之前提過立山最高位置的室堂在 2/10 已經開始落雪，我們遲了 10 日才上到來，不知道室堂的情況變成怎樣呢 ?
出發前後我都有上網看看室堂的最新情況，心想看過 blog 友蜻蜓的雪景都好靚丫，最多只是不能行雄山o者 …… 唯有一直這樣安慰自己 ……
( 8/10 從官網看到室堂的照片 … 其實雪景真的幾靚，但始終此行的目的是想感受深秋嘛 )
最初 plan 行程時，預了三日兩夜在立山，不少朋友都認為會不會很悶呢 ? 但我看完旅遊書之後，覺得其實立山都有不少值得遊覽地方，加上短期內都不打算再上去的了，交通費又這麼貴，上到山當然是玩盡才走啦 ! 唯一考慮是住宿很貴，我直情想過不如紮營的呢 ! 不過怕山上不可以紮營才打消了這個念頭罷，哈哈 !
一早醒來，漆黑中望出窗外看看有沒有人去看日出呢 ? 不似會有 …… 算了吧，再小睡一會，然後落去吃早餐
早餐 ok 的，但我沒胃口，可能整晚都想著要幾點起身而睡得不好吧
吃飽 check out 離開，到對面馬路等巴士
在案內所的牆上，貼了隆冬後用機器挖開厚雪、找回屋子的相片
有巴士來了 ~ 天望立山莊 bye bye ~
弥陀ヶ原 → 室堂 ( 立山高原巴士 ~ Bus，20 mins )
帶著滿心的期待，20 分鐘便達室堂駅 ~ 日本最高的車站，有「雲上車站」的美稱。
第一件事便是到郵局看看，雖然現在只是 8 時多，時間尚早，郵局未開門，但從櫃面睇定有咩想買嘛 !
在室堂寄 postcard，郵件會蓋上室堂限定郵 chop 的，但我寄回來的 postcard 卻沒有，究竟那是不是要自己蓋上去的呢 ? 
室堂限定郵 chop ( 相片中央玻璃窗上那個 )
好多印仔吸呀 ! 正 !! 
我們決定快點到旅館先放下行李，然後立即去行雄山，因來回要 4 小時的，現在已差不多 9 時了，早點行完希望能趕得及吃午餐吧 ! (須知在日本不像香港，任何時間都有咁多人食野，餐廳長時間營業的啦 ! )
正當我們一致決定先不要影相，快步行到旅館時，一出室堂駅，我們便齊聲說「好靚呀 ~」Ricky 更拋下一句「唔得喇，要影 !」便順手就將手上的兩袋行李掉在地上 ( 真的是「掉」在地呢 ! 而且更是在路中心呀 !!
)， Ricky 在影相，我唯有急忙將行李拖埋一邊啦 !
我們決定快點到旅館先放下行李，然後立即去行雄山，因來回要 4 小時的，現在已差不多 9 時了，早點行完希望能趕得及吃午餐吧 ! (須知在日本不像香港，任何時間都有咁多人食野，餐廳長時間營業的啦 ! )
正當我們一致決定先不要影相，快步行到旅館時，一出室堂駅，我們便齊聲說「好靚呀 ~」Ricky 更拋下一句「唔得喇，要影 !」便順手就將手上的兩袋行李掉在地上 ( 真的是「掉」在地呢 ! 而且更是在路中心呀 !!
)， Ricky 在影相，我唯有急忙將行李拖埋一邊啦 !
今晚的住處 ~ みくりが池温泉
暫時寄存行李後，上 2/F 去洗手間，原來現在正在執房呢 !
