事源是這樣的，阿女的兩個姑姐趁年輕 ? 任性一番，齊齊在 6 月尾辭去工作，先到日本探望姑媽一家和攀富士山、然後到濟洲旅遊、回港(因住在日本的姑媽一家會回來玩)後約 2、3 星期後，再出發到歐洲 ?
不記得她們的詳細行程了，總之就是整個 7、8月張家的女兒周圍飛啦 ! (是呀，只是女兒，身為家中獨子的 Ricky 冇份)，姑姐們都表示將會有差不多兩個月時間見唔到阿女，會好掛住佢，說不如帶埋阿女和嫲嫲去韓國 ? (之前姑姐們已說過想帶阿女冬天去滑雪和 3 月去看櫻花的了，只是當時阿女只是一歲多些，我們和嫲嫲都不放心，所以沒了件事)
這次我和爸爸都沒所謂，反正阿女已兩歲多，識行識走又可以進食大人的食物了，而且夏天帶備的物品也輕便得多，加上有嫲嫲同行我們也很放心
結果姑姐們迅速訂好兩老(爺爺嫲嫲)和阿女的機票，但因為怕兩老帶住一個 BB 唔識在韓國過關，所以細姑姐會中途回港接他們過韓國
行程 ~ 唔知 XDDD
日期 : 20-25/7 (早機去早機返)
地點 : 濟州、釜山
不記得她們的詳細行程了，總之就是整個 7、8月張家的女兒周圍飛啦 ! (是呀，只是女兒，身為家中獨子的 Ricky 冇份)，姑姐們都表示將會有差不多兩個月時間見唔到阿女，會好掛住佢，說不如帶埋阿女和嫲嫲去韓國 ? (之前姑姐們已說過想帶阿女冬天去滑雪和 3 月去看櫻花的了，只是當時阿女只是一歲多些，我們和嫲嫲都不放心，所以沒了件事)
這次我和爸爸都沒所謂，反正阿女已兩歲多，識行識走又可以進食大人的食物了，而且夏天帶備的物品也輕便得多，加上有嫲嫲同行我們也很放心
結果姑姐們迅速訂好兩老(爺爺嫲嫲)和阿女的機票，但因為怕兩老帶住一個 BB 唔識在韓國過關，所以細姑姐會中途回港接他們過韓國
行程 ~ 唔知 XDDD
日期 : 20-25/7 (早機去早機返)
地點 : 濟州、釜山
哈哈，我個女都係三年級暑假至同嫲嫲姑姐去歐洲探親咋，嗰時我都唔係太放心。
回覆刪除你果時又係冇跟埋去歐洲 ?
刪除如果歐洲咁長途機加上日子太長我都未必捨得同會唔放心，但今次近近地韓國又只係 5、6 日我都 ok 嘅
冇去呀,因為嗰時係暑假機票超貴同埋佢地去成大半個月我又冇咁多假喎.
刪除係囉，通常小朋友細時大人要揾食冇咁多時間，到大人有時間時啲仔女都大了，未必肯跟你去，真係好矛盾又無奈
刪除勇呀, 你又勇, 囡囡又勇, 你地可以2人世界一陣, 唔知到果刻你會好掛住定出奇地無野呢 XD
回覆刪除兩個姑姐喺香港都各自試過帶阿女出街玩足ㄧ日，見佢地搞得掂就放心好多俾姑姐湊，況且個衰女其實喺姑姐面前好乖好聽話、成個模範生咁㗎!佢又成日喺嫲嫲度過夜，所以完全放心啦!
刪除我諗都會掛住，但唔會好掛果隻囉 😝
難得可以二人世界幾日，諗定節目未呀?
回覆刪除冇二人世界㗎，爸爸日日都要返工呢!或者出街食吓晚飯咁算唔算?😌
刪除呀女肯跟人係好事！不過嗰幾日可能輪到你晚睌瞓唔著！嘻嘻
回覆刪除未必嘅，因為而家阿女ㄧ星期有成五、六日都喺嫲嫲度過夜，所以已經習慣佢夜晚唔喺我身邊瞓
刪除你好勇呀，咁放心比囡去旅行，我就吾得啦﹗
回覆刪除細啲果時就唔敢又唔捨得，而家見佢肯跟姑姐又聽話，所以都好放心
刪除自己冇得去都想阿女可以出去玩吓，好過日日困喺屋企
如果我呀女就應該唔得了~因為呀女勁痴我~爸爸都唔多搞得掂
回覆刪除佢肯跟公公同姨姨玩~不過應該只限於玩...
你又唔同，自己湊開，阿女好難肯跟其他人，況且你日對夜對開，都唔捨得佢跟人去啦 !
刪除但我阿女跟慣嫲嫲湊，近排仲成日喺果邊瞓唔肯過嚟，我都開始習慣了，而且佢好聽姑姐話的，所以好放心
睇黎你同嫲嫲關系幾好~唔會吃醋~haha
刪除我同我奶奶關系唔好( 好彩大家住好遠兩星期先見一次)~
佢好想幫手湊~我同老公講明絕不俾呀女去果邊過夜
阿女由我坐完月返工就俾嫲嫲湊，講真兩代人湊法總會有分歧，唯有隻眼開隻眼閉 …… 初初阿女喺果邊瞓唔願過嚟，我心底𥚃其實都會吃醋同唔捨得，好惡咁同阿女講要佢喺媽咪屋企瞓，但咁樣反而令阿女驚咗我，所以我唔敢了，加上之前我唔舒服都湊唔到佢啦 ! 所以而家習慣咗了
刪除你有工人就更加唔洗留個女去奶奶果邊啦，我冇工人先要靠老人家啫，如果我請工人都唔會俾阿女去果邊過夜 😝😝😝
以過來人說說,與奶奶關係會由細路仔漸漸大個改善,越細越多分歧,隨住個女大佢同嫲嫲姑姐關係好好,好多事佢唔會同我地兩公婆講,所以我亦樂意喺佢地度收風而知道個女既想法.
刪除哈哈，我情況壞到係十幾年前拍拖時關係唔好直到現在，基本上係死結 ，試過有幾日過黎幫手幾個下午（工人急事回菲），
刪除已經炒大鑊，如果同住分分鐘搞到離婚XD
Nerissa : 咁又係呀，細個多分歧啲，始於未放心又怕啲古老方法對阿B唔好，大大吓自己都冇咁執著了
刪除對嫲嫲姑姐對得多自然關係好，但調返轉如果自己湊，咁理論上阿女黐爸爸媽媽多啲，有事ㄧ樣會同父母講的 ? 當然，有人幫點都輕鬆啲，而且見有咁多人錫阿女都好開心的
Hitomi : 你拍拖時已經關係唔好關唔關你同老公係網上認識、加埋接受唔到你喜歡 Lolita 事 ? 你地而家仲會吵大鑊，咁又真係好嚴重，都係少見啲好 :P
刪除我初時都好唔慣同 Ricky 啲家人相處，我又絶對唔係識做，甚至會俾臉色人睇嘅人，其實同同事朋友都係，因為我超級慢熱的 :P
唔關網上識時或興趣問題~係我奶奶屋企窮~咁我屋企環境比較好(我地第一層樓都係我媽半賣半送超賤價賣俾我地)~咁我有時講野串~又成日話深水埗居住環境差(周圍多垃圾佢屋企樓下又有呀差聚賭~樓下隔離條冷巷成日有人all尿臭到死~ 咁咪成日投訴話我睇佢唔起囉~:p
刪除