Day 7 (31-7-2013 ~ Wed ~ 陰 ~ 21℃-27℃)
行程 ~ 北海道(札幌、小樽、函館)
這次是第三次來小樽，雖說不上多，但我相信小樽就是有這一份吸引力，對我來說，無論來過多少次、無論春夏秋冬哪個季節，來北海道總要來一次小樽才會心息的。
3:20pm 才來到小樽，大部硝子館都是 5pm 閉館的，但我們還未吃午餐的呢 ! 所以便要在逛玻璃製品與吃午餐之間選擇其一了。雖然我也很想 shopping，但始終是醫肚要緊，所以還是先去了備受好評的「若雞時代」吃炸雞 !
由於已來過小樽，這次純為吃「若雞時代」和看/買昨晚圓方家說好漂亮的玻璃杯，所以只會逗留小樽 2 個半小時，而且今晚還要落函館住宿的呢 ! :P
↑↓ 我的炸雞定食 ~ 炸得超香脆，雞翼和雞腿都外脆內嫩，但雞胸就比較「鞋」，所以我吃剩了一半呢 ! :P
↑↓ Ricky 的魚子飯，跟湯
原本打算叫燒海蝦的，但看見這個期間限定的大頭蝦就被吸引了，轉了要大頭蝦，但蝦似乎是燒得過火了，蝦肉超乾，我想這隻大頭蝦主要是吃牠身上的蝦籽的吧 ? 但我不懂欣賞，早知便叫普通的燒海蝦算了
觀光巴士
沿途有不少燒海鮮和賣蜜瓜的小檔，早知炸雞這麼乾就不吃炸雞，來這裡「掃街」好了 … 切件的蜜瓜也好想吃，打算行多兩間才吃，怎知越向入行便越貴，由最初見的￥250 一片，直至後來的￥400 一片，所以最後還是沒有吃了
↑↓ 好漂亮的玻璃擺設，但都忍住了沒有買 :x
好可愛的黑白乳牛 :D
小樽冬季的「小樽雪あかりの路」相信無人不識，但原來夏季也有不少活動的，除了我們錯過了的「小樽潮祭」之外，還有一個關於風鈴的活動 ~
第四回小樽堺町ゆかた風鈴まつり、7/13(六) ~ 8/18(日)
反正今天來了小樽，順便看看吧 ! 在小樽堺町、商鋪門前都掛上了風鈴，無論行到哪裡也可以聽到清脆的鈴聲，音樂盒的聲音與風鈴的清脆聲，令小樽的浪漫感倍增，也令人頓覺暑氣全消。
還有搜尋「浴衣風鈴」的活動，只要你穿上浴衣，在小樽堺町內找到任何 3 個男或女、穿著浴衣的風鈴一起拍照，便可以到指定店鋪換到風鈴禮物一盒。
到了，這裡便有傳說中最漂亮的玻璃杯，我一看 … 感覺似曾相識 … 想起了 ! 原來就是在 piggybread 的 blog 見過的那套清酒杯套裝 (粉紅色的)，那時我一看見便雙眼發光 ! 但今天親身來到，卻理智得多，雖然站在杯前來回踱步幾十次、離開了考慮了良久再折回，始終都沒有買下這套清酒杯套裝，而選擇了沒那麼漂亮的但有耳的杯(藍色的)，「懶係」實用，好讓自己買得理所當然一點 :))
今年冬天的新商品，好可愛哦 ~ :x
以前我超愛吃六花亭的白朱古力士多啤梨的，但近年比較愛吃 LeTAO 的。看見小樽這裡有，進內入了少許貨，最後試了期間限定的青提朱古力，很清新美味，所以買了一盒，可惜回家後我甚少吃，放得太久便沒有吃了，有點可惜 :(
最後快速地影了幾張地標的運河照片便要離開了
