21‧3‧2014
昨晚放工，走在港鐵的月台上，突然感覺到有人伸隻手過來拖著我，心中怯一怯，猜想是同事還是神經漢 ?! 轉身一看原來是 Ricky :-O
問他為什麼會在這裡，原來是我們的拍拖周年，所以他特意過來接我放工，還 book 了檯吃日本菜慶祝 <:-P
晚餐：鳥羽 ~ 名古居料理
鹽燒牛舌、鰻魚玉子、溫泉蛋甜腐皮 (牛舌是我最愛，當然好味啦，另外兩樣都頗特別，味道不錯 :-bd)
既然主打名古屋料理，當然少不了炸雞翼 (甜兩隻、辣三隻) 和鰻魚飯吧 ! (兩者味道 ok，鰻魚飯的鰻魚肉厚，但比想像中乾身，和名古屋一樣有 3 種吃法)
Ricky 說記得我說過想試 macaron ，所以買了來自法國很有名氣的馬卡龍(Macaroon)專賣店 Ladurée 的給我試試
馬卡龍的英文/法文串法不一，小圓餅 macaron 和蛋白杏仁餅乾 macaroon 其實是有分別的，分別在那裡我沒研究了，反正我只是想試試罷了 :P 試過後，我終於知道何謂「外鬆內軟」的美味了 =P~
左：甘草、開心果、雲呢拿、椰子朱古力綿花糖
右：薑餅、海鹽焦糖、哥倫比亞朱古力、草莓糖果綿花糖
顏色也很漂亮嘛 ! 這種法國甜品，個子小小的，可愛又好吃，難怪那麼多人為它著迷吧 ! 8->
雖然這幾天有點頭痛不適，所以晚餐吃得不多，但對於 Ricky 這份心意，甜在心，謝謝了 ~ :"> ( 但好奇怪的是，他對於拍拖周年是特別上心的，至於那些結婚周年呀、生日呀，反而我們都沒有特別去慶祝的 :-? )
哈，恭喜恭喜。
回覆刪除你個開場白好搞笑。=))
唔係搞笑架，果一刻真係想轉頭就鬧 :)) 你都唔知觀塘幾多自言自語既神經人仕呀 ! 好彩我個凶神惡剎樣收得快，仲要立即唧番個笑臉出黎先叻呀 ! =))
刪除嘿，我成日都話Ricky要加分。佢喺港鐵月台等你真系好險，萬一走眼，好容易搞出個大頭佛>:) 又食飯又收甜品，呢個321你以後實記得啦！ ^O^
回覆刪除佢喺入閘位等，見到我先後跟上月台的
刪除拍拖周年我真係唔會記的 :P 結婚周年、生日果o的我就會記，不過冇禮物之嘛 ! :-w 所以佢真係古古怪怪的，不過是但啦，而家都冇咩所謂了
真係開心::mm2373
回覆刪除難得Ricky仲咁上心，製造驚喜俾你::mm2217 ，有好多男人時間耐咗就慢慢唔記得哂，要提佢 (我身邊嗰位咪係囉)，講真到我出到口先記得先識做，感覺都無乜意思了::mm2218
3J，老夫老妻，仔大女大，算啦。（男人借口 >:) )
刪除以前掛住湊仔，好多時都無理D乜乜日子，因為都未必得閒出去慶祝，都算了...
刪除宜家阿仔大咗，仲要去咗外國讀書，又開始番二人世界，多咗時間，有時都想响嗰D乜乜日子可以有D特別安排架...不過一直無做開，漸漸就無諗住會再做
雖然係老夫老妻，要維繫幾十年嘅感情都唔係容易架...响平淡嘅生活裏面搵藉口花少少心思，開心一下，無咁悶嘛::_348
「有好多男人時間耐咗就慢慢唔記得哂」← 其實我果位都係架，又或者唔係唔記得，係費時花心思去慶祝o者，我都冇咩所謂了，因為反正自己都係懶慶祝的，好多時都係講一聲「周年/生日/情人節 …… 快樂」就算 ::_1559 不過間中一次的驚喜又真係幾開心o既 ::_1555
刪除有o左小朋友，自然就會將全副身心放o係佢地身上，你個仔大咗仲去埋外國讀書，一般講緊o既都係十幾廿年既事，成廿年冇做開o既浪漫事，一般男人更加唔會/記得去做啦，所以都係自己安排o的二人世界 buffet、晚餐等，來個小浪漫吧 ! ::mm2292
刪除所以我宜家咪用D乜乜日子做藉口去旅行慶祝囉::mm2065
刪除態度兼做法正確，哈哈 ~ ::_1856 其實最緊要自己開心咪得囉 !
