年初八(19/2) ~
趁公公婆婆放假，一起去了沙田行大運 先去車公廟拜神，然後去新城市廣場影新年佈置，近近地去埋 Snoopy Land 影相，原來呢度個滑梯設施有開，仲有得坐船仔，好正 ! 之後去食咗一餐好滿意的午餐，再返去 Snoopy Land 度繼續放電，小鬼們玩得超開心又瘋狂，大人細路都好盡興 !
妹妹示範試衫新方法 XDD
一人要買一個 ^^"
呢度係我同爸爸初次拍拖去的地方
大家見到遊樂設施有開，立即雙眼發光
家姐幫手照顧妹妹
等食期間，妹妹古靈精怪 ^____^"
咩事？! XDDD
海鮮 pizza 好好味，所以再 encore 一個；個大吉甜品好靚
都唔知道沙田有 Snoopy World , 仲有咗咁耐添, 不過咁遠都應該唔會去 :P
回覆刪除Snoopy World 開咗應該都有廿年，你係 Snoopy fans 居然冇去過？
刪除沙田唔係好遠啫，我扶老㩦幼喺香港仔都照過去，你地有車應該仲方便啲？
我記得阿仔小學時帶過佢去，無廿年都有十幾年，早幾個月去沙田見到仲存在都有點詫異
刪除其實唔揸車搭港鐵/隧巴轉東鐵都好方便，時間就係會耐D
哈哈，CK鼠，同係港島既南區香港仔我都冇去好耐，上星期去咗黃竹坑再行去香港仔海傍，驚訝有啲地方完全變晒，話晒嗰時都係半個南區人，奶奶姑仔都住過華富，鴨脷洲同香港仔，成日都喺香港仔行街食飯呀！但係嗰日去到覺得好陌生😅
刪除3J：我地係 2002 拍拖時去的，已經是 19 年前的事了 ^^"
刪除早一兩年去過，記得啲公仔係已經甩晒色，今次去見到好新淨，相信係近年重新油過了
我喺香港仔可以撘 170 直達新城市廣場，所以車程比想像中快
Nerissa：香港仔海旁整靚咗好多，但市中心同華富內街啲規劃冇咩變過，喺部份店舖變晒，我好多都唔識/冇去過
刪除新界小朋友嘅聖地嚟㗎。我啲外甥唔識講嘢時合照過。到大過咗又去多大次同pose影過，回憶返哂嚟😜
回覆刪除新城市廣場真係多嘢玩又多嘢食，一月仲係疫情，好多公園都未開，但呢個公園已經開咗，所以大人小朋友都超開心，有得放電
刪除係呀，我地嘅回憶都返晒嚟呢！係喎，今次冇同啲女影合照添，下次要補返