明天是旅程的第八天，旅程已去到一半，明天我們便會落東北，也代表著北海道的行程已經完結了，真不知下次再來是什麼時候呢 ? 8->
↑↓ 在札幌駅內看見有四季不同的印章的，可惜我找不到在哪裡 :(
撘 JR 落函館了
原本打算到函館吃宵夜的，但累了不想周圍行，而且 Comfort Hotel 有免費咖啡飲，所以還是到便利店買杯麵回酒店吃好了，反正我們甚少試過日本的杯麵
這個火頭山的杯麵打開一刻充滿驚喜，因為它的豬肉好大片呀，比起 HK 那些 ……
今天的不算多，叻 ! :-bd
嘻嘻! 我今次都係第一次食日本杯麵, 但住就係富士山靚靚酒店, 晚餐係杯麵而早餐係隔夜麵包 ::_1557
回覆刪除隻炸雞睇落好好味, 以我 d 雞痴黎講, 乜都好味 ::_343
住富士山靚靚酒店應該要襯番個有落地玻璃窗的早餐先至正架嘛 ! ::kk3023
刪除其實隻炸雞係雞胸「鞋」o左o的之外都唔差的，其實係炎炎夏日，連續食o左幾日燒肉、煎炸野，所以感覺喉嚨好乾、開始有o的唔舒服 ::kk3206
你話你地幾幸福呢, 第1次食杯面, 我次次去親都食到唔想食啊, 因為揀親啲平價酒店都唔包早餐, budget有限, 無計!! >:)
刪除我以前去住semi-double，早餐食涷飯糰咋（自己買，唔係東横イン）。
刪除嘩! 個個鬥淒涼 :)) , 通常我book 酒店都唔會一泊兩食, 因為富士山太隔涉, 所以要買定野食, 其他既如果唔包早餐, 我鍾意到麵包店食麵包+咖啡, 好正架.
刪除日本杯麵咁好味，蜻蜓有得成日食，真係幸福嘞，哈哈::mm2375
刪除對我嚟講，最怕食冷飯團，因為我唔喜歡食飯，我最 like 食厚多士加奶茶，但唔係成日遇到啱食的麵包店，奶茶更加唔係咁多地方有得飲 ::mm1581
刪除飯糰OK喎, 我早餐一般都係杯麵 / 飯糰 / 麵包, 喺麵包店食包嘆咖啡都唔平, 真識享受!! 有時行足成日山, 下午唔食或者只係食餅乾, 完全係減肥之旅, 哈哈!!
刪除CK鼠你又話增肥，要食多D飯。::kk3202
刪除日本堂食麵包店不嬲都唔平，同食M記，Lotte差不多。
有次去趕工，諗住無時間食，買咗一大pack CalorieMate，食一條，食水，即飽。
「想」增肥o者，但食得落先得o架 ! ::mm1613 況且我唔喜歡食飯呢類冇咩味道o既食飯，喜歡食朱古力同雪糕，但肥就增唔到，蛀牙就大把 ::mm2414
刪除係架，去旅行成日食無定時，尤其我地唔係自駕o既，要遷就巴士及 JR 時刻表，好多時都冇餐正經o既午餐食，再加埋早出晚歸，所以成日都話旅行辛苦過返工o架啦 ::kk3103
刪除不過辛苦得o黎好 enjoy 咁o者 ::kk3011
以前住酒店都有為咗平D而唔要朝食，但發覺去便利店買件三文治加飲品都要幾百yen，又唔襟飽，宜家情願俾多少少要埋個朝食，起碼早餐食飽D，lunch食遲少少或食少D都得，我老公同阿仔早餐好擦得，其實我去旅行都好開胃，緊係最好搵到D酒店有無料朝食最perfect喇::mm2374
刪除不能同意更多, 包埋朝食絕對抵好多.
