行程 ~ 山形縣 ( 山寺 → 銀山溫泉 )
交通：
(1) 上山溫泉(かみのやま溫泉)駅 (9:43am ~ JR [普通] 奧羽本線 ~ 福島-橫手) → 山形駅 (9:57am) ~ ￥230
(2) 山形駅 (10:36am ~ JR [普通] 仙山線) → 山寺駅 (10:55am) ~ ￥230
(3) 山寺駅 (1:42pm ~ JR [快速] 仙山線快速) → 山形駅 (1:58pm) ~ ￥230
(4) 山形駅 (2:45pm ~ JR [普通] 奧羽本線 ~ 福島-橫手) → 大石田駅 (3:40pm) ~ ￥650 ，大石田駅 (3:55pm ~ 巴士) → 銀山溫泉 (4:41pm) ~ ￥690
(5) 銀山溫泉 (6:21pm ~ 巴士) → 大石田駅 (6:51pm) ~ ￥690 ，大石田駅 (7:50pm ~ JR [普通] 奧羽本線 ~ 福島-橫手) → 新庄駅(8:10pm) ~ ￥400
一早 5:30am 起身，到 8/F 的大展望風呂打算浸著溫泉看日出 
一進入浴場，就被眼前那約二、三十的人嚇親 …… 忘了說的是昨晚我到 1/F 的大浴場浸溫泉時，場內應該有約 三、四十人分別在不同的位置浸溫泉的了，所以我都是每個池隨便浸過一下便離開了 …… 想不到早上也有如此「盛況」
但既然一場來到，當然看埋日出先走吧 ! 
浸了不夠 5 分鐘，從大浴場的玻璃窗看到出面的天色逐漸變亮，旭日慢慢升起，大家全神貫注地看著這美麗的一刻出現，間中還會有幾聲讚歎的聲音 … 但最值得欣賞的是，當日本人看到日出的一刻，除了會找個有利的位置欣賞之外，還會輕輕把身子移動開，在那丁點的位置讓出空間給其他人過來一起欣賞
一進入浴場，就被眼前那約二、三十的人嚇親 …… 忘了說的是昨晚我到 1/F 的大浴場浸溫泉時，場內應該有約 三、四十人分別在不同的位置浸溫泉的了，所以我都是每個池隨便浸過一下便離開了 …… 想不到早上也有如此「盛況」 但既然一場來到，當然看埋日出先走吧 ! 浸了不夠 5 分鐘，從大浴場的玻璃窗看到出面的天色逐漸變亮，旭日慢慢升起，大家全神貫注地看著這美麗的一刻出現，間中還會有幾聲讚歎的聲音 … 但最值得欣賞的是，當日本人看到日出的一刻，除了會找個有利的位置欣賞之外，還會輕輕把身子移動開，在那丁點的位置讓出空間給其他人過來一起欣賞
電梯內的海報：介紹每天 8:30pm 時段不同的表演項目
如果有這款花笠帽和車厘子吊飾的話，我會買的，可惜沒有
8/F 展望大浴場：
8/F 的展望大浴池，是配合露天溫泉，能得到晴朗的開水，感覺和享受都受到好評的浴室。
根據不同的季節變化，夏天在滿天的星空下，能看到藏王峰巒的雄姿和市內的夜景；冬天能看到藏王峰巒的雪景。
( 圖片取自官方網站 )
浸完溫泉也只是 6:30am，距離吃早餐的時間還有 1 個多小時，回房補眠先 !
然後才去吃早餐，今早吃早餐的地方很大，中、西、日式食品都有 
吃過早餐，到賣店取回昨日畫的陶瓷碟後，便上房執拾行李了，我們要撘 9:15am 的送迎巴士到 JR 站
昨日看表演的地方，現在則提供了熱茶供客人享用
Check out 了 ~
等候期間，我們到門外影旅館的外觀，因為昨日撘送迎巴士來的時候，甫下車便被迎上來的職員招呼著，所以還沒有時間影呢 !