刪除冇呢支歌仔好耐啦 (:|
回覆刪除係咁架喇，而家人越大，對呢o的越冇所謂，雖然有時都會想有o的搞作慶祝，但其實到頭來都知自己懶、唔想搞。所以都係平時心血來潮時先會自製浪漫一番，唔會太在意o係咩日子了 ::rr8012
刪除so sweet, 又開心又窩心, 又驚喜又美味, 想唔比like Ricky 都唔得, 你係得嘅 :D
回覆刪除咁幾年先一次又真係估佢唔到、幾驚喜o既 :"> 但話分兩頭，幾年咁多個重要日子，加埋先得一次驚喜，都唔知係唔係應該讚佢好 ? :-w
刪除恭喜晒呀！佢能夠記住哩啲日子係好事 \m/ 我嗰年就記唔記得都罷喇，當年當月，坦克入城 [-(
回覆刪除坦克入城咁難忘，咁就真係唔記好過囉……唔緊要，咁平日俾多o的驚喜、送多o的禮物仲開心，唔洗在意係咩日子o既 ::mm1549
刪除可能我大貪啦，每日都係記念日，係記念「當年今日」:))
刪除鳥羽, 佢啱啱開的時候都試過, 只記得當時的炸雞翼麻麻地....
回覆刪除Laduree 的Macaron 好好味, 不是太甜, 不過唔可以成日買, 所以平時買另一隻平少少的, 因為一次可以食幾粒....::mm2374
鳥羽而家的炸雞翼唔算話好食到想 encore 果種，我未食過名古屋果o的，唔知呢間的做法正唔正統，或者我都係鍾意炸完仍然有o的肉汁果類雞翼吧 ! 但鰻魚飯就真係麻麻，好乾，仲要成 $ 268 (大概)，唔值囉 ~
刪除我之前冇食過 Macaron，比較唔到，但試過一次感覺的確唔錯，我都想試o下其他o的品牌呀，有冇好介紹呢 ? 8->
Pierre Herme 的Macaron 都唔錯, 但就比較甜, 平時就買Leonidas 的, 因有VIP card, 所以有九折, 但最鍾意都係Laduree
刪除唔該你呀，等我慢慢去試下先 ~ =P~
刪除so sweet!! Ricky真係絕世好老公啊!!
回覆刪除咁耐都冇送過禮物，俾一次驚喜就得到咁多讚賞，佢賺晒啦 ! ::mm2218
刪除我差點以為你們還沒結婚~原來結婚後還有拍拖周年紀念啊XD
回覆刪除就係唔明佢有結婚紀念日唔慶祝、偏偏就係對拍拖紀念日特別上心，唔通佢對拍拖的印象比結婚更加深刻 ?? :-?
刪除sweet到暈啦~ 我都想知我係邊日拍拖紀念日::vv4045 , 想多份禮物都唔得::cc9106 , 驚喜都唔知幾多年無lu, 一樣係要人提佢先記得, 仲要次次自選禮物::ww6006
回覆刪除幾年先得一次驚喜，咁好似你抵好多喎，一年有幾次收禮物時間 ::mm2218
刪除我諗唔到咁多禮物咋，如果唔係，自選禮物環節都唔錯的，好似上次訂o的浣熊咁，係自己買完醒起自己有好多節日未收禮物，先出聲話不如o的浣熊當 XX 禮物啦 ? 佢話好呀，咁就算架喇 ~ :-w
好sweet呢~~
回覆刪除係o既呢 ~ O:-)
刪除