刪除最麻煩o既係，唔係每一個地方的酒店附近都有便利店的，有o既又未必有野o岩食。而且夏天還好，冬天都唔想食冰凍的三文治麵包啦，都係坐低慢慢嘆番杯奶茶最好 ::_2172
刪除日本又邊有奶茶嘆呢？有都係Lipton+奶精。
刪除都有o架，除了便利店果o的偏甜的罐裝奶茶之外(甚少買)，如果朝食時見到有紅茶包，我就會加鮮奶和沙糖(應該係俾你沖咖啡果o的呢?)，自製奶茶的了 ::_1553 起碼 Comfort Hotel 就有紅茶包提供的無料朝食啦 !! 我地好多時都會住 Comfort 的，所以朝朝都要整番杯::_1554
刪除::mm1581 多謝你又帶我返小樽 . . 好掛住啊::mm2217 隻若雞 一般口碑都系雞腿香脆, 雞胸就. . 唉 ::kk3024 我2月都唔 會幫襯LU . . . 超大粒的章魚燒 . . 唔好搞, 真系咩都唔駛食. ::mm2065 小樽 . . .真系點睇都好咁睇 ::kk3006
回覆刪除想睇小樽好易o者，我有夏天和冬天、3J 家庭有秋天，淨係欠春天，你想幾時重溫都得 … 你 2 月會去小樽嗎 ? 咁仲正 ! 唔洗掛、等出發就得 !! ::_1558
刪除o係小樽唔幫襯若雞都仍然有大把好野食啦 ! ::mm2217
真係慚愧，「小樽雪あかりの路」「小樽堺町ゆかた風鈴まつり」，我兩樣都唔識。::ee5133
回覆刪除唔識唔怕，去北海道人小肥度睇啦，資料庫o黎架 ! ::mm1583
刪除「小樽雪あかりの路」真係好靚，值得冒(凍)死去一次架 !! ::oo2051
雞胸鞋是正常吧XD
回覆刪除btw~小樽果然都係有雪靚得多
都唔係o架，起碼酒樓o的炸子雞都冇咁鞋呢 ! :P
刪除有雪的小樽除了靚，更多添了一份浪漫的感覺，無論去多少次都唔會厭的 ::_364
好同意你第一段所講呀，小樽真係有一個好有吸引力的地方，感覺好舒服悠閒
回覆刪除係北海道之中係我最愛的地方，如果有機會再去北海道，點都要再去小樽～
係o架，我只係去過 3 次其實算少架喇，有o的 blog 友去過 10 次 8 次都唔會厭的呀 ! ::mm2373
刪除本店係炸得乾身啲架..... 其實雞胸一樣可以好 juicy, 運河店炸得好好多.
回覆刪除牡丹海老都係生食啱啲, 燒好似有啲浪費咗.
原來運河店炸得好味o的架 ? 有機會試下比較下先 ::kk3023
刪除牡丹蝦應該都係適合生食，感覺就好似越南大頭蝦咁，熟後的蝦肉質地比較實同乾身 …… 白灼都應該唔錯，個頭o的蝦膏一定好正 !
北海道真係去幾多次都唔嫌既地方！ 好想快些再去呀::_345
回覆刪除係呢，你仲有北海道o既道東未去添喎，快o的諗諗佢，plan 下啦 ~ ::_1557
刪除Hehe, 乜原來呢套杯係傳說中最靚嘅酒杯咩? 我呢個敗家精果然眼光獨到，好開心呢，以後敗家再俾人阻止就有晒充份理由啦，哈哈~~
回覆刪除真係忍唔住再睇多眼，真係幾靚!! haha
刪除哈哈，傳說中最靚嘅酒杯係我講既o者，因為當初睇完你個 blog 已經覺得超靚，但後來已經冇o左回事；直至去小樽前一晚，聽個朋友講，o係小樽見到 set 好靚o既兔兔清酒杯(佢當日剛剛去完小樽)，佢話佢唔係兔迷都好想買、爭扎o左好耐，我去到一定忍唔住的。點知當我見到時，就發現我朋友所講既清酒杯 set 就係你買o左果套，事實證明呢套杯的確係靚到會令人失去理智，咁仲唔係「傳說中」既清酒杯 ?? ::_1553
刪除今次我好理性咁冇買到，或者終有一日會忍唔住要帶佢返o黎的 ::kk3152
刪除