整完飛驒寶寶就行番過去上三之町喇，我要 shopping 呀 !
途中看見這間山櫻神社
我們由另一條街行過去，沿途有不同造型的招財貓
經過一間小型超市買點水果，有 Ricky 至愛的巨峰提子，以及兩個品種的士多啤梨，試試有什麼分別
途經一間店鋪的廚窗，眼尾「睄」到一個超靚的紅色結婚禮服飛驒寶寶，好喜歡呀 !!!
不過今天連同自製那個，前前後後已經買左 3 個飛驒寶寶喇，明天還打算買 Kitty 款寶寶的，唔敢再買喇，所以連鋪頭都冇入過去，只係 o係廚窗快速影左呢張相就行喇 
又經過中橋，有一位老伯伯慢慢細賞美景
在上三之町及附近的街道，都會見到這些用來放山車的倉庫
時間已經是中午了 (11:55am)，上三之町還是人影都冇多個，我地行晒
行左一陣，見到兔兔精品店喇 ~~~ 唔，見 o的擺設都放晒在門口，即是已開鋪啦 ! 衝呀 !!
在門外的佈置擺設都已經很吸引喇
嘩 ~ 一進入門內就呆左 !
好靚呀 ! 全部都好想要 !!! 
為左令自己冷靜落黎，再行入 o的睇下其他野先，一陣先認真諗下買邊樣 
水壺、擺設，燈、甚至屋台都有 !! 好想要兔兔燈呀 ~
嘩 ~ 嘩 ! 這塊布簾超靚呀 !
但價錢亦超貴 ~ ￥18900 
就算我點顛同失控，都真係買唔落手啦 
兔兔筷子座
這些小鐵盒內的是類似「魚皮花生」的小食，實情是士多啤梨味的外殼包著黑豆，都幾好味架 !
面油紙的款式都有好多呀 !
還有這些兔兔陶瓷公仔都很活潑可愛的啊，不過一 set 那些又幾貴下，所以沒有買
最後逛左一個圈，左諗右諗之下
，買左對碗和碟，再買左其他少少野之後，就 ￥ 15xxx 埋單離開喇 ~ 好唔捨得呀 ! 因為我仲有好多好多野想要 … 
另一間必到的店鋪就是這間喇 ~ 有巨大 Kitty 飛驒寶寶坐陣，不過冇咩收獲
飛驒牛大玉燒，有點後悔冇試到，因為之後要去食午餐喇
本來打算到旅遊書介紹既壽樂久食的，因為想試高山最出名既飛驒牛朴葉味噌燒，但睇地圖好似好遠咁，我地又拎住一袋二袋 (主要係懶行
)，結果就隨便 o係附近搵一間有朴葉飛驒牛食的食店入去啦 ! 
就係呢間 ~ 金政
點了飛驒牛朴葉味噌燒定食，店主嬸嬸先拿出一個煤氣爐，原來嬸嬸會即席煮熟佢，唔洗自己動手架 !
看著紅色的飛驒牛漸漸變熟，好香呀 !
… 不過食落口係甜既 ? 
而且都幾甜下，究竟呢個係咪正宗朴葉味噌燒既味道呢 ? 其實我鍾意食咸既多 o的 
~ ￥1900
Ricky 既和豚丼，我覺得呢個野味 o的，好味好多
~ ￥850食完午餐已經 2:33pm，我們預約了 4:00pm 的迎送巴士到奧飛驒，見還有些有時間，Ricky 先去找迎送巴士的巴士站，順便看看那間賣棗紅色 Kitty 的小店有沒有開，而我則去高山駅附近和 Family Mart 逛逛。
駅前的紀念品店見到親子飛驒寶寶
靚靚地圖
Family Mart 版飛驒寶寶呀 ! Family Mart 限定的
還有很多的限定吊飾呢，我其實是想找一隻拿著小丸子串的 Family Mart 寶寶的，不過沒有哦
和 Ricky 會合之後，告訴我結果小店還沒有開。之後 Ricky 在便利店休息，而我就到附近逛逛。
這個紙牌我搵了兩日都搵唔到，諗住隨緣啦，結果無意中就離遠在便利店門前發現 !! 即「彈」過去影相
見地圖有間旅館「高山櫻庵」外有足湯，打算去看看，不過可能是冬天的關係 ? 足湯被蓋上了
還有雪人
從這條路過去就可以到達飛驒之里的了
經過濃飛巴士站，見到巴士後那幅奧飛驒溫泉鄉的新穗高吊車景色，很美呀 !
希望我都能見到咁靚既景色就好了 ! 
Blog 友電占&豆豆介紹過的「古都の夢」，連外觀都很古色古鄉，我都很想在裡住一晚啊，但 Ricky 經過考慮之後，說還是住 ALPINA 算了，因為 ￥ 貴呀 ~
時間不多喇，要去撘巴士出發去奧飛驒了 ~
D 兔仔精品真係好鬼死靚 我好鍾意隻燈呀! 妳有無買到 條布簾超貴呀 好彩妳影完相就算咋
回覆刪除[版主回覆06/08/2010 21:51:00]我都係超鍾呢隻兔兔燈架 ! 但咁大，又重，而且一定好貴啦，所以影左相就算 布簾貴到搵唔到藉口去顛囉
好多兔仔呀！喂！你好似玩左好多日咁0既？total幾日架？咁多相咁多正地方？
回覆刪除[版主回覆06/08/2010 22:04:00]當我知道高山有我喜歡既兔仔精品時，我已經很想黎一次架喇 ! 雖然好多野都帶唔到返屋企，但已經好開心喇
我去左 6 日，真係玩既都係 3 日 o者 但我影左好多相， o的景色及精品又靚喎，所以忍唔住 post 左咁多出黎，結果 1 日既行程都分左 3、4 part post 咁囉 !!
