6:50am 到東京都，我們先在 JR 駅內的洗手間各自梳洗整理一下，然後便回五反田的酒店，放下之前在中部買的戰利品，7:55am 到附近的 Mos Burger 吃早餐
五反田駅
原本今天的行程還預算會去根津神社和澀谷的，不過都給我們取消了 ~ 果然，一回到市區，我們便沒有了旅行的那種幹勁
這間 Mos Burger 的環境不錯呀
有期間定的魚柳包 ? 不過可能我們撘完夜車，不太肚餓，所以沒有試到呢 !
又吃我們最愛的燒汁牛肉包，另加美味薯餅，日本的薯餅真的很好吃，因為內裡是薯蓉狀，而且甜甜的好味道 !
吃完早餐，就到第一站 ~ 新宿，執拾購物清單上的物品
↑↓ 新宿高野的水果 o者喱，造型超可愛 ! ￥600-￥800@，我們買了兩個試試，另外還買了些果汁味的牛奶糖做手信，同事都說好吃呢 !
經過 Sanrio，幫 Kitty 抽獎，其實我自己也很想要那張 Kitty 頭地毯呢 !
嘩 ~ 好靚 ! 不過冇 ck 鼠就有點失色啦 !
PC 狗和 Pekkle 也很可愛嘛 !
然後來到第二站 ~ 池袋，可能別人會覺得很好笑，但我的確是第一次來的呀 !
不過對於未去過池袋的我們來說，這裡很大，我們要問人才去到 Sunshine City 呢 ! 
而且，們在這裡只逗留了 2 hrs，減去了吃 lunch 時間，真的不夠時間逛呀 !
Lunch ~ 選了在地下的店子吃燒肉
我的「Grilled Beef Kalbi "BLUCKY" Set Meal」，即是什麼牛 ? 什麼部位 ?
不過醬汁幾香口野味 
Ricky 的「Donabe Stew Set Meal」，類似和風咖哩牛肉，Ricky 說味道一般
上 Sunshine City 繞了一圈，只行了一層便離開了
因為要到第三站 ~ 上野，買手信呀 ! 雖然說上野的零食選擇多，又比較便宜，但可能對於我們不懂日文的人來說，選擇太多，容易眼花撩亂，而且味道也好像欠一點點似的
買完手信，是時候回五反田取回行李往撘飛機了
便利店內的 Kitty Cafe
嘩 ~ 途中看見這個紫蕃薯蛋糕，很吸引呀 ! 不理已經一袋二袋的 Ricky，買了才算 !
一上機便吃蛋糕，以排解心中的離愁別緒
Ricky 的白汁海鮮飯
我的牛肉飯
在飛機上看了一整套「阿瞳木」
機場的通道上掛滿農曆新年的字樣，很有氣氛，更明確地把我們拉回到現實
1:11am 出到閘，回家了 !
今天的 ~ 最後衝剌呀 ! 
時間果然好緊迫吖！咁就玩完 5 days 了！
回覆刪除[版主回覆07/30/2010 22:57:00]唔好意思，係我打錯左「第六天」 所以話時間真係過得超快，咁就玩完 6 days 喇 !!!
紫蕃薯蛋糕好似好好味咁呀! 我今次個trip返到東京個最尾2日,都好似你咁無左個幹勁咁...
回覆刪除[版主回覆07/30/2010 23:15:00]都幾好味架 ! 我都係自從有一次 o係日本食過紫蕃薯雪糕之後，就愛上左紫蕃薯味既產品喇 係呀，一返到市區，我同 Ricky 都好似「謝晒」咁，仲skip 晒好多行程添呀 !!
恭喜晒...終於完成遊記~~
回覆刪除另外, 你真係shop 得好勁喎~~ 有破產嗎??
[版主回覆08/01/2010 21:32:00]一直想完又唔捨得完，終於都要完成喇 !
嘻 … 睇番都覺得自己 shop 得幾勁下，所以我咪話一想起點拎返 HK 就驚囉 !! 但次次都唔會汲取教訓架喎 ! 冇破產，係變成負資產 ~ 還咭數 !