旅館門外放滿花笠，是職員用來歡送客人的，我們等職員歡迎完客人後，影下這些特色的花笠
這時，一位穿著套裝的女士 (應該是古窯的主理人吧 ?)見我們影得起勁，便取起一個花笠叫我們拿著影相，又問我們是從哪裡來的，當知道我們是「外國人」後，立即匆忙地進入旅館內，拿了一條車厘子方巾送給我們，謝謝呀 ~ 
我們連番道謝後便坐上送迎車去了
總括而言，我對古窯是滿意的，縱使當初入住的時候有很多的疑惑和不解，但自己亦很清楚，負面的感覺是源自於自己的期望太大 …… 仔細一想，古窯無論環境、體驗及設施、食物都有一定的水準，最重要的，是那熱情的待客之道，難怪古窯在日本人心目中可以佔如此高的位置。
回覆刪除[版主回覆01/22/2013 13:43:07]真係可以重手o的 … 不過當初公仔身個花花位一筆劃落去即化開，超深色，嚇到我立即輕手o的，所以反而而家淡左少少，但都 ok 架喇，我要求唔高
[小肥回覆01/22/2013 10:51:17]
[版主回覆01/18/2013 13:40:57]為左你，篇 blog 我趕o係周末前出架
每次離開温泉酒店，職員嘅熱情歡送，感覺好窩心~~~
回覆刪除[版主回覆01/18/2013 13:46:02]係架，溫泉旅館除了 sell 食宿之外，還有殷勤的服務，令你賓似如歸
我想睇你燒好隻碟.
回覆刪除間酒店好正, 可惜我唔係好浸溫泉, 住呢d 酒店好o徙.
[版主回覆01/20/2013 02:10:19]Nerissa：我都好鍾意日本啲杯碟架， 但真係正宗果o的「xx燒」太貴了，所以只會係忍唔住既時候先買一隻半隻用黎收藏，唔捨得用
[版主回覆01/20/2013 02:04:51]蜻蜓：我反而1 個人去先敢浸溫泉，同朋友去感覺會好尷尬的 …
[Nerissa回覆01/19/2013 14:38:48]唔該晒, 燒好隻碟同畫稿睇法好唔同, 因為我都好鍾意啲杯杯碟碟, 但係日本睇到靚既實在太貴, 好多年前有人係日本買咗一盒酒杯俾我, 到而家只係用黎招呼過客人飲過一次, 唔捨得用.
我地係連浸溫泉都唔好, 所以每次都係住普通酒店已經得嘞, 喺住方面慳返啲.
[路過蜻蜓回覆01/19/2013 09:00:36]1個人去我就唔會浸溫泉lu, 幾個friend一齊浸傾下講下開心啲!!
[版主回覆01/18/2013 22:53:13]Upload 左隻碟喇
[版主回覆01/18/2013 13:55:48]燒好隻碟就同畫個稿差唔多 … 咁我夜o的再 upload 多張相你睇啦
我都好快可以去日本浸溫泉喇.............
回覆刪除[Bondy回覆01/20/2013 12:00:36]
[版主回覆01/20/2013 02:01:53]你何止可以去、仲係可以浸飽先返黎啦 !
「古窯」俾人嘅感覺好自在、好舒服，都唔錯吖
回覆刪除[版主回覆01/20/2013 15:13:07]都唔只「墟陷咗少少」、係好墟陷添喇 我諗呢個都係對古窯扣左少少分既原因 ……
間酒店唔錯，不過而家住溫泉酒店好怕多人
回覆刪除[版主回覆01/22/2013 13:47:10]間旅館服務最好，其次房間、溫泉同膳食都唔錯，唯一真係好多人，因為咁o岩呢日應該係有日本本地團 (我見到架大旅遊巴士剛剛早我地少少走)，所以多人到有o的嚇我一跳
大型溫泉旅館通常人係比較多，但相對設施又會比較多D，最緊要服務好
回覆刪除隻碟好靚呀..
[版主回覆01/23/2013 13:55:24]所以最緊要係知道自己想要咩，咁就可以揀到間合心意既旅館啦 !
咁早就有二三十人一齊浸溫泉
回覆刪除[版主回覆01/23/2013 21:35:05]我都未試過有咁多人一齊浸內湯呀，其實第一眼見到果下真係有想過出返去唔浸的，但一場黎到又比左錢，梗係浸埋先啦 !
個女人咁高貴, 一定係主理人....
回覆刪除其中一個鍾意去日本的原因就係佢地的待客之道.....
我都好怕好多人一齊浸, 不過全部係日本人又冇所謂.....
[版主回覆01/25/2013 13:54:47]見佢一身得體既套裝，應該都係話事人，不過唔知係名銜o者
哈哈，我以為佢送個花笠俾你，不過有條車厘子方巾都好
回覆刪除[版主回覆04/06/2013 14:59:26]送個花笠俾我仲驚呀，都唔知點拎返屋企