呢張勁有feel~~
回覆刪除我記得我係平湯之森食的朴葉味噌燒好好味，我第1次係早餐時間食左3碗白飯，諗起都覺得太過份~~
[版主回覆06/08/2010 22:08:00]因為伯伯同個景好趁，所以咁有 feel
我就係記得好多人話朴葉味噌燒好好味，包括妳既經歷，但唔知係咪每間食店既口味都唔同，我食呢間 o的味噌都幾甜下架，所以唔多習慣呢個味道呀 !
回覆刪除d 兔仔好得意吖！
[版主回覆06/09/2010 08:36:00]呢 o的要一 set 買先靚架，但好貴呢 !
我見到d碗碗碟碟就會癲, 但這家店不是一般的貴, 動撤動都過萬...點買呀, 個朴葉味增咁整第一次見, 通常都系連埋個炭爐比你自己燒
回覆刪除[版主回覆06/09/2010 08:45:00]我到靚既精品都會顛，不過真係貴到唔敢顛，即時冷靜左落黎 可能我呢間係小店，所以作業模式都好家庭 feel，會煮埋俾你囉
你真係shop 得好勁喎~~
回覆刪除[版主回覆06/09/2010 23:14:00]所以去短短 6 日，同以前去 10 日一樣用左咁多 $ ，可想而知今次係顛左 ! 所以我 o係度諗，俾我好似妳咁去成個月，我要儲好多好多彈藥，再一邊玩一邊寄行李番香港都搞唔掂呀 !!
如果係超鐘意就梗係買咗佢啦! 最多其他兔仔嘢唔買囉! 大同重對我來講不是問題, 因為可以當天即拎佢去POST OFFICE寄番HK就得啦!
回覆刪除[版主回覆06/09/2010 23:18:00]問題係仲有好多好多兔仔野都超鍾意呢 ! 而且見塊布簾都咁貴，冇睇盞燈幾錢呀 !
哈...我就only 第一次自由行個次失控 d....(2007年春天個次), 呢次shopping 既錢, 佔左成個32days trip 既40% 呢~~
回覆刪除好彩之後兩次都好忍得手.....
[版主回覆06/09/2010 23:57:00]我就係見妳幾次去都好似冇乜買野咁，我每去一個地方都一定會買一堆紀念品架 ! 錢當然係一個問題，但最大問題係拎唔到咁多野呀 !!
你好利害 , 我記得呢間兔仔店入到去 , 會有壓力 , 佢地好似唔係咁鐘意人影相 , 你影左咁多 , 為了心頭好 , 佩服
回覆刪除[版主回覆06/11/2010 00:22:00]哦 ? 係咩 ? 當時我眼中只有兔仔精品，冇留意店員既反應喎 ! 不過其實我影佢地背後果塊布簾時，佢地都自顧自傾計，冇理我呀 !
都有入去呢間兔兔店, 樣樣野都好靚, 女仔見到一定會好鐘意!
回覆刪除[版主回覆06/12/2010 19:00:00]係呀 ! 呢間 o的兔仔精品好 o岩女仔，加上我養左隻賓尼兔，更加唔會放過兔仔精品啦 !
唔知點解，我反而覺得嗰間兔仔店無咩啱買 ，又見唔倒周麗淇響套劇入面買嗰對公仔，磨左好耐最後只係買左一個兔仔布裝飾咋~
回覆刪除[版主回覆06/13/2010 17:40:00] 間兔仔店對妳居然產生唔到「化學作用」咁神奇 ? 可能妳只愛買地方限定既特產，兔仔精品並唔係呢個範之內啦 ! 講真，兔仔店都比我想像中少布製公仔賣 ( 我鍾意買豆袋公仔呀 ! )，佢每款貨應該唔多，不過就算有都俾人買晒啦，因為可能好多人睇完套劇都會去買果對公仔
姍姍來遲添！七一快樂！
回覆刪除[版主回覆06/19/2010 10:50:00]唔遲唔遲，仲有中秋、國慶、聖誕 …
回覆刪除好衰嫁，咁大个KITTY，引死我啦 明年中部之旅，我又要影
[版主回覆06/19/2010 10:52:00]日本真係好衰架 ! 魔鬼黎架 ~ 妳快 o的去啦 明年幾時出發 ?
諗住plan去睇鬱金香、去立山黑部、去浸温泉、去白川鄉、去。。。。好多地方想去 到時問你攞料
回覆刪除[版主回覆06/19/2010 12:40:00]我都好想去睇鬱金香同去立山黑部呀 !! 嗚 ~ 帶埋我去 …
Ok，我知既會盡量解答