22‧10‧2017
難得 Ricky 星期日放假，想帶阿女出去玩下，爸爸見迪迪尼有 $639 可以去兩日的推廣優惠，提議不如去迪迪尼走走 ? 我沒所謂，樂園一向不是我杯茶，但節日佈置，尤其是 Halloween 我就十分有興趣了
難得 Ricky 星期日放假，想帶阿女出去玩下，爸爸見迪迪尼有 $639 可以去兩日的推廣優惠，提議不如去迪迪尼走走 ? 我沒所謂，樂園一向不是我杯茶，但節日佈置，尤其是 Halloween 我就十分有興趣了
第ㄧ次帶阿女去迪迪尼，沒期望要影齊卡通人物、看齊多場巡遊，純粹 hea 下，因為帶著小朋友始終需要放慢腳步，自問很多時自己仍未做到，希望自己藉著今次機會 ( 加上大肚都唔方便兼冇力行咁快啦 ! ) 多習慣這種緩慢式的遊覽
一入到樂園就見到 Mickey 同 Minnie 喺度影緊相，但唔想排 :P
望一望旁邊原來有 Chip & Dale，其他人物可以唔影，但Chip & Dale 實在太可愛了，所以由爸爸去排隊，我帶阿女行商店先 XDDD
女仔即係女仔 (或者係我遺傳)，一見到衫就不停試衫，又話買呢件果件咁 ^^" 試完之後自己攞咗 3 件話買埋俾表哥喎 !
呢個爆谷桶我ㄧ見鍾情，藉口買俾鍾意食爆谷嘅阿女 XDDD
影完相已經好攰又熱，見大街餐廳冇咩人排隊，早點入去食 lunch 同 hea 下
當然，一坐定就爆谷放題啦 ! ^^"
阿女對爸爸幾好，千挑萬選揀咗粒最細嘅俾爸爸 XDDD
↑↓ 意想不到這裡的食物相當不錯 (香港另一主題公園的食物超級難食的)
然後等契媽契爺來到 (他們有全年證，純粹入來陪我地玩 3 個鐘就走了)，玩過「小小世界」的坐船仔和動感影院後，我們便氹阿女瞓晏覺了
瞓醒，又爆谷放題 ^^"
大家吃夠爆谷、坐夠便打算去望望 Donald Duck 多不多人影相，原來已到了 5:30pm 截人龍了，那就回去玩機動遊戲吧 !
最後玩了小飛象、迴旋木馬及 Winnie The Pooh 之後，飲埋支奶，9pm 才施施然離開
阿女大個咗好多，無哂BB feel，頭髮長咗個樣都好似唔同咗，都係嘅女大十八變嘛
回覆刪除雖然香港迪士尼細，但我都幾鍾意去，隔一段時間會去一次，今個月頭都去過一次，相反另外嗰個幾年前去過一次後已經無興趣再去
同3J一樣feel, 阿女真係完全唔同左樣, 阿女件kitty 衫好正....
刪除另外嗰個真係冇興趣去, 食物又貴又難食, 如要揀我都會揀迪士尼....
3J :
刪除間中睇返阿女細個時、甚至只係幾個月前啲相，都會覺得阿女個樣變咗好多，扯高咗瘦咗仲越來越老積，真係冇晒啲 BB feel，所以成日有人以為佢好大個、影相個樣尤其似 5、6 歲
認同雖然香港迪士尼細，但始終喺香港方便啲，未等到去旅行時止吓癮都唔錯，所以都打算阿女大多少少佢真係識玩/喜歡樂園嘅時候就 join 全年證，因為而家 2 歲半問佢好唔好玩 ? 仲去唔去 ? 佢都話「唔好玩、唔去」的 ^_____^"
Niseko2000 :
刪除件 Kitty 衫上年我一見鍾情、見到即買 ! 不過上年著就大件咗啲兼且好熱，今年涼少少剛剛好，加上始終著呢啲衫係去樂園先有 feel，平日唔通著去飲茶咩 ? ^^"
另外果個樂園嘅 Halloween 我都好有興趣，不過只係o岩大人，唔適合小朋友去嘛，如果要影相就梗係迪迪尼靚啦 ! 但迪迪尼對我嚟講就遠啲，我住南區，另外果個近我呀 !
恭喜CK鼠快做媽媽，你手腳仍然偏瘦,好像只肥在個肚到^_^全個迪迪尼最好食可算是大街餐廳，我以前成日入去迪迪尼都是每次都去大街餐廳食飯架
回覆刪除多謝 ! 係呀，同上一胎一樣，只肥喺肚，不過最重要係個 B 吸收到足夠營養磅數夠標准就得了，因為我自己過瘦成日怕個 B 唔夠營養呢 !
刪除原來全個迪迪尼最好食係大街餐廳，唔怪得佢個套票有餐廳優惠 coupon 但就唔包大街餐廳啦 ! 迪迪尼永無蝕底 !!
個肚大左好多!
回覆刪除呀女對住D卡通人物好似無咩反應表情HAHA
去嘅時候個肚已經係 8 個月大了，所以 baba 聲大，呢個月仲明顯 ^^"
刪除佢無咩表情都好過會喊吖，不過其實佢喺旁邊睇呢啲卡通人物時就好有興趣，到行到埋身邊時就有少少怯唔知點算咁，，但無喊已經好俾面 (最近去幼稚園面試時喊住咁拉我手要行出課室 -__-" )
囡囡真的大個了好多～
回覆刪除係呀，所以間中會懷念佢啲 baby fat，但而家懂性咗、駁嘴駁舌都各有各可愛之處嘅
刪除