渴望已久的親子遊終於尚算順利完成了 ::mm1630
今次的旅程會比以往的辛苦是在預期之內的了，只是有點覺得辛苦了阿女 ::vv4017
今次的旅程會比以往的辛苦是在預期之內的了，只是有點覺得辛苦了阿女 ::vv4017
旅程中，因為大部份地點需要趕行程，所以就算是跟契爺契媽自駕，都少不免要早起、夜歸、食無定時，對於我們大人來說是等閒事，但對於一個 14 個月的 BB 來說，是不是太艱辛了呢 ? ::mm2412
整個旅程中，看見阿女瞓少了、食無定時、曬黑了、出汗疹又抓痕又出紅粒、跌倒損了…… 每每都令我罪疚不已，自問不是怪獸家長，阿女不是唔曬得唔跌得，只是如果她的損傷不適是由自己照顧得不夠好而造成的，我就會想：為了滿足兩個大人的願望而令到阿女跟著我們奔波勞碌，是不是帶錯了她來旅行呢 ? ::vv4064
旅途上，亦不止一次和 Ricky 討論這個問題 …… 不過影到一張半張滿意的相片時還是很開心的，所以還說不上是後悔帶阿女去旅行的，只是仍有很多地方需要檢討和改善，就當作是一次難忘的體驗、為下一個旅程汲取經驗吧 ! ::mm1549
第一次帶細路出遠門，甩碌在所難免，有車已經幫到唔少喇 ;;)
回覆刪除我都知，所以能順利完成已經好感恩 ::rr8016
刪除是日子太多行程太密了，下次試下減少一半，範圍縮細D，唔好日日換酒店，去下主題樂園/遊園地，行程要有彈性，大人細路開心得嚟都會無咁辛苦
回覆刪除完全中晒，根本親子遊就係要 hea，只係今次貪心了一點 :P
刪除都好多相影得好好吖(果然有要求::_1554 ), 原來有BB浴衣架?
回覆刪除下次一日一主行程, 有時間多既就HEA行, 同埋揀秋天去咁就舒服好多架喇~::_342
影果時阿女郁身郁勢，有啲影影吓都冇心機影了，但估唔到有啲又幾自然幾 ok 喎 ::_1560
刪除都係，秋天去起碼唔會熱到出汗疹 ::_1557
有了第一次經驗，就會有第二次, 第三次，因為旅行是和囡囡每天都朝夕相見，在香港大人要返工呀，小朋友旅行的相片，家長們真是百看不厭。
回覆刪除係呀，平時大人返工，基本上返到屋企都食飯瞓覺了，所以今次旅行好似甩碌咗啲，但諗番起都好難忘同開心 ::_1561
刪除你地自駕~其實唔洗趕行程吧~~
回覆刪除我同老公~大家同一諗法~~就係寧願CUT景點都一定唔趕行程(可能我地一向唔主張趕行程衝景點)~
絕對唔會破壞呀女的作息時間(就夠鐘就立即搵育嬰設施)
我地日日都最遲先CHECK OUT (早上10點/11點)~晚上10點半前就一定番到酒店幫佢沖涼飲奶訓覺(時差跟香港)
所以呢次旅行我地影相影得最少~~不過寧願貴精不貴多呀~~往後有大把日子呀~~~
人總是貪心的，諗住自駕就想去多少少地方、或者想去埋一啲非自駕難去一點的地方，所以係行程上我地編排得較密啫
刪除我都係咁諗，往後有大把日子，所以檢討完就算了 ::mm2058
夏天去大人細路都辛苦，趁住未讀書可以揀啲舒服既季節去，唔係一返學就要新年暑假⋯⋯呢啲旺季同人逼。
回覆刪除咁又係喎，一返學就要遷就學校假期，我都想返學前去多一兩轉，但爸爸唔知肯唔肯呢，因為呢個旅程佢湊阿女湊到有啲頭暈 ::mm1581
刪除到下次呀女又再大個d應該差不多可以跟大人食野~應該可以輕鬆好多ge!
刪除我覺得帶bb去旅行最麻煩係食方面~好似我女咁~暫時一日食5餐~我當一餐半個鐘(連食連換片)~
淨係咁已經無左幾個鐘~~
都係㗎，而家每日都要記住佢幾點瞓過覺、瞓咗幾耐，又幾點食過嘢、份量，以便準備下一餐，淨係記呢啲同望住個鐘都已經用咗好多精神了 ::mm2168
刪除不過唔知係咪錯覺，今次旅行後，阿女懂事了同定性了少許 ::mm1542
趕快收拾心情，計劃秋季旅遊，一家人旅遊幸福快樂～
回覆刪除檢討完就好快收拾了心情喇，我都想計劃秋季旅遊呀，不過冇咁多假呢，今年的 quota 已經取凸了 ::_359
刪除D相都影得唔錯吖, 夏天去會比較辛苦, 但每一次旅行自當有其記憶留念價值, 不需要有問號 XD
回覆刪除你真叻, 要工作又要湊阿B, 仲可堅持寫blog記錄, 不易也, 要加許至真
多謝 ! 估唔到過程中甩甩漏漏、手忙腳亂，都影到啲滿意的相片，算係咁的了 ::mm2058
刪除問號就總會有的了，就當作是檢討，希望下次做得更加好啫，不過我唔會俾呢啲負面情緒困擾太耐，因為要盡快收拾心情去玩 ::mm1583
我都見好多 blog 友自從有咗小朋友之後，就冇再寫 blog 了，而自己都少咗時間同太累好耐冇巡 blog，但真係唔想停咗寫 blog，始終想打番啲記錄同留番少少回憶，如果唔係就得番相片，咩都唔記得晒的了 ::mm1581
give me 5, 絕對絕對同意和同一諗法, 其實我都有點想唔再寫blog, 都幾花精神時間的, 但正正就是你的想法, 記憶越來越差, 去邊點去, 心情和經過等等, 唔寫低係可以無咩印象, 但一睇翻blog時又重現眼前記得起, 現在我還會多一點拍片, 多一種方式來回憶 :D
刪除而家已經方便好多一機幾用，以前旅行又帶相機又帶攝錄機，返黎之後又要錄番DVD保存，不過當個細路大咗呢啲就係回憶。
刪除最主要都係想記錄番啲過程及感想，呢啲係要用文字先記錄到，尤其是而家連晒相出嚟整相簿都唔會做嘅年代，更加覺得文字記錄的可貴 8->
刪除