係變成負資產 ~ 還咭數 !----> 唔緊要.....有人幫你還~~
回覆刪除[版主回覆08/01/2010 23:01:00]No ~ 自己的債自己還 …
趕咗咁多日，之前仲夜車， Last Day 一定好倦 ~~~
回覆刪除池袋好大嫁，有幾多嘢行，商店亦集中，我哋差唔多次次去東京都會住 / 去 ~~~
去上野買手信，我哋喜歡去中谷商店 ( 但位置較難找 ) ，手信貨品精啲，但都好食，職員亦有人情味，而且比二木の菓子平啲，亦有 Pack 箱服務 ~~~
[版主回覆08/02/2010 22:09:00]我都知池袋多野行呀 ! 只係我地預留太少時間 shopping o者 主要係我地一返市區就冇心機行喇 ~
中谷商店係咪同 二木の菓子一條街架 ? 有機會都試下 o係呢度買零食先 !
我都plan緊中部行程，少過你，得5days 更有挑戰勝！
回覆刪除[版主回覆08/03/2010 14:31:00]5 days 冇問題丫 ! 名古屋往返時間都 ok 架，我地係要去埋東京先趕之嘛 ! 淨中部計，我地得 3 days 咋 !
中谷商店同二木の菓子唔係同一條街嫁，中谷商店位置偏啲，由二木の菓子向秋葉原行去大約二分鍾左右 ~~~
回覆刪除[版主回覆08/04/2010 23:59:00] 哦 ~ 都算 o係附近，應該唔難搵的 ! 唔該晒 !
我好明白你嘅感受，因為我次次去完旅行響回程機上抵港一刻都有想喊嘅衝動!! (D 人成日笑我癡線 ).....如果可以成日去旅行就好啦，不過現實係無咩可能嘅事，所以先會有期待，期待嘅心情都係一種享受，有時發癲自己無啦啦plan下D未成事嘅行程都會超開心囉
回覆刪除[版主回覆08/09/2010 00:24:00]我都係喎 ! 以前去旅行回程時係會喊架 ! 最樣衰既一次係跟團、回程時 o係機上俾領隊見到添呀，醜死怪啦 ~
「有時發癲自己無啦啦plan下D未成事嘅行程都會超開心囉」~ 唔係發顛，係發神經，因為我都做緊呢 o的野 ! 哈哈 好似我手頭上都 plan 緊立山、東北、北海道 … 只不過全部都未成事既，所以 plan plan 下又冇咩興致，而家擱置左 !!
池袋真係唔錯 , 算係地獄中嘅清流
回覆刪除[版主回覆08/11/2010 00:13:00]但今次我地得好少時間行呀 !! 又要搵時間再去喇 !!
原來我真係MISS咗呢篇未呀 ...等我仲成日話妳差一日都寫咁耐
回覆刪除有咁大張史迪仔被嘅
[版主回覆08/22/2010 10:00:00]可能最後兩篇既標題差唔多，所以容易令人誤會啦 ! 妳就真係仲差幾日未完成喇 !!
史迪仔被 o係池袋買架，半價呀 !!! 好似係￥1990 左右，所以唔買唔得啦 !!!
話時話，你好似去左好多次日本，有無十次八次？不過日本真係好好玩，令人好開心同舒服，去幾多次都係咁正，我又想去啦！
回覆刪除[版主回覆09/06/2010 22:18:00]唔係好多次 o者，6 次 ! 但日本仲有好多地方未去呀 !!! 另外我都好想去一次澳洲、一次地中海架 ! 唔知要排到何年何月喇
想去就 plan 啦，可以 plan 在你地黎緊個「大 project ~ 驚喜之旅」之後架嘛
我都想~ 都可以諗諗佢~~ 你的結婚週年都快到，一於同你老公講去轉澳洲或地中海慶祝~~
回覆刪除[版主回覆09/07/2010 00:04:00]但日本我仲有好幾個地方未去而又想去架喎 好傷腦筋 今年結婚週年唔會外遊喇，冇假冇 $