地獄谷
みくりが池
因時間關係，隨便的影了幾張相片便出發了 …… 待續
嘿 . . .好靚呀 . . . ^o^ 不過, 我無掉低行李, 我掉低咗d 團友. . . 哈哈哈 ^ ^
回覆刪除[版主回覆02/12/2012 22:17:54]哈 ! 都係掉o者，一人 $1500，存入我戶口，thx ~
嘩嘩嘩, 好好好靚啊!! 3日兩夜會唔會悶, 哈哈, 我2次5日4夜都未玩晒啊!! 我影到既雪景, 係犧牲左2日時間(大風雪)換番嚟, 室堂, 係我真正感受到咩野叫大自然威力既地方!! 踏出室堂, 又點可能忍手唔影相呢, 360度環迴山景喎, 不過你形容得好攪笑, 哈哈哈!!
回覆刪除[版主回覆02/12/2012 22:29:15]的確唔會悶，我地都唔捨得走，在立山的第三日臨時改左行程，留多個上午先走呀 ! 就係睇左你o的雪景，先令我覺得其實遇上落雪都唔係咁差o者。下一篇…努力中，我次次想打少o的字，可以出快o的，但又真係想好好記低當時的感受喎……嘻……
[路過蜻蜓回覆02/10/2012 14:36:38]快啲出埋下一篇啦......
室堂真係靚到你唔相信, 以為張相好似執過咁.
回覆刪除[版主回覆02/12/2012 22:36:46]係 Ricky 搵o岩左相機入面既制式 (好似係咩銳利度喎)，影出黎就最接近眼睛所見既景象喇 ( 我部 G10 就顏色偏淡 )。同埋陽光太強，驚爆光，所以聽朋友咁講，影相時較暗o的，所以其實有部相片係偏深色架 ! 好似一出室堂至旅館那幾張。
天氣好好呀⋯好靚⋯個山真係好似假咁!
回覆刪除[版主回覆02/14/2012 21:27:40]我睇返o的相都覺得靚到有o的假，有時睇人地宣傳既 poster 影得咁靚，我和 Ricky 都會話係咪真係有呢o的景架 ? 但當到你真正接觸到、看見那個景象的時候，才會發覺原來可以咁感動和震撼的 ……
好靚呀!!!! 有點西藏feel...我有時都想去旅行時寄番張POST CARD返黎比自己or朋友, 不過次次都無左件事, 一係找不到郵局...
回覆刪除[版主回覆02/15/2012 14:29:41]我冇留意西藏o的景色係點呀，但聽你咁講，應該都係草原 + 高山景吧 ! 我去旅行時，如果知道某o的景點有特別既名信片的話，我就會 mark 低佢提醒自己寄野。平時就問定o的好朋友既地址、寫好放銀包，一見到o的靚名信片就可以即買即寄啦 !
D景靚到無朋友囉...... 立山真的好值得唔同季節上去一次! 次次聽妳講D限定CHOP, 就次次都唔見妳成功CHOP得到返黎~ HAHA...
回覆刪除[版主回覆02/16/2012 21:36:05]立山真係好靚，而且交通費咁貴，一般黎講都唔會上去多次，所以今次既感覺真係好深刻。個限定 chop 我冇緣印到，所以已經諗住叫你 chop 返黎俾我架喇，3 月諗定清單都差唔多喇，嘻嘻 ~
天氣非常好呀，啲相影得好靚，成張名信片咁~~~
回覆刪除[版主回覆02/17/2012 22:17:18]因為現場實景靚，所以點影都會靚，但始終未掌握到新相機的功能，怕爆光所以調低左 iso，所以室堂的相片影得較深色呢 !
天危真係好好好靚.....比我去時好多多多了.............
回覆刪除[版主回覆02/17/2012 23:00:13]當日天色好好，係被我地影到好似陰天咁o者 :P 最開心係行到雄山，雖然唔成功 … 哈哈 !
天氣真係好到令人羨慕，唔似得我，好似打風咁...
回覆刪除[版主回覆02/19/2012 01:00:20]所以上到去果一刻好感動 … ^^ 唯一美中不足係攝影技術幼嫩，因為「o的人」懶，平時唔練習，哈哈 ~~~