,冇理由要我自己拎錢賠㗎,我唔係十萬九仟七未開頭呀 !!! 

     我咁燥底,係因為上次試過一次個大喼攞到返屋企才發現其中一個轆給掟爆了,Ricky 又說算啦,離開咗機場冇得 claim 和個喼都用咗好耐喇喎 …… 以前試過旅行期間壞相機、壞喼等都冇一次去 claim,你嫌麻煩我算 ! 但今次散成咁仲要未離開機場,又算 ??!! 真係講起都燥呀 !!! 


機場內的翡翠拉麵晚餐 / 宵夜


9 則留言:

  1. 男人怕麻煩怕開口,有得claim 一定撐到底。
    我勁憎等行李,超級耐⋯⋯

    回覆刪除
    回覆
    1. 我都怕麻煩,所以之前果啲喼呀、相機呀我都算,但今次架 BB 車真係一拎出運輸帶已經散到一堆嘢咁,連架車形都見唔到,而且仲要係借人地嘅,試問換轉係你,好唔好意思呀 ?!

      刪除
  2. 呢個outlet有mezzo piano!!
    男人通常都係果少少錢就廢事麻煩...我老公出差試過大delay明明可claim保險~
    三吹四請叫佢問airline出信~結果過晒可claim時限...

    回覆刪除
    回覆
    1. 冇睇開 mezzo piano 呢個牌子所以冇行呀 ! 但o岩你行喎,距離成田機場只係 20 mins 車程,最o岩回港前作最後衝刺
      我都明,女人就好緊張三催四請、講到自己都嫌自己長氣,男人就拖字訣 !!

      刪除
    2. 我就係去過呢個OUTLET買囉 XD
      不過櫃位都算賠得幾爽手!

      刪除
  3. 同你地相反,我老公就乜都投訴要claim一番,可能係佢做保險既職業病.
    不過我就好怕麻煩,小小野就不如算啦XD

    回覆刪除
    回覆
    1. 都好喎,有人肯緊張去跟進去追討,自己可以唔洗理煩少啲,當然太濕碎嘅就費事煩啦 !
      睇嚟我地大家溝返勻平衡返就最好了

      刪除
  4. 買保險咪就係驚有事保障返啫。我成日都唔小心跌爛相機,所以都成日claim㗎。可惜絕大部份保險唔包手機...

    回覆刪除
    回覆
    1. 係囉,又要買保險又要唔 claim,好令人費解 !
      大部份保險都唔包手機嘅咩 ? 我見同事跌爆 mon 都可以 claim 的

      刪除