終於又來到東京都，好掛念東京駅一番街哦 ~
一番街以及內裡的店鋪都在上年進行大翻新，而且進駐了不少卡通人物的主題店鋪，所以又名為卡通街，新的浣熊專門店我還未到過呢 ! 
經過購買 Hello Kitty 精品的店鋪，不過我們只預了 30 mins 在這裡購物，所以沒有時間進內看看，只與門外的大 Kitty 拍過照便急急閃 !
Yeah ~ Yeah ~ 到了喇 ~
店面很漂亮呀 ! 主色是模仿浣熊的大尾巴，不過店鋪好像比之前的細小喎 
這兩款是今期的新品，必買 !
嘩 ! 嘩 ! 一看見這些電話繩，我完全失控
，然後用 3 秒 3 的速度「掃」晒落個購物籃內，其實唔係好多 o者，total 19 款，又細小，所以不能放過 ! 
但 … 我一擰轉面 … 
… 差 o的想暈 ! 嘩 ! 嘩 ! 嘩 ! 洗唔洗咁多呀 ?!
呢 o的電話繩肥嘟嘟仲可愛，而且全部都是地方限定架 !! 唔買唔得啦 ! 但數過 total 35 款喎，邊敢買咁多呀 … 
… 結果將頭先「掃」左既電話繩擺番上去 
，經過一輪掙紮和取捨之後，兩種電話繩都揀左 o的「非買不可」，或覺得「都未必有機會會去既地方」的地方限定電話繩買，其餘既，唯有留番唔知幾時既「遲 o的」先買啦 ↓ ↓ ↓
正當我「R 爆頭」要邊款電話繩既時候，Ricky 就發現有新既木牌仔扭蛋機，然後我就俾左一千幾佰 (円) 打發佢走 (去幫我扭蛋)，30 分鐘過去，我就滿而歸喇
這麼趕急到下一站，因為就是去超期待的 … 西武園
東京駅一番街居然有Hello Kitty ~~~
回覆刪除[版主回覆04/16/2010 23:54:00]卡通街又點可以冇 Hello Kitty 份呢 ! Kitty 等緊妳
有馬騮仔店就發lu, 我專登搭車都要去
回覆刪除[版主回覆04/17/2010 15:35:00]如果 Sanrio o的卡通人物搬晒黎，每人一間 store 就仲發
東京駅一番街 兩次東京之旅都無時間去... >.< 唔知幾時去到．．．
回覆刪除[版主回覆04/17/2010 16:17:00]去東京好都方便 o者，下次安排下
係好方便, 但銀兩同假期短缺... 同埋下次去日本的話想去北海道/九州
回覆刪除[版主回覆04/18/2010 01:27:00]咁去北海道好過去 東京駅啦 去完就唔會想去東京架喇
哇！真係好多浣熊吖！如果我去到都忍不住要買吖！
回覆刪除[版主回覆04/18/2010 01:33:00]係呀 ! 我都買唔夠呀，我只係買左少電話繩
你嘅購買力指數達到瘋狂嘅程度.....仲有我想借沙巴書，我BOOK左機票6月尾去，你返黎時拎俾我呀....
回覆刪除[版主回覆04/18/2010 17:50:00]哈哈 ! 都話顛左咯 ! 如果唔係我點會話去 6 日、好似搬左去完 11 日咁多既戰利品返黎丫 ? 點會話唔敢再買丫 ?
6月尾係咪平機票呀 ? ok ~
AIRASIA做平機票，加左所有嘢2個人來回$2300度啦....6月去係因為生日嗎，我未試過去旅行嗎...HEHE...
回覆刪除[版主回覆04/18/2010 18:47:00]係呀，如果就到時間，去呢 o的平機票既旅行，價錢真係相差一倍架 ! 雖然一般都係短途旅行，但慳埋既 $ 都夠一年中去多一兩次架 ! 咁妳去幾多日呀 ?
22/6-27/6....6D/5L
回覆刪除[版主回覆04/19/2010 00:56:00]IC ~ 諗定要咩手信好先
電話繩同木牌仔都好吸引人 , 比我地都好唔捨得走
回覆刪除[版主回覆04/19/2010 19:29:00]呢款肥嘟嘟既電話繩係近一兩年先有架，好可愛呀 ! 仲要差唔多齊晒咁多個地方既「地方限定」造型喎，越諗就越想去買晒佢
我都係勁鍾意買電話繩嫁，咁多年買埋買埋過百條，不過睇個勢你好似仲癲過我
回覆刪除[版主回覆05/02/2010 15:56:00]咁 … 我鍾意浣熊丫嘛，難得見佢出咁多款地方限定電話繩，加上東京先有專門店，日本其他地方都冇咁齊呀 ! 所以點忍得手呢 ! 所以我成日話好彩我唔係 Kitty fans，否則死硬 !!