妹妹一歲生日

 8‧12‧2018 

     👑 話咁快妹妺就ㄧ歲了，起自問相比家姐仔，妹妹少咗好多單獨相處的親子時間 …… 今次簡單的在我家開個小 party 🎊🎉  
     祝 妹妺身體健康、(真的要)快「高」長大 😂、開心快樂 !!

2018 東京．夏の家族旅行 (Day 3) ~ 八景島

Day 3 (24-8-2018 ~ Fri ~ 陰天，約 33℃) 

行程 ~ 東京 (八景島、橫浜)

     第 3 日，小朋友瞓到自然醒，今日有颱風將到所以超大風，但好涼爽。雖然有擔心過今天的天氣，怕打風及遇上落雨的話去戶外玩就麻煩了，不過陰天大風總好過勁曬咁去玩戶外活動吧 ! 所以考慮了一個早上，然後才決定一於去八景島啦 ! 

     八景島比想象中好玩，有得釣魚又可以餵小動物，好適合小朋友呢 ! 👍 不過辛苦晒姑兩位姑姐做苦力又抬 BB 車、又抱又孭咁幫忙照顧兩隻女 🙇🙇

CK 鼠 ~ 聖誕「家」年華 @ 沙田

  24‧11‧2018  

     喜歡咗 ck 鼠 20 年，兩次專程去日本都遇不上他和他合照，估不到今年的商場佈置有 ck 鼠，更加難以置信地有機會與他合照，彷如發夢一樣 🤗 

     星期日原本諗住帶家姐仔去影吓啲商場 display ，因之前唔知有 ck 鼠見面會，我都係前一日先知有呢回事。對於住喺港島南區、仲要湊住兩隻女的我來說，去沙田買野兼抽奬係一件好困難嘅事，所以就算知道亦都無本事過去 😥 

     這天去到諗住唯有帶女喺玻璃窗外望吓 ck 鼠時，有 fans 送咗張飛俾我地，果ㄧ刻感動到想喊 😭 非常感激呢ㄧ對又靚又好人的情侶，送了ㄧ張見面會的入場券俾我地，好讓同樣喜歡 ck 鼠的阿女可以圓夢 😘😘😘

2018 東京．夏の家族旅行 (Day 2) ~ 橫浜忙碌的一天

Day 2 (23-8-2018 ~ Thu ~ 約 34℃) 

行程 ~ 東京 (橫浜)

     第二天早上瞓到自然醒 (阿媽我除外，因為兩隻女晨早 7 點幾醒咗就嘈，開完奶俾佢地飲、氹佢地再瞓過)，check out 後撘車去到姑媽位於橫浜的家已經 1 :30pm 了

2018 東京．夏の家族旅行 (Day 1) ~ 有驚無險出發了

Day 1 (22-8-2018 ~ Wed ~ 約 32℃) 

行程 ~ 香港→東京

     臨出發前 3、4 日，妹妹開始發燒，一停了食退燒藥就又燒返，今日撘黄昏機，早上一起身妹妹又燒到 38.8 ℃，所以早上立即帶妹妹去睇醫生，很擔心下午仍然有燒不能上機呢 ! 

    出發到機場前計好時間食定高燒藥，再敷退熱貼，爸爸已想定應變方法，如果妹妹去到機場仍然有燒就由爸爸帶回家照顧，幸好最後終於有驚無險順利上機和入境 🎊